ტიულის სარეცხ მანქანაში გარეცხვას ცოდნა სჭირდება. დამწყები ქსოვილს დოლურაში უბრალოდ ათავსებს, მაღალ ტემპერატურაზე რთავს, „რომ ცხიმი ნამდვილად მოშორდეს“ და თავის საქმეს განაგრძობს. რა თქმა უნდა, ასე ისეთ ზარმაცულ შედეგს მიიღებთ, როგორიც პროცესი იყო: ტიული რუხი, უფორმო ხდება და იშვიათად ზოგიერთ ადგილას იხევა.
ამ საქმეს ცოდნა სჭირდება, თუ რა გააკეთოთ, როგორ და როდის. Vivien ეტაპობრივად გიამბობთ, როგორ გარეცხოთ ტიული ისე, რომ ნამდვილად გაქათქათდეს. დიახ, ცოტა გაწვალდებით, მაგრამ ტიული სისუფთავით გაგახარებთ. ასევე ფარდის მოვლის რამდენიმე საიდუმლო ხრიკს გასწავლით. ნამდვილად გამოგადგებათ.
ტიული სარეცხ მანქანაში
საყოფაცხოვრებო საიდუმლოებები ფარდისა და ტიულის მოსავლელად
ფარდა და ტიული არა მხოლოდ ინტერიერის მორიგი ნივთებია, რომელიც ოთახს მყუდროებას მატებს და სილამაზეს ანიჭებს. პრაქტიკული დანიშნულებაც აქვს. ოთახს მზისგან და უცხო თვალისგან იცავს. სამწუხაროდ, დროთა განმავლობაში ქსოვილი შეიძლება გახუნდეს, ლაქებით დაიფაროს, ცუდი სუნი შეიძინოს. ამ შემთხვევაში რამდენიმე მარტივი წესის დაცვით დროს, ფულს და ნერვებს დაზოგავთ. ნივთების მოვლა არც ისე რთულია, როგორც ყველა ფიქრობს!
- ფარდის რეგულარული რეცხვა მისი მსახურობის ვადას რამდენიმე წლით ახანგრძლივებს. 2–3 თვეში ერთხელ რეცხვა საკმარისია. რბილი ზედაპირებისთვის მტვერსასრუტი სპეციალური თავაკით შეგიძლიათ გამოიყენოთ.
- მოვლის ინსტრუქციების შემოწმება ზედმეტი არაა. შეფუთვაზე ხშირად მითითებულია, რომელ რეჟიმში უნდა გაირეცხოს ფარდა და შეიძლება თუ არა მანქანაში გაშრობა. ასე რეცხვასთან დაკავშირებულ ზედმეტ პრობლემას თავს აარიდებთ.
- თუ ფარდას ლაქები აქვს, მის მოშორებაზე გარეცხვამდე იზრუნეთ. დაგჭირდებათ თბილი წყალი და სარეცხი საშუალება. უმეტეს შემთხვევაში ეს საკმარისია, რომ ფარდას ლაქები მოაშოროთ.
- დელიკატური რეცხვა ფარდის გასარეცხად საუკეთესო ვარიანტია. მაქსიმალურად დაბალ ტემპერატურაზე დააყენეთ და დოლურა არ გადატვირთოთ. ასე რეცხვისას ფარდა არ დაიჭმუჭნება და წარმატებულ შედეგს მიიღებთ.
- ნაზი გაწურვა, თუ ვსაუბრობთ სარეცხ მანქანაზე გაწურვის რეჟიმით. უმჯობესია, თუ ფარდას ხელით გაწურავთ. ასე ქსოვილი არ დაზიანდება. სხვათა შორის, სჯობს ჩამოკიდული გააშროთ, უბრალოდ ხელით გაასწორეთ. იდეალურია, თუ შენობას სუფთა ჰაერზე წვდომა აქვს.
- ნაზი ქსოვილი მზისგან ფანჯარაზე სპეციალური ფირით შეგიძლიათ დაიცვათ. ზოგჯერ ფარდა მხოლოდ დეკორია და ულტრაიისფერი სხივები მას აზიანებს. ამის თავიდან ასაცილებლად სპეციალურ მაღაზიაში ფირი შეიძინეთ. ტონირება არა მხოლოდ მანქანას სჭირდება.
