როცა უცნობი ნომრიდან მირეკავენ, ხშირად ტელეფონს არ ვპასუხობ. მაშინვე ეს ნომერი საძიებო სისტემაში შემყავს, რომ გავიგო, უსაფრთხოა თუ არა. უმეტეს შემთხვევაში, ჩემს მოტყუებას ცდილობდნენ. საკმაოდ აქტუალური თემაა, ამიტომ გიამბობთ, რა ტიპის თაღლითები არსებობს და როგორ აარიდოთ თავი პოტენციურ საფრთხეს.
თაღლითობის სახეები – თაღლითების მახეში ადვილად შეიძლება გაებათ. ეს განსაკუთრებით ხანდაზმულებს ეხებათ. ისინი თანამედროვე ტექნოლოგიებს კარგად არ იცნობენ და მზად არიან დაუჯერონ პირველ შემხვედრს, როცა საქმე მათ ფულს ეხება. ყველაზე პოპულარული სქემა მარტივად მუშაობს. უცნობი გირეკავთ და ამა თუ იმ ბანკის თანამშრომლად თავს ასაღებს. „თქვენი ბარათი დაბლოკილია. თუ ბლოკის მოხსნა გსურთ, თქვენი მონაცემები აქ შეიყვანეთ“ – როგორც წესი, რაღაც მსგავსს ამბობენ. ყველას არ ახსოვს, რას ამბობენ სინამდვილეში ბანკის ნამდვილი თანამშრომლები. ისინი დაჟინებით გირჩევენ, რომ თქვენი პერსონალური მონაცემები არავის და არავითარ შემთხვევაში გაუზიაროთ. წინააღმდეგ შემთხვევაში, უფულოდ დარჩებით.
თუ ამ სქემაში მეტნაკლებად ყველაფერი ნათელია, კიდევ ბევრი მეთოდი არსებობს, როგორ წაართვან ფული მიამიტ მოქალაქეებს. მაგალითად, ადამიანს უგზავნიან სმს–ს ადრე შეძენილი დიეტური დანამატების კომპენსაციის მიღების შეთავაზებით. ხალხი ტყუვდება სხვადასხვა ფულადი პრიზის მიღებაზე ან ფულის გაცვლისას დაკარგული დანაზოგის დაბრუნება სურთ.
როგორ გვატყუებენ თაღლითები – ზოგჯერ საბანკო თაღლითები უფრო შორს მიდიან. რეკავენ და ამბობენ, რომ ამა თუ იმ ანგარიშით თაღლითური ქმედებები განხორციელდა. თითქოს მიმდინარეობს გამოძიება, სადაც ადამიანმა, რომელიც თაღლითების მსხვერპლი გახდა, უშუალო მონაწილეობა უნდა მიიღოს. საქმე იმაშია, რომ თაღლითები ნომრებსაც იდეალურად აყალბებენ. სწორედ ამიტომ, ნამდვილად შეიძლება დაგირეკონ ბანკიდან ან საგამოძიებო კომიტეტიდან. აი, გთავაზობენ ანგარიშიდან მთელი დანაზოგი სასწრაფოდ მოხსნათ, რომ თაღლითებმა არ მოგპარონ. შემდეგ ფული ახალ „სპეციალურ“ ანგარიშზე შეიტანოთ, სადაც უსაფრთხოდ იქნება.
ნუთუ ვინმე ტყუვდება? სამწუხაროდ, დიახ! მართალია, ასეთი ადამიანების პროცენტი მცირეა. ერთი ქალის თქმით, რომელიც მსგავსად თაღლითობს, ასიდან მხოლოდ 5% მზადაა თავისი ფული უცხოს მისცეს. „არ არის ფული საქართველოში“ – ამბობს სხვისი ცრემლების დამნაშავე. თაღლითები თავს ყოველთვის ბანკის თანამშრომლად არ ასაღებენ. მაგალითად, შეიძლება უსაფრთხოების სამსახურის თანამშრომელმა დაგირეკოთ. უკვე ეს ადამიანს სტრესში აგდებს. ასეთი თანამშრომელი ბრძანების კილოთი საბანკო ბარათის მონაცემებს მოგთხოვთ და ამისთვის ათას მიზეზს მოიფიქრებს.
კიდევ ერთი სახიფათო ზარი შინაგან საქმეთა სამინისტროს მთავარი სამმართველოს გამომძიებლის ან მაიორის მიერ. რა თქმა უნდა, მას თქვენი მონაცემები სასწრაფოდ სჭირდება, რადგან პერსონალური მონაცემების გაჟონვა მოხდა. ისევ თაღლითები! ამჯერად, ბარათიდან მთელი თანხის ამოღებაზე ნოტარიულად დამოწმებული მინდობილობა წარადგინა. ხოლო მოცემულ ორგანოებს თქვენი დახმარება სურთ. ნამდვილი სისულელე!
თანამედროვე თაღლითები ერთად და დახვეწილი სქემით მუშაობენ. ოფისში სხედან, ყავას უფასო ორცხობილებს აყოლებენ. თან სინდისიც არ აწუხებთ. თაღლითების პირველი მიზანი ნდობის მოპოვებაა. ზოგჯერ, ამისთვის ყალბი დოკუმენტების ჩვენება საკმარისია. შემდეგ ზედმეტი არაა, ადამიანი ფულის დაკარგვით დააშინონ, რაც აუცილებლად მოხდება, თუ ბანკის ან სხვა ორგანოს თანამშრომელთან კონტაქტზე უარზეა. „მაღალი რანგის“ პიროვნების ზეწოლით და ბანალური შიშით ადამიანი იჯერებს ყველაფერს, რასაც ეუბნებიან. თაღლითების ზარზე სწორი რეაქცია უნდა გქონდეთ. გირჩევთ, რომ ტელეფონზე დააყენოთ აპლიკაცია Kaspersky Who Calls და მისი ანალოგები. ასე უცნობ ნომრებს ამოიცნობთ და მიხვდებით, რომ თაღლითი გირეკავთ. ბებია–ბაბუისთვის კარგი გამოსავალია!
