ცივი ფანჯრის რაფისგან დაზღვეული არავინაა. არც პლასტმასის ფანჯრის და არც ხის ჩარჩოს მქონე ფანჯრის მფლობელი. ეს მათაც შეიძლება დაემართოთ, რომლებმაც ახლახანს პლასტმასის ფანჯარა დააყენა. Vivien გიამბობთ, როგორ მიხვდეთ, რომ ფანჯრის რაფას დათბუნვა სჭირდება და როგორ მოვახდინოთ მისი იზოლირება.ამის გარკვევა საკმაოდ მარტივია. თუ ცივ სეზონზე შენობაში ჰაერის ტემპერატურა მცირდება ან ფანჯრის ღიობიდან ქარი კარგად უბერავს, გამოდის იზოლირება სჭირდება. შემოდგომაზე კონდენსაცია და ზამთარში ყინვა საუბრობს, რომ ფანჯარა ჰაერს ატარებს. მიზეზი შეიძლება არასწორი მონტაჟი იყოს.
იმის დასადგენად, თუ საიდან უბერავს ქარი, სანთელი აანთეთ ან სანთებელა ყველა შეერთებაზე მოატარეთ. ხელი დაასველეთ და ამავე მეთოდით ფანჯრის რაფასთან გადაატარეთ. იმ ადგილებში, სადაც ცივი ქარი უბერავს, სიცივეს იგრძნობთ.ფანჯრის რაფა როგორც შიგნიდან, ასევე გარედან შეგიძლიათ დათბუნოთ. თუ ფანჯარა ახლახანს დაამონტაჟეთ, კომპანიას დაურეკეთ. ისინი ვალდებულნი არიან, რომ გარანტიის მიხედვით პრობლემა მოაგვარონ. თუ საგარანტიო ვადა გასულია, ფანჯრის რაფა თავად დათბუნეთ.პლასტმასის ფანჯრის რაფა შეგიძლიათ დემონტაჟის გარეშე დათბუნოთ. საკმარისია, ქარის გამტარი ადგილი მოძებნოთ და ქვემოდან სამონტაჟო ქაფით ამოავსოთ. იზოლაციისთვის სილიკონის ჰერმეტიკიც გამოგაგდებათ, რომლითაც ნაკერებს ხშირად ამუშავებენ.
რით დავთბუნოთ ფანჯრის რაფა – გამოგადგებათ მინერალური ბამბა, ქაფპლასტი და სხვა მასალა. ქაფის გამოყენებას გირჩევთ, რადგან გაფართოება ახასიათებს და დიდ ხვრელებს ავსებს. ჰერმეტიკი პატარა, ძლივს შესამჩნევ ხვრელებს ანეიტრალებს. მინერალური ბამბა არა მხოლოდ შენობაში სითბოს ინარჩუნებს, არამედ ხმის კარგ იზოლაციას ქმნის.ქაფპლასტი ფანჯრის რაფის ქვეშ წაუსვით და სამონტაჟო ქაფით დაფარეთ. შეგიძლიათ ფითხი გამოიყენოთ. ქაფპლასტი სითბოს კარგად ინარჩუნებს და ბიუჯეტური მასალაა. თუ ფანჯრის რაფის მოხსნა გიწევთ, დაგჭირდებათ რამდენიმე ხელსაწყო: პულვერიზატორი წყლით, ღოჯი, დანა, ჩაქუჩი. ღიობებსა და კედელთან, რომელთანაც ფანჯრის რაფა კონტაქტშია, ბათქაში ჩამოყარეთ. ფანჯრის რაფას ძველი სამონტაჟო ქაფი მოაშორეთ.
ყურადღება მიაქციეთ, რომ ფანჯრის რაფის დემონტაჟი აუცილებელი არაა, თუ ცივი ჰაერი მის ქვეშ უბერავს. როცა ფანჯრის რაფას მოხსნით, სამონტაჟო ქაფის სქელი ფენა ღიობებს წაუსვით და ზემოდან ფანჯრის რაფა ფრთხილად მოათავსეთ, ღიობების დონეზე ძლიერ დააჭირეთ. ფერდობის ადგილის ქაფით დამუშავება ზედმეტი არაა, მისი გავლით ქარი ხშირად უბერავს. ფერდობის დამუშავება ფითხით თავიდან მოგიწევთ, ხოლო ბოლოს ნაკერები ჰერმეტიკით უნდა დახუროთ.
ფანჯრის რაფის დათბუნვა გარედან – დროთა განმავლობაში სამონტაჟო ქაფი ჯდება, განსაკუთრებით ცივ სეზონზე. თუ ფანჯრის რაფას გარე მხრიდან მოხსნით, შეამჩნევთ, რომ მის ქვეშ ქაფი თითქმის არაა. გარე თერმოიზოლაცია რაფის დათბუნვაში დიდ როლს ასრულებს. წინააღმდეგ შემთხვევაში, როგორც არ უნდა სცადოთ შიგნიდან დათბუნვა, ორპირი ქარი მაინც არ მოგშორდებათ.როცა კონსტრუქციის ჰერმეტულობა დარღვეულია, თერმოიზოლაცია იტანჯება. როცა ფანჯრის რაფა დავაყენეთ, აღმოჩნდა, რომ აივანზე ყოფნა შეუძლებელია. ყველაფერი იმიტომ, რომ ქვედა სართულის მეზობელმა აივანი არ შემინა, ახლა ჩარჩოების ქვეშ ორპირია, მაგრამ ბიძიამ დათბუნვის მარტივი მეთოდი მასწავლა.
სარინი მოაშორეთ, ზუმფარის ქაღალდით დაამუშავეთ. შემდეგ დარჩენილი ჭუჭყი მოაშორეთ და გააშრეთ. ფანჯრის რაფას გარედან ზედმეტი მტვერი და ჭუჭყი ცოცხით ან მტვერსასრუტით მოაშორეთ. ახლა გარედან ფანჯრის რაფის ქვეშ ყველა სიცარიელე ქაფით ამოავსეთ. ასე შენობაში უფრო დათბა, თან წვიმის დროს წვეთები არ კაკუნობს და არ გვაღიზიანებს. ახლა დღისით და ღამით ტემპერატურა არ იცვლება.