ამ მარტივი რჩევების გათვალისწინებით ფარდას და ტიულს იდეალურ მდგომარეობას დიდი ხნით შეუნარჩუნებთ. გახსოვდეთ: ნაზი მოვლა მსახურობის ვადას ზრდის, ინტერიერს მყუდროს ხდის და ნებისმიერ სახლში სასიამოვნო ატმოსფეროს ქმნის.
როგორ გავაქათქათოთ ტიული
საბაზისო წესები გავარკვიეთ, ახლა ნამდვილ ხრიკს გაეცანით, თუ როგორ მოაშოროთ ნებისმიერი ტიპის ტიულს ცხიმი, მტვერი, ჭუჭყი და გახადოთ დამაბრმავებლად ქათქათა. ცოტა შრომა მოგიწევთ, მაგრამ რთული არაფერია.
ნაბიჯი პირველი: ტიული ცივ წყალში ჩაალბეთ
არა ცხელ, არა თბილ, არამედ ცივ წყალში. ფხვნილის ან ნებისმიერი სხვა საშუალების გარეშე. ეს საჭიროა, რომ ქსოვილს მტვერი მოშორდეს. თბილი წყალი და დანამატები ამ საქმეს ხელს შეუშლის. ტიული ასეთ მდგომარეობით მინიმუმ 1 საათი გააჩერეთ. მეორე მხრივ, მოდუნება არ ღირს. ეს მხოლოდ დასაწყისია.
ახლა სარეცხ მანქანაში უნდა გარეცხოთ. ტემპერატურის რეჟიმი მაქსიმუმ 30 გრადუსი. ესეც თითქმის ცივი წყალია. თუ ტიული სამზარეულოში ეკიდა და ძალიან ჭუჭყიანია, სარეცხი საპნით გახეხეთ და რამდენიმე საათი გააჩერეთ. შემდეგ წყალი გაავლეთ და სარეცხ მანქანაში მოათავსეთ. უმეტეს შემთხვევაში შედეგით კმაყოფილი დარჩებით. თუმცა ყოველთვის არიან პერფექციონისტები.
ნაბიჯი მეორე: ტიული ბზინვარებამდე დაიყვანეთ
3 ლ წყალი ოთახის ტემპერატურამდე გააცხელეთ. არ გადააჭარბოთ, ცხელი არ უნდა იყოს, ოდნავ თბილი. ამ წყალში 8 სუფრის კოვზი მარილი ჩაყარეთ. კარგად აურიეთ, რომ მარილი ბოლომდე გაიხსნას. სარეცხ მანქანაში გარეცხილი ტიული ამ ნარევში მოათავსეთ. 3-4 საათი გააჩერეთ. ხანგრძლივი პროცესია, მაგრამ შედეგისთვის ლოდინი ღირს!
რა უნდა იცოდეთ ამ პროცესზე. ტიული უკვე გარეცხილია. მარილის ხსნარი უფრო მათეთრებელი პროცესია, ოღონდ ნატურალური. გარეცხვამდე არ გამოიყენოთ, რადგან ასე ჭუჭყის და ცხიმის ნაწილაკები თეთრ ქსოვილში ჩაჯდება, რუხს და მოსაწყენს გახდის. პროცესს ვეღარ შეაბრუნებთ.
ორი სიტყვით, ასე იმოქმედეთ: ტიული ჩაალბეთ, თბილ წყალში გარეცხეთ, მარილში გაათეთრეთ. და არა სხვაგვარად. სულ ბოლოს ტიული წყალში გაავლეთ, რომ მარილი მოშორდეს. სარეცხ მანქანაში მოათავსეთ და ხანმოკლე რეცხვა ჩართეთ. ფხვნილის განყოფილებაში ჩაასხით 9 %–იანი ძმარი, 80 გრამი. ტიული გარეცხეთ. ძმარი ქსოვილის ბოჭკოებს მარილს მოაშორებს, უფრო გაათეთრებს, ვიდრე ყიდვისას იყო.
ვაღიაროთ, რომ თანამედროვე ახალგაზრდობას არ სურს თავის ასე შეწუხება სახლში სილამაზის შესანარჩუნებლად. თუმცა საჭირო საქმეა. ზოგს ეზარება ცოტა დროის დახარჯვა, რომ სტუმრები და ნათესავები გააოცოს. ზოგი უკვე ფიქრობს, რამდენი მარილი და ძმარი დასჭირდება, რომ სახლში ყველა ტიული გაათეთროს. ყველა განსხვავებულია და ეს კარგია. ამაში არაფერია ცუდი, რადგან ყველაფერი მარტივია.
