არსებობს მოსაზრება, რომ კატა ადგილს ეჩვევა, ხოლო ძაღლი ადამიანს. ნაკლებად სავარაუდოა, რომ გამოჩნდებიან ადამიანები, რომლებიც ამ განცხადებას არა მხოლოდ გააპროტესტებენ, არამედ ციფრებით და ფაქტებით გააქარწყლებენ.
ადამიანისადმი მიჯაჭვულობა
„ხომ არსებობს გამონაკლისი“ – გაიფიქრებთ და სწორად იფიქრებთ. მიჯაჭვულობა კატასა და ძაღლს შორისაც ჩნდება, რომელთაც ბუნებით ჯიუტ მტრობაში ცხოვრება უწერიათ, რაც მთლიანად უარყვეს ჩვენმა გადარჩენილმა ტომმა და ბიმმა და ჩვენთან მეგობრულად მცხოვრებმა კატებმა ბაგირამ, ბარბარისმა და მარკომ. ამის გაოცებული და გახარებული მოწმე თავად ვიყავი. რადგან ასეა, დავიჯერებ, რომ ადამიანისადმი მიჯაჭვულობა კატასაც შეუძლია იგრძნოს, თუნდაც იშვიათად.
დღეს არც კატებზე, არც ძაღლებზე არ ვისაუბრებთ, არამედ იმაზე, როგორ შეიძლება გახდეს დამღუპველი ადამიანისადმი მიჯაჭვულობა. ახლახანს მატარებელში მეზობელთან საუბარმა ამ საკითხზე დამაფიქრა. სანატორიუმიდან ერთად ვბრუნდებოდით. სხვადასხვა ნომერში ვცხოვრობდით, ერთმანეთს მხოლოდ სანატორიუმის კაფეში და საკმაოდ საინტერესო შეკრებების დროს ვხვდებოდით. აი, სახლში ერთად წავედით.
გზაში ნაამბობი
თავაზიანი მისალმების გაცვლის შემდეგ მოგზაურობის პირველი საათი ჩუმად გავატარეთ, მხოლოდ ჩავლილი პეიზაჟებით ვტკბებოდით. შემდეგ მეზობელმა შეტყობინება მიიღო. რამდენიმე წუთიანი მიმოწერის შემდეგ ღრმად ხვნეშა დაიწყო. ვიფიქრე, სუნთქვა უჭირდა, ამიტომ ვკითხე, როგორ გრძნობდა თავს.
მაიამ თავი უარყოფითად გააქნია და უფრო ღრმად ჩაისუნთქა:
–ფიზიკურად კარგად ვარ. დახუთულობაა, ცხელა, მაგრამ ასეა ჭექა–ქუხილის წინ. მოგვიანებით აგრილდება. მორალურად მიჭირს. ქალიშვილმა მომწერა, რომ უკვე ჩვენს სახლშია. მამას ჩემს ჩამოსვლამდე დალაგებაში და საუზმის მომზადებაში დაეხმარება.
–ეს ხომ კარგია! დაბრუნდებით სუფთა სახლში და კარგად დასვენებას შეძლებთ.
–ამიტომ მიჭირს, რომ უნდა მიხაროდეს, მაგრამ რუსას ვიზიტების გამო ყოველთვის ვიტანჯები, – ატირდა თანამგზავრი. – ცუდად არ იფიქროთ, რუსა ძალიან მიყვარს, ერთადერთი შვილია. კარგი და მზრუნველია. რუსამ მაჩუქა ეს საგზური. მაგრამ ყოველი მისი ვიზიტი ჩემთვის კოშმარად იქცევა. როგორც კი მისი წასვლის შემდეგ კარს მივხურავ.
ქალიშვილის ნახვის სურვილის უქონლობის მიზეზი: ადამიანისადმი მიჯაჭვულობა
–გენატრებათ ქალიშვილი? – თავაზიანად ვივარაუდე. მაიას ოჯახის მთელი საშინელება ოდნავადაც ვერ გავიფიქრე.
