სიმართლე რომ გითხრათ, უნიტაზის კედლებიდან კირის ნადების მოსაშორებლად უფრო ეფექტური მეთოდი უბრალოდ არ არსებობს. ეს შემთხვევით აღმოვაჩინე, როცა სახლში აფთიაქებში წამლებს ვახარისხებდი. ვადაგასული ასპირინი სანაგვე ყუთში უნდა აღმოჩენილიყო, რომ ჩემმა დამ გამაჩერა. ერთხელ ტელევიზორში გაიგონა, რომ შუშხუნა აბები სახლის დასალაგებად გამოიყენება, მაგრამ მეთოდის გამოცდა ჯერ ვერ მოასწრო. ის, რომ ასპირინმა დასახულ ამოცანას თავი გაართვა, ფაქტია. დრო დაზოგა და წმენდის პროცესი გაამარტივა. გიზიარებთ მეთოდს, რომელსაც დღემდე ვიყენებ უნიტაზის იდეალური სისუფთავის და სიქათქათის შესანარჩუნებლად.
როგორ მოვაშოროთ კირის ნადები უნიტაზს შუშხუნა ასპირინის გამოყენებით – ასპირინი არა მხოლოდ სამკურნალო საშუალებად ფართოდ ცნობილია. გამოცდილი დიასახლისები მას დიდი ხანია იყენებენ სახლის დასალაგებად, კერძოდ რთული ჭუჭყის მოსაშორებლად. გიამბობთ, როგორ მოაშოროთ უნიტაზს ნადები და ჩამჯდარი ჭუჭყი. ყველაფერი მარტივია. 2–3 აბი ასპირინი უნიტაზში ჩააგდეთ, 20 წუთით ან მთელი ღამე გააჩერეთ. შემდეგ წყლით ჩარეცხეთ და უნიტაზის გვერდები სუფთა ჯაგრისით გახეხეთ.
ასპირინი ნიჟარასა და აბაზანაში სერიოზულ ბლოკირებას ებრძვის. სანიაღვრე მილში 5 აბი დაქუცმაცებული ასპირინი ჩაყარეთ. რამდენიმე სუფრის კოვზი ძმარი დაუმატეთ. 15 წუთით მოიცადეთ და გამდინარე წყლით ჩარეცხეთ. შუშხუნა ასპირინი ტანსაცმელს ცხიმის ლაქებს შესანიშნავად აშორებს. 1 ჭიქა თბილ წყალში 2 აბი ასპირინი გახსენით. პრობლემური ნაწილი ხსნარში 3 საათით ჩაალბეთ, შემდეგ ჩვეული მეთოდით გარეცხეთ.
უნიტაზის წმენდა ერთ–ერთი უსიამოვნო მომენტია სახლის გენერალური დალაგებისას. აქ ხომ ძველი ნადები, ჭუჭყიანი თავსახური და უსიამოვნო სუნი გვხვდება. როგორ ხედავთ, ამ ყველაფერს ასპირინით მარტივად მოიშორებთ. თუ ასე რეგულარულად გაწმენდთ, სერიოზული პრობლემები აღარ შეგაწუხებთ.
