ყავის საფქვავს არა მხოლოდ ყავის მარცვლების დაფქვა შეუძლია. თუ სახლში ძველი ყავის საფქვავი გაქვთ, მისი გადაგდება არ იჩქაროთ. Vivien გაგიმხელთ, რა ფარულ ფუნქციებს ფლობს ყავის საფქვავი, რომელთა გამოყენებით ცხოვრება ორ ნაწილად გაიყოფა, მანამდე და შემდეგ.
პირველ რიგში, გეტყვით, რომ ყავის საფქვავი ბლენდერი არაა. ტექნიკა არაპირდაპირი დანიშნულებით შეგიძლიათ გამოიყენოთ, მაგრამ შეზღუდვებიც აქვს. ძალიან მყარი პროდუქტების დასაფქვავად არ გამოიყენოთ. მასში სითხის და ზეთის მოხვედრას მოერიდეთ, რომ ტექნიკა არ დაზიანდეს.
პროდუქტები, რომლებიც ყავის საფქვავში შეგიძლიათ დაფქვათ
- სხვადასხვა კაკლის საფქვავად თამამად გამოიყენეთ. მთავარია, ნაჭუჭი წინასწარ მოაშოროთ და ზედმეტად არ გადაავსოთ. ნაწილ–ნაწილ დაუმატეთ და დაფქვით. დაქუცმაცებული კაკალი ცხიმს გამოყოფს, ამიტომ დაფქვის პროცესი აკონტროლეთ და დროულად გაჩერდით, რომ ნაფშვენის ნაცვლად პასტა არ მიიღოთ. თუ კაკალი ძალიან დიდია, წინასწარ დანით დაჭერით. ასე ტექნიკა ნაკლებად დაიტვირთება.
- სხვადასხვა სუნელის და სანელებლის საფქვავად გამოიყენეთ. აქტუალურია, თუ რამდენიმე სახეობის წიწაკის ნარევის მომზადება გსურთ. მიხაკი, მუსკატის კაკალი ან ქინძი შეგიძლიათ დაფქვათ.
- საფანელის მისაღებად ორცხობილა დაფქვით. მშრალ ტაფაზე ან ღუმელში გახუხული პური შეაგრილეთ და შემდეგ ყავის საფქვავში დაფქვით.
- ნებისმიერი თესლი შეგიძლიათ დაფქვათ. მაგალითად, სელის ან ჩიას თესლი. სწრაფად აქუცმაცებს და ძალიან მოსახერხებელია. შეგახსენებთ, რომ დაფქული სელის თესლის მომარაგება არ ღირს. ასეთი სელის თესლი ყველა სასარგებლო თვისებას კარგავს და ფუჭდება. მხოლოდ იმდენი დაფქვით, რამდენის მიღებასაც ახლა აპირებთ.
- ნებისმიერი მარცვლეულის ფქვილი შეგიძლიათ მიიღოთ, თუ ყავის საფქვავს გამოიყენებთ. მაგალითად, შვრიის ფანტელები დაფქვით, რომ შვრიის ფქვილი მიიღოთ და საუზმეზე ოლადები გააკეთოთ.
- ხელის საფქვავით შაქრისგან შაქრის ფხვნილის მიღებას შეძლებთ. გენიალური იდეაა, რადგან შეფუთული შაქრის ფხვნილი მაღაზიაში ძვირი ღირს. მისი ყიდვა მომგებიანი არაა, მით უფრო ყავის საფქვავი ამ ამოცანას რამდენიმე წუთში უმკლავდება. სპეციალისტები შაქრის ფხვნილის მისაღებად ელექტროსაფქვავის გამოყენებას არ გირჩევენ. მათი თქმით, პროცესში მექანიზმი ძალიან ხურდება, ამიტომ შაქარი შეიძლება გადნეს და ტექნიკა დაზიანდეს. თავად გადაწყვიტეთ, გარისკავთ თუ არა.
საუკეთესო ყავის საფქვავი – თუ ყავის საფქვავის გამოყენებას აპირებთ მხოლოდ პირდაპირი დანიშნულებით, ყავის მარცვლების დასაფქვავად, ნებისმიერი აპარატი შეგიძლიათ შეიძინოთ, თუმცა წისქვილის ქვის ყავის საფქვავის არჩევას გირჩევთ. ასე ყავას უმოკლეს დროში დაფქვავთ. თუ ყავის გარდა, მარცვლეულის, კაკლის და სხვა პროდუქტების დაფქვას გეგმავთ, მექანიკური მოდელი შეიძინეთ. ელექტროსაფქვავიც გამოგადგებათ. მასში კაკალი, მარცვლეული და თესლი უპრობლემოდ შეგიძლიათ დააქუცმაცოთ.