–რომ იცოდეთ, როგორ მინდა, მომენატროს, სახლში დავპატიჟო! მე კი, მისი ვიზიტები მაშინებს. ვიცი, რომ ჩემი დაცვა უნდა. აი, მამას არცხვენს, რომ არ მუშაობს, არ მეხმარება, დალევა დაიწყო. დამიჯერეთ, კოტე ასეთი არ იყო. დარდისგან, გამოუვალი მდგომარეობისგან დალევა დაიწყო. სამსახური დაკარგა, სხვა ვერ იშოვა. ყველგან ახალგაზრდა კადრი სურთ, მას კი პენსიამდე რამდენიმე წელი დარჩა. რუსამ დაცვაში მოწყობა შესთავაზა, მაგრამ ქმარი წინააღმდეგია, ღამის ცვლაში მუშაობა არ სურს.
–დიდი ხანია ასე გრძელდება? – ვეკითხები.
–თითქმის 2 წელი. აი, ქალიშვილი მოდის, საყვედურობს, ის კი ჩუმადაა. მისი წასვლის შემდეგ კოტე ბოთლს იღებს და სკანდალს აწყობს. რამდენჯერმე ჩემზე ხელი ასწია.
აქ ვერ მოვითმინე:
–რატომ იტანთ ასეთ უმსგავსობას?
–როგორ მივატოვო ამ სიბერეში? შემწეობით ვერ იცხოვრებ. ცოტა, მაგრამ მაინც მეხმარება. ხან ეზოში ბალახს ჭრის, წყლის ტუმბოს ყინულს აშორებს, გაზაფხულზე დგამს, ხან რაღაცას არემონტებს. ჩუმად ვარ, ვითმენ. ხომ არ ვეტყვი ქალიშვილს, არ მესტუმროს. კოტესაც არ ვააშკარავებ.
სახიფათო ერთგულება
„არსებობს ასეთი ისტორიებიც“ – გავიფიქრე. წარმოვიდგინე, რომ საბრალო მაია ბილიარდის ბურთია დიდი მაგიდის მწვანე მაუდზე. ბურთი, რომელსაც მოთამაშის მყარი ხელით კიი ხვდება, ლუზისკენ გორავს და ბადეში ხვდება. შეძლებს თავის დაღწევას მოთამაშის დახმარების გარეშე? არა! რატომ იქცა მაია ბურთად? დიახ, აგრესიული ქმრისადმი ერთგულებამ სათამაშოდ აქცია. გავიფიქრე, რომ ეს უკვე არა მიჯაჭვულობა, არამედ მწყენინებლისადმი დამოკიდებულებაა.
ფიქრობს, თუ ქმრის სასტიკ ქცევას შეეგუება, დაიმსახურებს უკეთ დამოკიდებულებას? რატომ ცდილობს ქმრის საძაგელი ქცევის გამართლებას? რატომ თვლის ქალიშვილს თავისი ტანჯვის მიზეზად, რომელიც თუმც მოუქნელად, მაგრამ მამის ძალადობისგან დედის დაცვას ცდილობს? ხომ არ არის სტოკჰოლმის სინდრომი?
არც მაიას ქმარს ვკიცხავ, არც მის პოზიციას ამ სიტუაციაში. მხოლოდ ის მინდა, რომ გულის გადაშლა დაეხმაროს იგრძნოს, რომ მარტო არაა, რომ თუ იპოვა ყურადღებიანი მსმენელი, გამოჩნდება ის, ვინც მისი მტკივნეული ურთიერთობის შესაცვლელად გზას იპოვის. მეზობელს მისი კონტაქტი ვთხოვე, დავპირდი სპეციალისტთან დაკავშირებას, რომელიც იმედი მაქვს დაეხმარება, თუ თავად ისურვებს. მაია ფსიქოთერაპევტთან კონსულტანციას მორცხვად დათანხმდა.
