ფარშით მომზადებული ხორციანი კერძი გემრიელი რომ გამოვიდეს, ხორცი ხორცსაკეპ მანქანაში გაატარეთ. ალბათ, სახლში ძველი საბჭოური ხორცსაკეპი მანქანა ყველას აქვს, რომელიც მაგიდაზე მაგრდება ან იქნებ უკვე ელექტრო ხორცსაკეპი მანქანა შეიძინეთ? მუშაობის პრინციპი იგივეა და მექანიზმიც ერთნაირია, მაგრამ ზოგჯერ ხორცსაკეპი მანქანის დანას გალესვა სჭირდებათ, რომ ტექნიკა არა მხოლოდ მუდმივი იყოს, არამედ მუშაობდეს.
ხორცსაკეპი მანქანის დანის გალესვა – ნებისმიერი ხორცსაკეპი მანქანა დანისა და ბადისგან შედგება. ფარში ბადეზე დამაგრებული ოთხპირიანი საცმის ბრუნვისას ქუცმაცდება. მწარმოებლები ამბობენ, რომ დანა თავისით ელესება და ნაწილობრივ ასეა. თუ, რა თქმა უნდა, ხორცსაკეპ მანქანას სწორად ააწყობთ. სწორად ჩასმა ბადის ერთი მხრიდან დანაზე დამაგრებას ნიშნავს.
ბადეს აღმნიშვნელი მხარე არ აქვს, რადგან ორივე მხრიდან ერთნაირად გამოიყურება. სწორედ ამიტომ, ზოგჯერ არასწორი მხრიდან ვსვამთ. შედეგად, დანა ბლაგვდება და დროდადრო გალესვას მოითხოვს. თუ ხორცი დანის პირებს ეხვევა და არ იჭრება, დროა დანის გალესვა დაიწყოთ.
ხორცსაკეპმა მანქანამ ახალივით რომ იმუშაოს, დაშალეთ, ბადის შიდა მხარე და საჭრელი პირები გალესეთ. ეს შეგიძლიათ დამოუკიდებლად წვრილმარცვლოვანი ზუმფარის ქაღალდით გააკეთოთ, რომელსაც სამშენებლო მაღაზიაში თეთრებად შეიძენთ. ამაში რთული არაფერია, კაციც და ქალიც მარტივად გაუმკლავდება.
როგორ გავლესოთ ხორცსაკეპი მანქანის დანა
- ზუმფარის ქაღალდი მყარ ზედაპირს დაამაგრეთ. რაიმე დაფას ლურსმნით ან წებოთი დაამაგრეთ. ზედაპირი სწორი და გამძლე უნდა იყოს.
- ახლა ბადის შიდა მხარე ზუმფარის ქაღალდზე წრიული მოძრაობით ბზინვარებამდე გახეხეთ. სასურველია, დამცავი ნიღაბი და ხელთათმანი გაიკეთოთ, რომ თითები არ გაიხეხოთ.
- იგივე დანას ეხება. ბრტყელი მხრიდან ზუმფარის ქაღალდზე გახეხეთ. ამის შემდეგ დეტალები ჭურჭლის სარეცხი საშუალებით გარეცხეთ, გააშრეთ და ხორცსაკეპი მანქანა ააწყვეთ. ლითონი სველი დიდხანს არ დატოვოთ, რომ არ დაიჟანგოს.
- გალესვის ხარისხი შეგიძლიათ ძაფით ან ქაღალდის ზოლით შეამოწმოთ. ძაფი ან ქაღალდის ზოლი ბადის ერთ–ერთ ხვრელს გაუყარეთ. დანა ბადესთან მიიტანეთ და საათის ისრის მიმართულებით დაატრიალეთ. ძაფი უნდა გაჭრას.
ხორცსაკეპი მანქანის დანის გასალესად სალეს ქვას იყენებენ. გალესვის მეთოდი ზუმფარის ქაღალდისგან არ განსხვავდება, მაგრამ დანის თითოეული კიდის გალესვის დონეს ყურადღება უნდა მიაქციოთ და თითოეულ კუთხეში თანაბრად დააჭიროთ. ამ მხრივ ზუმფარის ქაღალდი უფრო მოსახერხებელია, რადგან მასზე მთელი დეტალის დატვირთვა თანაბრად ნაწილდება.
უკუსვლა ხორცსაკეპ მანქანაში – ზოგჯერ დანის გალესვა საკმარისი არაა, რომ ხორცსაკეპმა მანქანამ გამართულად იმუშავოს. ამ დროს ხორცი არ იჭრება, არამედ ხრახნს ეხვევა. მოპირდაპირე მხარეს არის მილისი, რომელიც ცვდება. ხშირად ეს დეტალი პლასტმასისგან არის დამზადებული. როცა დეტალი ირეცხება, დანა ბადეს მჭიდროდ არ ეკვრის და ხორცი არ ქუცმაცდება.
პრობლემის მოსაგვარებლად მილისი უნდა დალუქოთ. შესაფერისი ზომის პლასტმასის ან ლითონის საყელური შეურჩიეთ და შეამოწმეთ, დანა ბადეს მჭიდროდ თუ ეკვრის. თუ არა, კიდევ ერთი საყელური ჩამოაცვით. პრობლემა მოგვარებულია. იყენებთ ხორცსაკეპ მანქანას თუ უკვე დიდი ხანია თქვენს სამზარეულოში ბლენდერმა და მიქსერმა ადგილი დაიმკვიდრეს?
