ჩემს გარემოცვაში ბევრი მეგობარია, რომელთაც სხვადასხვა აფორიზმის და ბრძნული ციტატის შეგროვება უყვართ. უმეტესობა მათგანი ცხოვრებასა და მის ღირებულებებზე დაფიქრებას გვაიძულებს. ერთხელ თვალში მომხვდა ნაკრები, სადაც მშობლებზე ციტატები იყო. მთავარი აზრი იყო ის, რამდენად მნიშვნელოვანია დედის და მამის დაფასება, რაც ხშირად გვავიწყდება.
Vivien გიზიარებთ ციტატების ნაკრებს, რომელიც თქვენს გულს შეეხება. ვფიქრობთ, რომ ბრძნული აზრების მოყვარულებს მოეწონებათ და მოგონებებს გააღვიძებს იმ ადამიანებზე, რომლებმაც სიცოცხლე გვაჩუქეს.
ციტატები მშობლებზე, სიყვარულსა და გაგებაზე
ერთ–ერთი პირველი ციტატა, რომელიც მომეწონა, იპოლიტ ტენმა, ფრანგმა ფსიქოლოგმა და პოზიტივისტმა თქვა. „25 წლამდე ბავშვებს მშობლები უყვართ, 25 წლისას მათ კიცხავენ, შემდეგ პატიობენ“.
ნამდვილად ასეა, როცა ვიზრდებით, სამყაროს სხვანაირად დანახვას ვიწყებთ და ბევრ საკითხსაც განსხვავებულად აღვიქვამთ. მნიშვნელოვანია გახსოვდეთ გაგების და პატიების შესახებ. ეს მშობლებთან კარგი ურთიერთობაში შენარჩუნებაში დაგეხმარებათ.
სხვათა შორის, პატიებაზე, ონორე დე ბალზაკმა კარგად გაუსვა ხაზი დედის გულწრფელ დამოკიდებულებას შვილებისადმი: „დედის გული უფსკრულია, რომლის სიღრმეში ყოველთვის იპოვით პატიებას“.
რამდენ რამეს გვპატიობს დედა. ეს უნდა გახსოვდეთ და საპასუხოდ აპატიოთ, თუ რაღაც გაწყენინა.
მშობლებისადმი სიყვარულისა და გაგების ციტატებს კიდევ ერთი დევიზი მინდა დავუმატო. ის ბიბლიიდან აღებულია და ჩვენთვის ძვირფასი ხალხის შეცდომების მარტივად აღქმაში გვეხმარება. შემწყნარენი და მიმტევებელნი იყავით ერთურთის მიმართ: „თუკი ვინმეს რაიმე სადავო აქვს ვინმესთან, როგორც ქრისტემ მოგიტევათ, თქვენც ასევე მიუტევეთ ერთმანეთს“ (პავლე მოციქულის ეპისტოლე კოლასელთა მიმართ, 3:13).
აი, კიდევ 3 ფრაზა მშობლებზე, რომელიც ჩემს გულს შეეხო:
- „ნუ აწყენინებთ მშობლებს. მშობლები ზედმეტად ახლო სამიზნეა. დისტანცია ისეთია, რომ მიზანს ვერ ააცდენთ.“
- „ძალიან ნუ გაბრაზდებით მშობლებზე. დაიმახსოვრეთ, რომ ისინი იყვნენ თქვენ და თქვენ გახდებით ისინი“
- „ჩვენ მხოლოდ მშობლებს ვჭირდებათ, სხვები ჩვენით მხოლოდ დაინტერესებულნი არიან“.
ერთხელ ლეონარდო და ვინჩიმ თქვა: „მშობლებიდან მივიღეთ დიდებული და ფასდაუდებელი საჩუქარი, სიცოცხლე. მათ გვაჭამეს და გაგვზარდეს, არ დაუზოგავთ ძალა და სიყვარული. ახლა, როცა მოხუცები და სნეულები არიან, ჩვენი ვალია განვკურნოთ და მოვარჩინოთ“.
ამ ცნობილი მხატვრის და მეცნიერის აზრი ბიბლიურ მცნებასთან ახლოსაა „პატივი ეცი მამასა და დედას“.
ნამდვილად, ყველას განსხვავებული მშობელი ჰყავს. როგორც ამბობენ, „მშობლებს არ ირჩევენ“. და მაინც უნდა დააფასოთ ისინი, პატივი სცეთ და გიყვარდეთ, რადგან ძვირფასი ადამიანები არიან, რომლებიც ზურგს უკან ჩვენზე კარგს ლაპარაკობენ, ხოლო პირში ჩვენს ნაკლოვანებებზე პირდაპირ გვითითებენ.
მნიშვნელოვანია, ოჯახისთვის დრო გამონახოთ. მხოლოდ მისალოცად ურეკავთ დედას ან მამას თუ დროს პოულობთ, რომ მათთან უმიზეზოდ ილაპარაკოთ? დრო ძალიან ღირებულია, ხოლო მშობლებთან გატარებული დრო მსოფლიოს მთელი სიმდიდრითაც ვერ შეფასდება.
