დაგვეთანხმეთ, კენკრის სეზონი ზაფხულის ერთ–ერთი უცვლელი ხიბლია. გემრიელი, არომატული, წვნიანი და სამკურნალო კენკრა შემოდგომამდე ჩვენთან რჩება. წელს მარწყვის კარგი მოსავალია. ფასიც არ იკბინება ან შეიძლება უკვე შევეგუეთ, რადგან როგორ შეიძლება თავი შეიკავო და არ მოამზადო მარწყვის მურაბა და კომპოტი ზამთრისთვის?
მარწყვის კომპოტი ზამთრისთვის
წარმოიდგინეთ ტკბილი ნამზადის მოწინააღმდეგეების უკმაყოფილო სახეები: „რა მარწყვის კომპოტი ზამთრისთვის? ალბათ, ხუმრობ. წარმოიდგინე, რა საზიზღრობად გადაიქცევა ნაზი კენკრა სტერილიზაციის გამო. არა, ოღონდ კომპოტი არა!“
სტერილიზაცია? ნუთუ სადმე ვახსენეთ სტერილიზაცია? ბევრი არ იფიქროთ, არამედ მარწყვის კომპოტი სტერილიზაციის გარეშე მოამზადეთ და მიხვდებით, რომ ცრურწმენები გალაპარაკებთ. სხვებს როგორც სურთ, ისე მოიქცნენ, ჩვენ კი კომპოტის მომზადება დავიწყოთ.
ინგრედიენტები სამლიტრიანი ქილისთვის:
- 500 გ გარეცხილი მარწყვი ყუნწების გარეშე
- 2,5 ლ წყალი
- 180 გ შაქარი
მომზადების წესი:
1. პირველ რიგში, კენკრის გასარეცხად წყალი აადუღეთ და ოთახის ტემპერატურამდე გააცივეთ. თითო კილოგრამ მარწყვზე 7-8 ლ წყალი დაგჭირდებათ.
2. ჭურჭელი სათანადოდ მოამზადეთ. დარწმუნდით, რომ არც ერთი ქილის ძილს, გვერდებს, ყელს ბზარები არ აქვს. ქილები გარეცხეთ, წყალი გადაავლეთ და გაასტერილეთ. ორთქლზე, ღუმელში ან მიკროტალღურ ღუმელში.
3. უჟანგავი ფოლადის დიდი დანა ფართო პირით გაასტერილეთ. რატომ? მალე გაიგებთ. თავსახურები ცხელ წყალში მოათავსეთ და აადუღეთ.
4. მარწყვის ჯერია. კენკრა გადაარჩიეთ და გარეცხეთ. მნიშვნელოვანია, რომ ყველა კენკრა ერთი და იმავე ზომის და სიმწიფის იყოს. ასე თანაბრად მომზადდება და ფორმას შეინარჩუნებს.
5. დიდ თასში გარეცხეთ და არა გამდინარე წყალში, რომ ნაზი კენკრა არ დაზიანდეს. ჯერ მარწყვი ძმრიან ხსნარში (1 ლ წყალი + 1 ს/კ ვაშლის ძმარი) ჩადეთ, შემდეგ თბილი ანადუღარი წყლით გარეცხეთ. კენკრა დასაწურად საწურზე გადაიტანეთ. ამის შემდეგ მაშინვე ქილებში ჩაყარეთ და შაქრით დაფარეთ. აქვე კომპოტის წყალიც კარგად აადუღეთ.
6. ცხელ ქილებში მარწყვი ჩააწყვეთ და მაშინვე შაქარი დაუმატეთ. აქ დანა გამოგადგებათ. დანა ქილაში ჩადეთ და მასზე ზემოდან მდუღარე წყალი დაასხით. ცირკის ხრიკი არაა, არამედ უსაფრთხოების ზომა. ასე მინა ტემპერატურის კონტრასტის გამო ნამდვილად არ გატყდება. ქილები მოხუფეთ. შეამოწმეთ, ხომ არ ჟონავს სითხე თავსახურიდან.
მომზადება გააგრძელეთ
7. სამზარეულოს ხელთათმანები გაიკეთეთ, ცხელი ქილები მაგიდაზე აგორავეთ ან შეანჯღრიეთ. პროცედურა შაქრის გახსნას დააჩქარებს. იატაკზე პარკი, მუყაო ან გაზეთი გაფინეთ. გადაბრუნებული ქილები დააწყვეთ. ბამბის საბნით, პლედით ან ქურთუკით თბილად შეფუთეთ. რაც უფრო თბილად შეფუთავთ, მით უკეთესი. მაღალი ტემპერატურის დიდხანს შენარჩუნების და ნელი გაცივების ხარჯზე კომპოტი უკეთ გასტერილიზდება.
8. 12-16 საათის შემდეგ კომპოტს ხელოვნური „თერმოსი“ მოაშორეთ, ქილები ნორმალურ მდგომარეობაში დააბრუნეთ. დაე, კარგად გაცივდეს. ქილები გრილ ადგილას შეინახეთ. მაგალითად, სარდაფში ან საკუჭნაოში.
ნახეთ, რა ლამაზი გამოვიდა. კენკრა მკვრივია, მთელი, ერთნაირი. რა ფერია! უბრალოდ სარდიონის ნექტარი! ზამთარში მთელი ოჯახი გავსინჯავთ, ივნისის სურნელს შევისუნთქავთ და ვისიამოვნებთ გემრიელი, სასარგებლო სასმლით. მაღაზიაში ნაყიდი წვენი და გაზიანი სასმელი ვერ შეედრება!
