ჩვეულებრივ, ხალხში ჩიტებს კარგი ნიშნები უფრო უკავშირდება, ვიდრე ცუდი. ამასთან სპეციალური რიტუალით ცუდის განეიტრალება ადვილია. მტრედებთან დაკავშირებულ ძველ რწმენებზე გიამბობთ. ალბათ, ცხოვრებაში ერთხელ მაინც ფანჯარასთან ან აივანზე ამ ფრინველის დანახვა ყველას უწევს. Vivien დეტალურად გიამბობთ, რატომ ჯდება მტრედი ფანჯრის რაფაზე და რა ცვლილებებს უნდა ელოდოთ. გაიგებთ, რატომ არის მნიშვნელოვანი, ოჯახის რომელმაც წევრმა დაინახა მტრედი პირველად. მნიშვნელოვანი ფაქტორებია ფრინველების რაოდენობა, მათი ბუმბულის ფერი და ზოგადი მდგომარეობა.
მტრედის მოფრენის მიზეზი ნიშნების მიხედვით – ერთ–ერთი მთავარი ინტერპრეტაცია პირად ცხოვრებაში ცვლილებებს უკავშირდება. ითვლება, რომ ადამიანი, რომელსაც ფრინველი ესტუმრა, მალე სამსახურში მომგებიან წინადადებას მიიღებს ან ოჯახურ მდგომარეობას შეიცვლის. უფრო ზუსტი ახსნა დამოკიდებულია მტრედის ქცევაზე, თუ რამდენ ხანს ზის და რას აკეთებს.
მტრედი მოფრინდა და სწრაფად გაფრინდა – ჩიტის ხანმოკლე ვიზიტი განსაკუთრებულ არაფერს გპირდებათ. თუმცა ბევრი ირწმუნება, რომ ფანჯარასთან მტრედის ნებისმიერი გამოჩენა სწრაფი ამბავია. რაც უფრო ღია ფერის ბუმბული აქვს, მით უფრო სასიამოვნო სიახლე იქნება. ძველად გულწრფელად სჯეროდათ, რომ ფანჯარასთან დამჯდარი მტრედი სახლს თუ შემოუფრენდა, მალე ოჯახი ქორწილს გადაიხდიდა.
მტრედი ფანჯარაში იყურება და გაფრენას არ ჩქარობს – თუ მტრედი ფანჯრის რაფაზე დაჯდა და ფანჯარაში დაჟინებით იყურება, წარმატების და სიკეთის მომტანია. დაწყებული საქმის წარმატებით გაგრძელებას, ასევე ბედნიერ სიახლეს ელოდეთ. ფრინველს არ ეჩხუბოთ, თუ თქვენი ფანჯრის რაფა „მონიშნა“. ჩათვალეთ, რომ წარმატება გაგიზიარათ. ღია უკმაყოფილება არ გამოხატოთ, ასე ნანატრ წარმატებას დააფრთხობთ. თუ მტრედმა ნისკარტით რამე მოგიტანათ, მალე ოჯახი გაფართოვდება. ეს ახლობლებს ან შორეულ ნათესავებს შეიძლება ეხებოდეს.
ჩიტი მინაზე აკაკუნებს – ხალხური რწმენით მტრედი ყოველთვის ცვლილებებზე გვაფრთხილებს. ეს სასიამოვნო და არც ისე შეიძლება იყოს. თუ ჩიტი მინაზე დაჟინებით და ხმაურიანად აკაკუნებს, ადამიანის დანახვაზე არ მიფრინავს, ნებისმიერ სფეროში გარდამტეხ სიახლეს ელოდეთ. ეს შეიძლება იყოს საცხოვრებელი ადგილის შეცვლა, სხვა სამსახური ან ნანატრი მოგზაურობა შორეულ ქვეყანაში. ბუმბულიანი სტუმრის ქცევას დააკვირდით:
- თუ მტრედი ღუღუნებს, მოულოდნელი, მაგრამ ძალიან სასიამოვნო შეხვედრა, ახალი რომანი ან ქორწილი გელოდებათ.
- თუ მტრედი დახტუნავს, ნანატრი სტუმარი მოვა.
- თუ მტრედი თავდაჯერებულად ზის ან კარნიზზე დადის, ნათესავი მოულოდნელად გესტუმრებათ.
ერთდროულად რამდენიმე მტრედი მოფრინდა – თუ ჩიტები მშვიდად სხედან, სასიხარულო ამბავს და დადებით ცვლილებებს ელოდეთ. თუ მტრედები ღუღუნებს, მნიშვნელოვანი ნაცნობობა, ნიშნობა ან მალე ქორწილი გელოდებათ. განსაკუთრებით ეს გასათხოვარ ქალებს და ახალგაზრდა ბიჭებს ეხებათ. თუ ჩიტებმა ჩხუბი დაიწყეს, მეგობრებთან ან ნათესავებთან სერიოზულად იკამათებთ.
ნიშნების მნიშვნელობა ჩიტის ფერის მიხედვით – ხალხური რწმენის მიხედვით ჩიტის ფერსაც მნიშვნელობა აქვს. თეთრი მტრედი მშვიდობის, სიმშვიდის და კეთილდღეობის სიმბოლოდ ითვლება. წითური ან ყავისფერი შეფერილობის მტრედი სწრაფ კარიერულ წინსვლას ან დიდ ფულად პრიზს გპირდებათ. შავი მტრედი უბედურებას და ავადმყოფობას მოასწავებს. მუქი ნაცრისფერი უმნიშვნელო დანაკარგის, ურთიერთობაში უსიამოვნებების ნიშანია. მსგავსი რამ თავიდან რომ აიცილოთ, ცვილის სანთელი აანთეთ და ცოცხლების საჯანმრთელოდ, ასევე მიცვალებულთა სულებისთვის ილოცეთ. უმაღლეს ძალებს დაცვა შესთხოვეთ. ასე ორი კვირის განმავლობაში დილა–საღამოს გააკეთეთ და უბედურება გვერდს აგივლით.
გახსოვდეთ, ყველა მოვლენა ზეციურ ნიშნად არ უნდა აღიქვათ. მტრედი როგორც ქალაქის, ასევე სოფლის ფაუნის ტიპიური წარმომადგენელია. მათ მაღალსართულიანი შენობების სახურავების ქვეშ მშვიდად ცხოვრება ისწავლეს, ამიტომ ფანჯარასთან შემთხვევით შეიძლება გამოჩნდეს. ჩიტს იზიდავს ბევრი სინათლე და სითბო, რადგან ყოველთვის საკვებს ან დასასვენებელს ეძებს. ბარტყი, რომელიც ფრენას სწავლობს, ფანჯარას ხშირად ეჯახება. ასეთი სიტუაციიდან არაფერს უნდა ელოდოთ. მტრედი შეიძლება თქვენს ფანჯარასთან მოფრინდა და წასვლას არ ჩქარობს ერთი ბანალური მიზეზით, მშიერია. გირჩევთ, საწყალი ფრინველი გამოკვებოთ და ცუდი ფიქრები მოიშოროთ.
