1 ბოთლი ძმარი ტუალეტის ავზს ნადებს, ჟანგს და ჭუჭყს აშორებს

446

დასვენების დღეებში სახლის დალაგება გადავწყვიტე. სააბაზანო ოთახს და უნიტაზს კვირაში ერთხელ მაინც ვხეხავ, მაგრამ უნიტაზის ავზი ყოველთვის მავიწყდება, არადა აქ ჭუჭყი სწრაფად გროვდება და მისი მოშორება რთულია. ავზში ნადების, ჟანგის და ლაქების დანახვა არ მაშინებს. ვიცი, რომ სუფრის ძმარი ნებისმიერი სახის ჭუჭყს მარტივად გაუმკლავდება. Vivien გიამბობთ, როგორ გამოიყენოთ ძმარი უნიტაზის ავზიდან ნადების და ჟანგის მოსაშორებლად.

უნიტაზის ავზის გაწმენდა ძმრით

უნიტაზს ავზს თავსახური ახადეთ. თანამედროვე მოდელებში ჯერ ღილაკი უნდა დაატრიალოთ, რომ თავსახური ახადოთ. დიდი ალბათობით, ავზში ნანახი ვერ გაგახარებთ. თავად ნაქირავებში ვცხოვრობ. 2 წელია უნიტაზის ავზში არ ჩამიხედავს, მაგრამ გვიანი არასდროსაა. უნიტაზის ავზში სხვადასხვა სახის ჭუჭყი, კირის ნადები და ჟანგი დამხვდა.

ონკანი გადაკეტეთ, რომ ავზი წყლით არ გაივსოს. ავზი წყლისგან დაცალეთ. დაგჭირდებათ 9%–იანი სუფრის ძმარი. ბოთლში პულვერიზატორი მოათავსეთ. პულვერიზატორით ავზის ზედა ნაწილს, სადაც წყლის დონე მთავრდება, ძმარი შეასხურეთ. აქაც ჭუჭყი იქნება. ხელთათმანები გაიკეთეთ და ძმარში დასველებული ქაღალდები ავზის თავზე მთელ პერიმეტრზე გადაფინეთ. მთელი ბოთლი ძმარი ავზში ჩაასხით და ონკანის ძალიან ცხელი წყალი (40-50°) დაუმატეთ, ავზი ჭუჭყის ხაზამდე გაავსეთ. ბევრი წყალი არ დაუმატოთ, ასე სითხე ძმართან ერთად უნიტაზში ჩაიღვრება, რაც არ გჭირდებათ.

1 საათით გააჩერეთ, რომ ძმარი ჭუჭყთან რეაქციაში შევიდეს. თუ უნიტაზის ავზი ძალიან ჭუჭყიანია, უფრო დიდხანს გააჩერეთ. შემდეგ ავზი მექანიკურად გაწმინდეთ. გამოიყენეთ გრძელსახელურიანი ჯაგრისი და ძველი კბილის ჯაგრისი ძნელად მისადგომი ადგილებისთვის. ძმრიანი წყალი ავზიდან უნიტაზში არ ჩაუშვათ. ჯერ მთელი ზედაპირი ჯაგრისით კარგად გაწმინდეთ. ამის შემდეგ ავზი დაცალეთ და ისევ გახეხეთ. უნიტაზის ავზი ახალივით ვერ გათეთრდება, მაგრამ ჭუჭყის და ნადების დიდი ნაწილი მოშორდება. წმენდის დასრულების შემდეგ ონკანი გახსენით, ავზი წყლით აავსეთ და რამდენჯერმე ჩარეცხეთ.

თუ ჭუჭყის სწრაფად და მარტივად მოშორება გსურთ, უნიტაზის ავზში ძმრიანი წყალი მთელი ღამე გააჩერეთ. გირჩევთ, რომ უნიტაზის ავზი შეძენის შემდეგ რეგულარულად გაწმინდოთ. ასე ყოველთვის იდეალურად სუფთა დარჩება. თუ უკვე რთული მდგომარეობაა, ძმარი დაგეხმარებათ. მისი დახმარებით არა მხოლოდ უნიტაზის ავზი, არამედ ქურის გისოსები, ასევე ფანჯრის რაფა შეგიძლიათ გაწმინდოთ.