ყავა ბევრისთვის საყვარელი დილის გამამხნევებელი სასმელია, რომელიც არა მხოლოდ გემრიელი, არამედ სასარგებლოა. ყავი ნალექი სამკითხაოდ ან მეურნეობაში შეგიძლიათ გამოიყენოთ. Vivien გიამბობთ, როგორ გამოიყენოთ ყავის ნალექი ბოსტანში. მისი დახმარებით სწრაფად და ეფექტურად მოიშორებთ მწერს, რომელიც ყვავილებს, ხილსა და ბოსტნეულს ანადგურებს.
ხალხური საშუალებები მავნებლების წინააღმდეგ
ბუგრი ერთ–ერთი ყველაზე გავრცელებული მავნებელია. უპრეტენზიო მწერი ყველაფერს ჭამს და სწრაფად ვრცელდება. ვარდი, მწვანილი და პომიდორი მისი მოქმედებით განსაკუთრებით ზიანდება.
ბუგრი მცენარის ღეროს და ფოთლებს ჭამს. მცენარეზე მოხვედრისას ბუგრი გამოყოფს შხამიან ფერმენტს, რომელიც ფოთლებს ანადგურებს, ხმობა და დახვევა იწყება. ეს მცენარეზე ბუგრის გამოჩენის პირველი ნიშანია.
როგორ ვებრძოლოთ სახიფათო მავნებელს ყავის ნალექით? საშუალების ეფექტურობა კოფეინით გამოწვეულია. კოფეინი მწერზე ნეიროტოქსინივით მოქმედებს, მის ცენტრალურ ნერვულ სისტემას აზიანებს და კლავს.
ყავის ნალექთან შეხება ან შესუნთქვა საკმარისია, რომ მწერი დაიღუპოს. ამავდროულად, ყავის ნალექი მცენარისთვის სასარგებლოა. მასში შემავალი საკვები ნივთიერებების დახმარებით მცენარის ფესვები ძლიერდება და ზრდა სტიმულირდება.
როგორი ყავის ნალექი გამოგადგებათ ბუგრების წინააღმდეგ და მცენარის საკვებად
კვლევებით დადგენილია, რომ ესპრესოს ყავის ნალექი ნაკლებ ბიოაქტიურ ინგრედიენტს შეიცავს, ამიტომ მწერზე სუსტად მოქმედებს. ასეთი ყავის ნალექი გამოგადგებათ ახალგაზრდა მცენარის გამოსაკვებად, რომელსაც საკვები ნივთიერებები დოზირებულად უნდა მიაწოდოთ.
უკოფეინო ყავის ნალექი ბუგრების წინააღმდეგ უძლურია. მასში არ შედის საჭირო ფერმენტი, რომელიც მწერს ანადგურებს. ყავის ნაცვლად მცენარის დასაცავად შავი ჩაი შეგიძლიათ გამოიყენოთ, თუ ყავას არ სვამთ.
ჩაიც ბევრ კოფეინს შეიცავს. ნარჩენი ჩენჩო მცენარის ქვეშ მიმოყარეთ. ასე არასასურველ მწერებს მოიშორებთ, მცენარეს საჭირო ნივთიერებებით გამოკვებავთ. მიწას გამოფიტვისგან დაიცავთ.
გამოცდილი მებაღეები და მებოსტნეები ბუგრების წინააღმდეგ პრევენციული ზომების მიღებას გირჩევენ. ყავის ნალექი მცენარის გარშემო მიმოყარეთ, თუნდაც ბუგრების ნიშანი არ იყოს. აკონტროლეთ, რომ ნალექის მიმოფანტვისას მიწა მშრალი იყოს, რომ არ დაობდეს და სახიფათო დაავადება არ გავრცელდეს.
ყავის ნალექიდან სპრეიც შეგიძლიათ გააკეთოთ. ძლიერი ყავა მოადუღეთ ან გამოყენებულ ნალექს 250 მლ წყალი დაასხით. 30 წუთი გააჩერეთ, გადაწურეთ და გაგრილება აცადეთ.
სითხე სპრეი ბოთლში ჩაასხით და მცენარე დანამეთ. ყოველ 2 საათში დამუშავება გაიმეორეთ. ფოთლების შიდა მხარეები განსაკუთრებით კარგად დაამუშავეთ. აქ ბუგრებს დასახლება უყვარს.
