ფსორიაზი კანის ქრონიკული დაავადებაა, რომელიც შეიძლება მოულოდნელად გაჩნდეს და მკურნალობის მიუხედავად პერიოდულად გამწვავდეს. მრავალმა ადამიანმა აღმოაჩინა, რომ ბუნებრივი საშუალებები შეიძლება ეფექტური იყოს სიმპტომების შესამცირებლად. ამ სტატიაში გაგიზიარებთ რეალურ ისტორიას ფსორიაზის მართვის შესახებ და შემოგთავაზებთ ბუნებრივ რეცეპტებს, რომლებიც დროთა განმავლობაში გამოცდილია.
ჩემი ვაჟი ექვსი წლის იყო, ხელებზე გამონაყარი პირველად რომ გაუჩნდა. ექიმიდან ექიმთან დავატარებდით, ვიდრე ერთ-ერთმა ფსორიაზი არ იეჭვა. რამდენი ხანში ეჭვი გამართლდა. ამ დაავადების სამკურნალო თუ რამ არსებობდა, არაფერი დაგვიკლია და რამდენიმე თვეში გამონაყარმაც გაუარა.
იმ ზაფხულს მთაში ვისვენებდით. ერთ დღეს იქაურმა ბიჭებმა მიტოვებული ნასახლარის დასათვალიერებლად წაიყვანეს. მოუვლელ ეზოში, მაღალ ბალახში, გველი დაუნახავს და ძალიან შეშინებია.
მეორე დილას ხელებზე ისევ გამოაყარა, თანაც უფრო მეტად, ვიდრე მკურნალობამდე ჰქონდა. შევწუხდით. დიასახლისმა, 80 წლის ქალბატონმა, შეგვატყო უგუნებობა, ბავშვის ხელები მაჩვენეთო, გვითხრა, შემდეგ დაგვამშვიდა და ეს წამალი გვასწავლა:
- ვიღებთ 100 გრამ მოცვის ნაყოფს, ვასხამთ 500 მლ წყალს, ვდგამთ ნელ ცეცხლზე და წამოვადუღებთ. 5 წუთის შემდეგ ცეცხლს ვაქრობთ და ჭურჭელს ვფუთავთ, 5-7 საათის შემდეგ კი გადავწურავთ.
ფსორიაზის გამწვავებისას ნახარშში ვასველებთ დოლბანდს და დილა-საღამოს ვიფენთ დაზიანებულ კანზე. დღეს ჩემი ვაჟი უკვე 34 წლისაა. საკმარისია, გამონაყარმა თავი იჩინოს, რომ უმალვე მოცვის საფენებს იკეთებს და კანიც ეწმინდება.
გთავაზობთ კიდევ რამდენიმე რეცეპტს:
- დაზიანების კერებზე წაისვით ქრისტესისხლას წვენი. ის აშორებს ფუფხს და გამონაყარს სწრაფად აცხრობს.
- დამაამებელი უნარი აქვს ფარსმანდუკის აბაზანებსაც: ფარსმანდუკი ცხელ წყალში უნდა ჩაყაროთ და შემდეგ ამ წყლის აბაზანა მიიღოთ.
ეგზემური და ფსორიაზული გამონაყარის ჩასაცხრობად ძალიან კარგია არყის ხის კვირტების 10-30 პროცენტიანი მალამო.
ხშირად დასმული კითხვები (Q&A):
- ფსორიაზი განკურნებადია?
ფსორიაზი ქრონიკული დაავადებაა, მაგრამ სწორი მოვლისა და მკურნალობის საშუალებით მისი სიმპტომები შეიძლება მნიშვნელოვნად შემცირდეს. - ბუნებრივი მეთოდები ნამდვილად ეხმარება ფსორიაზის მართვას?
ზოგი ადამიანი ბუნებრივ მკურნალობას წარმატებით იყენებს, თუმცა შედეგები ინდივიდუალურია და დამოკიდებულია კონკრეტულ შემთხვევაზე. - რისი გამოყენება შეიძლება ფსორიაზის გამწვავებისას?
მცენარეული საშუალებები, როგორიცაა მოცვის ნახარში, ქრისტესისხლას წვენი და ფარსმანდუკის აბაზანები, შეიძლება კანის დამშვიდებაში დაგეხმაროთ.
რჩევა რედაქციისგან:ბუნებრივმა საშუალებებმა შეიძლება მნიშვნელოვანი როლი ითამაშოს ფსორიაზის მართვაში. მოცვის ნახარში, ქრისტესისხლას წვენი და სხვა მცენარეული საშუალებები მრავალი ადამიანისთვის ეფექტური აღმოჩნდა. 2021 წლის კვლევამ აჩვენა, რომ მცენარეული ექსტრაქტები, მათ შორის მოცვი და ქრისტესისხლა, კანის ანთების პროცესების შემცირებას უწყობს ხელს. 2020 წელს ჩატარებული კვლევა მიუთითებს, რომ ფლავონოიდებით მდიდარი მცენარეები ხელს უწყობენ კანის რეგენერაციას. შესაბამისად, ბუნებრივი მკურნალობა შეიძლება იყოს დამატებითი ალტერნატივა ტრადიციულ მეთოდებთან ერთად.
