სახლში დაკარგულ ნივთებს ყოველთვის ვპოულობ, ამიტომ მეგობრები ამა თუ იმ ნივთის მოძებნაში დახმარებას ხშირად მთხოვენ. დღესაც ანამ დამირეკა და დახმარება მთხოვა. დავინტერესდი, რა ნივთზე იყო საუბარი. „ჩემი შინდისფერი პირსახოცი, სამზარეულოში მეკიდა. გახსოვს?“ ეს პირსახოცი კარგად დამამახსოვრდა, რადგან ძველი და გაცვეთილი იყო. ანას ახალგარემონტებულ და თანამედროვე სამზარეულოს ნამდვილად არ შეეფერებოდა. ვერ ვიტყვი, რომ ცუდი დიასახლისია, მაგრამ ნივთების მოწესრიგებას ყურადღებას არ აქცევს. ეს კი მის უსუფთაობას ააშკარავებს. Vivien გიამბობთ, რომელი ნივთები უნდა გქონდეთ ყოველთვის მოწესრიგებული და როგორ იპოვოთ დაკარგული ნივთები სახლში.
ნივთების სია, რომლებიც ყოველთვის სუფთა უნდა იყოს
- პირსახოცი. ძველი, გაუფერულებული პირსახოცი, რომელიც ლაქებით სავსეა, ნამდვილი მოღალატეა. მაშინვე დიასახლისის დაუდევრობასა და დალაგებისადმი სიძულვილზე საუბრობს. ასევე სიხარბეზეც. არავის აინტერესებს, თუ ასე დაზოგვას ცდილობთ, პირსახოცი თქვენთვის ძვირფასია ან მისი შეხება გსიამოვნებთ. ძველი პირსახოცი დიასახლისზე კარგ შთაბეჭდილებას არ ტოვებს. აუცილებლად ახლით ჩაანაცვლეთ. ასე სტუმრებს და ოჯახის წევრებსაც ასიამოვნებთ. გამოყენების შემდეგ სურნელოვანი რომ იყოს, აუცილებლად კარგად გააშრეთ.
- თეთრეული. ეს საკუთარი თავის მიმართ სიყვარულს ან სიძულვილს ააშკარავებს. სტუმრები მას ვერ ხედავენ, თუ ღამით არ რჩებიან. ძველი, ჭუჭყიანი და სხვადასხვა ნაკრებისგან აწყობილი თეთრეულით საკუთარი თავის და ოჯახის მიმართ უპატივცემულობას გამოხატავთ. სიხარბის და სიღარიბის ნიშანია. ამ ნივთზე ეკონომია არ ღირს. სუფთა თეთრეულში უკეთ დაიძინებთ. კარგი ძილი ჯანმრთელობას უზრუნველყოფს, რაც ნამდვილად მნიშვნელოვანია.
- ჭურჭელი. ის, თუ რომელი ჭურჭელი გაგაქვთ სუფრაზე, თქვენს სტუმართმოყვარეობასა და სისუფთავეზე ბევრს ამბობს. გატეხილი ან გაბზარული ჭურჭელი არ უნდა შეინახოთ და მით უფრო, სტუმრებისთვის სუფრაზე არ გაიტანოთ. ჭურჭლის სისუფთავესაც ყურადღება უნდა მიაქციოთ. გარეცხილ ჭურჭელზეც ჩაის ან ყავის ლაქები შეიძლება დარჩეს. ლაქების მოსაშორებლად სოდით გარეცხეთ.
- ბალიშები. ბალიშებიც ჯანმრთელობაზე მოქმედებს. თანამედროვე და ეკოლოგიური ბალიშები შეიძინეთ. ძველი ბალიშები თქვენს სიხარბესა და სიღარიბეზე საუბრობს ან სტუმარს მიანიშნებს, რომ ძილის ხარისხზე საერთოდ არ ზრუნავთ.
- ჩამრთველები. ასეთ პატარა დეტალზე არსებული მტვერი და ჭუჭყი უსუფთაო დიასახლისს ააშკარავებს. არ იზარმაცოთ და აუცილებლად გაწმინდეთ.
- პიანინო. პატარა ბინაში პიანინო დიდ ადგილს იკავებს. უსარგებლო ნივთია, თუ წლებია დანიშნულებით არ იყენებთ და მტვრის გასაწმენდად თავსახურს არ ხდით. გირჩევთ, მოიშოროთ და ადგილი გაათავისუფლოთ.
თუ დაკარგული ნივთის პოვნა გსურთ, ნეიროგრაფიკა გამოიყენეთ. ხატვის ტექნიკით ქვეცნობიერთან დაკავშირებას შეძლებთ. დამატებით, ხალხური მეთოდი სცადეთ. თქვით, „სახლის სულო, სახლის სულო, ითამაშე და ახლა დამიბრუნე“. საოცარია, მაგრამ საკმაოდ ეფექტური მეთოდია. შეგახსენებთ, რომ ზოგიერთი დაკარგული ნივთი უკან არ ბრუნდება. ეს მინიშნებაა, რომ რაღაც დიდისთვის ადგილი გავათავისუფლოთ. ძველი, გაცვეთილი და უსარგებლო ნივთები მოიშორეთ, რომ ახალი და ფუნქციური ნივთებისთვის ადგილი გაათავისუფლოთ. ასე მატერიალურ მდგომარეობასაც გააუმჯობესებთ.
