გაიჭედა უნიტაზი და არ იცით, როგორ მოიქცეთ? ამ პრობლემას სხვადასხვა გზით მოაგვარებთ. უფრო მნიშვნელოვანია, მომავალში მისი გაჩენა თავიდან აიცილოთ. Vivien შეგახსენებთ, რომელი ნივთების ჩაყრა არ შეიძლება კანალიზაციაში. გიზიარებთ ეფექტურ მეთოდებს, როგორ მოიშოროთ ბლოკირება უნიტაზში.
გაჭედილი უნიტაზი – მსგავს სტატიას არ დავწერდი, თავად გაჭედილ კანალიზაციასთან შეჯახება რომ არ მომწეოდა. მავნე ჩვევა მაქვს. გამოყენებულ ქაღალდის პირსახოცს უნიტაზში ვაგდებ. შედეგად, ტუალეტი იჭედება. ამის გამო საკუთარ თავზე კიდევ დიდხანს ვბრაზობდი. ქაღალდის პირსახოცი ჩვეულებრივ ტუალეტის ქაღალდზე უფრო სქელია, ამიტომ წყალში გახსნა უჭირს. იგივე სველ სალფეთქს ეხება. თუნდაც სპეციალური ნიშანი ჰქონდეს, ნაგვის ურნაში ჩააგდეთ.
რომელი ნივთების ჩაყრა არ შეიძლება უნიტაზში
- პირადი ჰიგიენის საშუალებები. ამ ნივთებით კანალიზაციის გავსება მარტივია. საზოგადოებრივ ტუალეტებში ხშირად ნახავთ გამაფრთხილებელ ნიშნებს თხოვნით, რომ საფენები ან ტამპონები უნიტაზში არ ჩააგდოთ. სტანდარტული წესია, მაგრამ შეხსენება ღირს.
- საკვების ნარჩენები. მნიშვნელობა არ აქვს, საჭმელი თხევადია თუ მყარი. უნიტაზში არ ჩაასხათ. ასე არა მხოლოდ კანალიზაციას გაჭედავთ, არამედ წყალსადენის სისტემას დააზიანებთ. კვების პროდუქტები უნიტაზსაც აჭუჭყიანებს.
- კატის ტუალეტის შემავსებელი. შემავსებლის მასალას დააკვირდით. თუმცა გირჩევთ, არ გარისკოთ, რადგან გრანულები შეიძლება შეერთდეს და კანალიზაციის მილში ერთი დიდი გოროხი შექმნას.
- თამბაქოს ნამწვი. წყალში არ იხსნება, ამიტომ უნიტაზში არ ჩააგდოთ.
- მედიკამენტები და სხვა სამკურნალო საშუალება. ასეთი ნივთებით არა მხოლოდ კანალიზაცია შეგიძლიათ გაჭედოთ, არამედ გარემო დააზიანოთ, თუ წყალში მოხვდება. ისინი მსგავსი ნარჩენების გადამამუშავებელ პუნქტებში უნდა ჩააბაროთ.
- თმა. სხვა ნარჩენებს შეიძლება მიეკრას და უნიტაზი გაჭედოს. ბევრ ადამიანს ცრურწმენების სჯერა. ისინი თმას საგულდაგულოდ აგროვებენ და წვავენ.
- ყავის ნალექი. წყალში არ იხსნება, არამედ სველდება და მილებს ეკვრის. ასე კანალიზაცია მარტივად შეიძლება დაბლოკოთ.
- ჩაის ჩენჩო. ზუსტად ისე მოქმედებს, როგორც ყავის ნალექი. გირჩევთ გადაყაროთ ნაგვის ურნაში სხვა ორგანულ ნარჩენებთან ერთად.
როგორ მოვიშოროთ ბლოკირება უნიტაზში – უნიტაზის გასაწმენდად სპეციალური საყოფაცხოვრებო ქიმია შეგიძლიათ გამოიყენოთ. შეფუთვაზე ინსტრუქციას მიჰყევით. როგორც წესი, ქიმიური საშუალება უნიტაზში უნდა ჩაასხათ და რამდენიმე წუთი ან საათით დაელოდოთ, რომ იმოქმედოს, შემდეგ უნდა ჩარეცხოთ. თუ მაღაზიაში ნაყიდი საშუალების გამოყენება არ გსურთ, ბევრი ხალხური საშუალება არსებობს. მაგალითად, უნიტაზში ცხელი წყალი შეგიძლიათ ჩაასხათ, 1 ჭიქა სოდა და 1 ჭიქა ძმარი დაუმატოთ. ხსნარი რამდენიმე წუთით გააჩერეთ, შემდეგ უბრალოდ ჩარეცხეთ.
ბლოკირების წინააღმდეგ დგუშსაც იყენებენ. ეს სპეციალური მოწყობილობაა, რომელიც წნევას ქმნის და უნიტაზში ბლოკირების დაშლაში გვეხმარება. უნიტაზი წყლით აავსეთ, რომ დგუში დაფაროთ, შემდეგ დგუშს რამდენჯერმე ძლიერად და სწრაფად დააჭირეთ. რამდენიმე მცდელობის შემდეგ ყველაფერ ზედმეტს მოიშორებთ. თუ უნიტაზი ძალიან გაჭედილია, სპეციალური ხელსაწყოები დაგჭირდებათ, როგორიცაა წყალსადინარი ლენტა ან ჰიდროგამწმენდი. ამ შემთხვევაში სპეციალისტს მიმართეთ, რომ უნიტაზი ან წყალსადინარის სისტემა არ დააზიანოთ.
