ცოტა ხნის წინ მთელი მსოფლიო თურქეთსა და სირიაში ძლიერი მიწისძვრების ამბით შეძრული იყო. ამ უბედურებამ ათასობით ადამიანის სიცოცხლე იმსხვერპლა. თურქეთში სტიქიური უბედურების სიმძლავრე 7,7 იყო, რაც 85 წლის განმავლობაში არ მომხდარა. მიწისძვრა სირიის ტერიტორიებსაც შეეხო, კერძოდ ალეპოს, ლატაკიას, ჰამასა და ტარტუსს. როგორც ჩანს, ბუნებისთვის ეს საკმარისი არ აღმოჩნდა. ძლიერი მიწისძვრის განმეორების ალბათობა არსებობს, მაგრამ უკვე მსოფლიოს სხვა ნაწილში. Vivien გიამბობთ, რა არის ცნობილი ამის შესახებ და უნდა გვეშინოდეს თუ არა.
ძლიერი მიწისძვრის ალბათობა – ჰოლანდიელი მეცნიერი ფრანკ ჰუგერბიტსი ახალი მიწისძვრის ალბათობაზე საუბრობს. მან თურქეთსა და სირიაში მიწისძვრებზე პროგნოზი გააკეთა. ითვლება, რომ მომავალი მიწისძვრის ზუსტი პროგნოზირება თითქმის შეუძლებელია, მაგრამ მეცნიერი თავის პროგნოზებში დარწმუნებულია.
გვაფრთხილებს, რომ მარტის დასაწყისში მსოფლიოში ძლიერი მიწისძვრა ისევ მოხდება. მისი თქმით, 8,5 და უფრო მაღალი სიმძლავრის მიწისძვრა 3-დან 7 მარტამდე მოხდება. რომელ რეგიონებს შეეხება? ჰუგერბიტსი თვლის, რომ ეს შეეხება რუსეთს, იაპონიას, სამხრეთ ევროპის ქვეყნებს, ინდონეზიას, პაკისტანს, ასევე ჩრდილოეთ ამერიკას. ბევრი ქვეყანა ამ სტიქიური უბედურების გამო შეიძლება დაზარალდეს.
მეცნიერი განმარტავს, რომ ასეთი სეისმური აქტივობა პლანეტების მიახლოებასთან დაკავშირებულია. „არ ვაჭარბებ, შიშის ჩანერგვას არ ვცდილობ, უბრალოდ გაფრთხილებთ“ – ამბობს ის. ასეა თუ ისე, ერთი მიწისძვრა უკვე იწინასწარმეტყველა. მაშინ სამხრეთ–აღმოსავლეთ თურქეთში, ქაჰრამანმარაში 7,7 და 7,6 სიმძლავრის მიწისძვრები მოხდა. ამას ათასობით ბიძგი მოჰყვა. ეს თურქეთის 10 პროვინციაში და მეზობელ სახელმწიფოებშიც იგრძნობოდა. ბოლო მონაცემებით, სტიქიამ 50 ათასზე მეტი ადამიანის სიცოცხლე იმსხვერპლა.
ვიმედოვნებთ, რომ ამჯერად სეისმოლოგი ცდება. ადრე ინდოელმა ბიჭმა აბიგია ანანდმა თქვა, რომ დედამიწაზე უახლოეს მომავალში კატასტროფები მოხდება. ვიმედოვნებთ, ბუნება შეგვიწყალებს და კაცობრიობას ასეთ საშინელ მოვლენასთან შეჯახება აღარ მოუწევს. თანავუგრძნობთ ყველას, ვინც თურქეთსა და სირიაში მიწისძვრების შედეგად დაზარალდა. გვჯერა, რომ ასეთი რამ აღარ განმეორდება!
