ბებიაჩემი პომიდვრის ნამდვილი მცოდნე იყო. ამ ბოსტნეულის სხვადასხვა ჯიშის ამოცნობა მასწავლა. ბაზარში უშნო პომიდორს აუცილებლად ყიდულობდა და ზამთრისთვის მოსახუფად იყენებდა. სახლის კეტჩუპის რეცეპტი ზეპირად იცოდა და წარმოუდგენლად გემრიელი გამოდიოდა. Vivien კეტჩუპის მომზადების რეცეპტს გიზიარებთ. დარწმუნებული ვართ, რომ ამ კეტჩუპის გასინჯვის შემდეგ მაღაზიაში ნაყიდ სოუსზე უარს იტყვით!
სახლის კეტჩუპის რეცეპტი ზამთრისთვის
ამ რეცეპტით კეტჩუპის მომზადებას დიდი დრო სჭირდება. უმჯობესია, თუ მთელ დღეს დაუთმობთ, როცა არსად გეჩქარებათ და პროცესით შეგიძლიათ ისიამოვნოთ. აცივებისას არაერთხელ იტყვით მადლობას, რომ ოჯახის რაციონზე წინასწარ იზრუნეთ. ამად ღირს!
ინგრედიენტები:
- 5 კგ პომიდორი
- 500 გ შაქარი
- 250 მლ ძმარი
- 3 დიდი ხახვი
- 3 ს/კ მარილი
- 1 ჩ/კ წითელი და შავი წიწაკა (დაფქული)
- სხვა სანელებელი სურვილისამებრ
მომზადების წესი:
- პირველ რიგში, პომიდორი კარგად გარეცხეთ. რეცეპტში საკმაოდ ბევრი პომიდორია, ამიტომ ბოსტნეულის გარეცხვას დიდი დრო დასჭირდება. უმჯობესია, თუ სახლის პომიდორს გამოიყენებთ. მისი გემო და არომატი უფრო გაჯერებულია, ვიდრე სათბურის.
- შემდეგ პომიდორი ხორცსაკეპ მანქანაში გაატარეთ და დიდ ქვაბში მოათავსეთ. პომიდვრის პასტა 10 წუთით ხარშეთ. შემდეგ საცერში გახეხეთ ან დააბლენდერეთ. ასე ქერქს მოაშორებთ.
- პომიდვრის პასტა ქვაბში დააბრუნეთ და 3 საათით ხარშეთ. სანამ პომიდორი იხარშება, ხახვი გაასუფთავეთ და წვრილ სახეხზე გახეხეთ. გახეხილი ხახვი პომიდორს დაუმატეთ და მომავალი კეტჩუპი კიდევ 2 საათით ხარშეთ.
- ნარევს დანარჩენი ინგრედიენტები დაუმატეთ. ესაა შაქარი, ძმარი, მარილი, 2 სახეობის დაფქული წიწაკა და სხვა სანელებლები გემოვნებით. მაგალითად, თავშავა. კარგად აურიეთ. სოუსი კიდევ 30 წუთით ხარშეთ. ამ დროში ქილები გაასტერილეთ და თავსახურები აადუღეთ.
- კეტჩუპი ქილებში გადაანაწილეთ და თავსახურები დაახურეთ. სოუსი ოთახის ტემპერატურაზე გაგრილებამდე გააჩერეთ, შემდეგ ბნელ და გრილ ადგილას, მაგალითად, სარდაფში შეინახეთ. მზადაა!
შინ მომზადებული კეტჩუპი ზამთრისთვის: რედაქციის რჩევა
სახლში კეტჩუპის მომზადება მარტივი საქმეა. პრობლემები ჩნდება, როცა ღია ქილა მაცივარში უნდა შეინახოთ. თუ ნახევარლიტრიანი ქილაა, კეტჩუპს ერთჯერზე ვერ დაამთავრებთ. პროდუქტი რომ არ გაფუჭდეს და ნაადრევად არ დაობდეს, პატარა ხრიკები გამოიყენეთ. თუ დროულად გამოიყენებთ, სიტუაციას გამოასწორებთ.
