ზედა სართულზე მცხოვრები ხმაურიანი მეზობლები პრობლემაა, რომლის შესახებ მრავალსართულიანი კორპუსის მაცხოვრებლებმა კარგად იციან. თუ ხმის იზოლაცია კარგი არაა, ხოლო ზედა სართულზე მცხოვრები მეზობლები ბინაში აქტიურად მოძრაობენ, ამის ყოველდღე ატანა რთულია.Vivien გიზიარებთ ერთი ქალის ისტორიას, რომელმაც ზემოთ აღწერილი პრობლემა პირადად გამოცადა. ამასთან შეგუება შეიძლებოდა, მაგრამ ბოლომდე ბრძოლა გადაწყვიტა.
ხმაურიანი მეზობლები – „ყველაფერი კარგად იყო, სანამ ჩემს ზემოთ მცხოვრები ბებია შვილთან საცხოვრებლად არ გადავიდა. ამ ბინის გაქირავება გადაწყვიტა. თავიდან, ახალგაზრდა ოჯახი პატარა ბავშვთან ერთად შეშფოთებას არ იწვევდა“ – წერს ირინა.”მოგვიანებით აღმოვაჩინეთ, რომ სახლს არც ისეთი კარგი ხმის იზოლაცია აქვს, როგორიც გვეგონა. სანამ პენსიონერი ცხოვრობდა, ვერ ვამჩნევდით. აი, ჩვენ ზემოთ მოზარდი და ფეხების აქტიურად მობაკუნე ცელქი ბავშვის ყოფნა, პრობლემა აღმოჩნდა.ხან დარბოდა, ხან ტიროდა, ხან გიჟივით ყვიროდა. მშობლები, რომლებიც თავიდან ადეკვატური და სასიამოვნო ხალხი ჩანდა, ხან ბავშვს უყვიროდნენ, ხან ერთმანეთს. ზოგჯერ მთელი ეს აქტივობა შუაღამემდე, ხან უფრო დიდხანს გრძელდებოდა.
ამ მარინასთან დალაპარაკება რამდენჯერმე ვცადე. თითქოს გაიგო, რომ მისი ბავშვი მეზობლებს დაძინებაში ხელს უშლის. დამპირდა, რომ უფრო ჩუმად იქნებოდნენ. საუბარი უშედეგო იყო. ყვირილი, ბაკუნი და სათამაშოს იატაკზე სროლა გაგრძელდა.ტელეფონზე დარეკვა, მიწერა და მასთან მისვლა მიწევდა. ეს ყველაფერი ვერ დამეხმარა. ადგილობრივი კანონიც ამოვბეჭდე, რომელიც საღამოს 10–დან დილის 8-მდე სიჩუმის დაცვას მოითხოვს. მივუტანე, ვაჩვენე, მაგრამ შედეგი ნული.“
ეფექტური ნაბიჯი – „ჩემი მოთმინება გასკდა. მეზობლებს შევუთანხმდი, რომლებიც ჩემსავით ხმაურიან ოჯახს იტანდნენ. მეურვეობის და მზრუნველობის ორგანოში კოლექტიური საჩივარი შევიტანეთ. მარინას შევატყობინე, რომ მეურვეობის და მზრუნველობის ორგანოს მშობლის უფლებების და ბავშვის აღზრდის უფლების საკითხზე მივმართეთ. არ იცოდა, რა ეპასუხა.სასწაული მოხდა. მეზობლები 10 საათის შემდეგ არა თუ ხმაურს წყვეტდნენ, არამედ მათი ხმა დღისითაც აღარ ისმოდა. თავიდან. სადღაც 2 კვირაში ბედნიერება დასრულდა. მოულოდნელად მეხსიერება დაკარგეს და კვლავ გვიან ღამით ხმაური დაიწყეს. ისევ საჩივარი შევიტანეთ.ამჯერად, შესაბამისი ორგანოს დასკვნები უფრო დამაჯერებელი იყო. მარინამ ქმართან და შვილთან ერთად ნივთები შეაგროვა და სხვაგან გადავიდა. მთელმა სადარბაზომ შვებით ამოისუნთქა. იმედი მაქვს, რომ ჩემ ზემოთ ბინას თუ გააქირავებენ, ვინმე ნორმალური და მშვიდი ადამიანი შემოვა. მიხარია, რომ ჩვენი უფლებები დავიცავით“ – წერს ირინა.
რედაქციის რჩევა – ხმაურიან მეზობლებს ნამდვილი პრობლემების გამოწვევა შეუძლიათ და ამასთან შეგუება არ ღირს. სჯობს მაშინვე ამოძირკვოთ. ამისთვის ნებისმიერი კანონი გამოიყენეთ, თუ ჩვეულებრივი საუბარი არ ჭრის. როგორ ებრძვით ხმაურიან მეზობლებს? გაგვიზიარეთ ხრიკები და გამოცდილება.
