შოკოლადზე თეთრი ნადები ჩნდება, როცა პროდუქტი დიდხანს არასწორ ტემპერატურაზე ინახება. ათასობით ადამიანი ფიქრობს, რომ ასეთი შოკოლადი ჯანმრთელობისთვის სახიფათოა. მათ, ვისაც ბავშვობაში გამბედაობა ეყო, რომ უჩვეულო გარეგნობის შოკოლადი გაესინჯა, იცის, რომ არაფერია საშიში. უცნაურია, რომ მეცნიერები ამ დასკვნას ადასტურებენ. გიამბობთ, რას მოწმობს თეთრი ნადები შოკოლადზე.
ნადები შოკოლადზე: დადებითი და უარყოფითი მხარეები
გაჩენის მიზეზი – შოკოლადზე ნადებს ტემპერატურის ბანალური ცვლილება იწვევს. სახიფათო პათოგენურ ბაქტერიებზე ან ბოროტი კონდიტერის მიერ დელიკატესში შერეული მავნე ნივთიერებების შესახებ მითები მოიშორეთ. შოკოლადზე ნადების გასაჩენად მშრალ და ცხელ საწყობში დიდხანს შენახვა საკმარისია. ზუსტად ასე, შოკოლადზე ნადები შეიძლება გაჩნდეს, თუ სიცივეში სახლში დიდხანს მიგქონდათ. სითბოში ცოტა ხნით გაჩერებისას უკვე თეთრდება. ყველამ არ იცის, რომ შოკოლადზე ორი სახის ნადები არსებობს. პირდაპირ გეტყვით, რომ არც ერთი ჯანმრთელობას არ აზიანებს.
მნიშვნელოვანი განსხვავება – და მაინც, შოკოლადზე ნადების განსხვავება უნდა შეგეძლოთ. ასე მარტივად გამოიცნობთ, ხარისხიანი პროდუქტი შეგხვდათ თუ უხარისხო. საქმე ნატურალურ შოკოლადსა და თეთრი სინთეტიკური შაქრით მომზადებულ ტკბილეულს შორის განსხვავებაშია. ნატურალური კაკაოს კარაქი და სინთეტიკური შაქარი ვიზუალურად მსგავს ნადებს იძლევა. მხოლოდ შეხებაზე განსხვავდება. თუ შოკოლადში დამატკბობლად შაქარია გამოყენებული, ნადები მშრალი და პუდრისებრია. თითის გადასმისას წრიპინის ხმას გამოსცემს.
ნატურალური პროდუქტი – ნატურალური შოკოლადის ნადები ცხიმიანია და თითზე ცხიმის კვალს ტოვებს. ტემპერატურის მკვეთრი ცვლილებისას შოკოლადი ხმება და მიკრობზარებით იფარება. კაკაოს ცხიმი ამ მიკრობზარებიდან ორთქლდება. როცა ტემპერატურა ისევ მცირდება, ცხიმი მაგრდება და ცხიმოვან ნადებს ქმნის. არც ერთი ნადები სახიფათო არაა, მხოლოდ შოკოლადის სავაჭრო გარეგნობა ზარალდება. თუ თან ნადები ცხიმიანია, ამ ბრენდის ტკბილეული თამამად შეგიძლიათ ისევ შეიძინოთ. ნატურალური კაკაოსგან დამზადებული პროდუქტის უფრო საიმედო ნიშანი არ არსებობს!
სასარგებლო რჩევა – შოკოლადზე ნადების თავიდან აცილება მარტივია. ტკბილეული მშრალ ადგილზე 13-18 გრადუსზე შეინახეთ. შეფუთვის ჰერმეტულობა არ დაარღვიოთ და ყველაფერი კარგად იქნება. თუ ნადები მაინც გაჩნდა და მადას გიკარგავთ, შოკოლადი ცომეულში ან ტკბილეულში თამამად გამოიყენეთ.
