რა როლი აქვს ნათლიდედას ბავშვის ცხოვრებაში? ამ კითხვაზე პასუხი უფრო მარტივია, ვიდრე ფიქრობთ. მომავალი ნათლიის არჩევას მთელი პასუხისმგებლობით უნდა მიუდგეთ. მათ ბავშვები ისე უყვართ, როგორც საკუთარი, არიგებენ და ცხოვრების გზაზე ეხმარებიან.
ნათლიდედის არსი – ასე ფიქრობდა ვიკა, როცა საუკეთესო მეგობარმა, თათიამ თავისი ახალშობილის ნათლობაზე მიიწვია. ვიკა და თათია სკოლიდან მეგობრობენ, ამიტომ ნათლიის არჩევანში არ დაეჭვებულა. თათიამ იცოდა, რომ მეგობარი არ უღალატებდა. თუნდაც ცხოვრებაში რაღაც გამოუსწორებელი მოხდეს, მისი ქალიშვილი ბავშვთა სახლში არ მოხვდება. ვიკა თავად აღზრდის ისე, როგორც საკუთარს. ვიკას ძალიან უხაროდა, რადგან ნათლიდედობა დიდი პატივია. სწორედ ის დაიჭერს პატარას ეკლესიაში, სანამ სულიერ სახელს მიიღებს. ქალი პატარას საჩუქრებზე მთელი ხელფასის დახარჯვას უკვე აპირებდა. არ აშინებდა, რომ თავად ცოტა შიმშილი მოუწევდა.
ძვირფასი მეგობარი – თათია ვიკასთან ნათლობის დეტალებს აქტიურად განიხილავდა. როგორი იქნება რესტორანი, რა კაბას ჩააცმევს ქალიშვილს, რას შეურჩევს მეუღლეს. მის წინადადებებში არაფერი უცნაური ან გაუგებარი არ იყო. ნათლიები ვიკა და ანრი, ქმრის საუკეთესო მეგობარი, გახდებიან. „კარგი კომპანია შეიკრიბა“ – კმაყოფილი ფიქრობდა მომავალი ნათლიდედა. დღესასწაულისთვის მომზადება გაჩაღდა, მაგრამ მოულოდნელად ვიკამ მეგობრის განწყობაში ცვლილებები შენიშნა. გადაწყვიტა, რომ ახალგაზრდა დედა უბრალოდ ნერვიულობდა. თათია საუკეთესო მეგობრის კითხვებს უხალისოდ პასუხობდა, იშვიათად ურეკავდა. ვიკა ამას მაინც შფოთვას აწერდა. როცა ნათლობის დღე დადგა, გოგონამ მეტყველების უნარი დაკარგა.
დანა ზურგში – ეკლესიაში კიდევ ერთი ნათლიდედა იდგა. თან აშკარად ვიკაზე მთავარი, რადგან გოგონას პატარა დიანა ხელში ეჭირა. ვიკა გრძნობდა, რომ მალე ატირდებოდა, ყელში ბურთი გაეჩხირა. „ეს როგორ? ამ დღეში მთელი სული ჩავდე. როგორ ვიცხოვრო ახლა მომავალ ხელფასამდე?“ მოგვიანებით გაარკვია, რომ პატარას ნათლიდედა ქმრის უფროსი გახდა. წყვილმა გაიფიქრა, რომ ასეთი კანდიდატი გოგონას თითქმის ყოველდღე ძვირადღირებულ საჩუქრებს გაუკეთებს. „საკუთარი შვილების გაჩენა არ შეუძლია, ამიტომ ქმარმა ასეთი ცბიერი გეგმა მოიფიქრა“ – იცინოდა თათია. ვიკას გული დაწყდა, უკვე ნორმალურად გახარება არ შეეძლო. რესტორანში ცოტა ხნით დარჩა და შემდეგ წავიდა. ფული არ ენანებოდა. არ ესმოდა, როგორ შეეძლო თათიას ასე მოქცევა. ნათლიად უცხო ადამიანის აყვანა. „ვეჭვობ, რომ თათიას ეშმაკური გეგმა გაამართლებს. ამ ქალს დიანა ისე არ ეყვარება, როგორც მე“ – ტიროდა ვიკა.
ნათლიდედის ნამდვილი არსი – უნდა ვაღიაროთ, რომ ვიკა მართალი აღმოჩნდა. ქმრის უფროსი, რომელიც მთავარ ნათლიად დააყენეს, ნათლულით საერთოდ არ ინტერესდებოდა. ძვირფას საჩუქრებსაც არ ჩუქნიდა. მისთვის ნათლობა უბრალოდ ლამაზი ცერემონია იყო. ხოლო ვიკამ წყენა დაივიწყა და დიანასთვის საუკეთესო ნათლიდედა გახდა. ფულის რაოდენობა საფულეში ან ბანკის ანგარიშზე ნათლულების ძლიერად შეყვარებას ვერ გაიძულებთ. მნშვნელოვანია მხოლოდ ნამდვილი ზრუნვა, კეთილგანწყობა, ერთგულება და ყურადღება. უმჯობესია, რომ ნათლიამ ბავშვთან ითამაშოს, პატარას ესაუბროს, მასთან დრო გაატაროს. საჩუქრები კარგია, მაგრამ საყვარელ ადამიანთან გატარებულ თბილ სულიერ მოგონებებს ვერ ჩაანაცვლებს.
