დაოჯახებამდე ოჯახური ცხოვრების ყველა მნიშვნელოვანი საკითხი წინასწარ უნდა განიხილოთ. მომავალში კონფლიქტებს თავი რომ აარიდოთ, ბრძნულად იკითხეთ: როგორ ხედავ ჩვენს მომავალს? ასე მოიქცა ნანაც. ოღონდ საუბრის შემდეგ საყვარელმა ადამიანმა დაქორწინება გადაიფიქრა.
„მე და ლადო ერთ წელზე მეტია ერთმანეთს ვხვდებოდით, როცა ხელი მთხოვა. ბედნიერებისგან მეცხრე ცაზე ვიყავი, მაგრამ ყველა საკითხის წინასწარ განხილვა გადავწყვიტე, რომ ჩვენ შორის უთქმელი სიტყვა არ დარჩენილიყო. ყველაფერი დაიწყო უბრალო კითხვით: როგორ წარმოგიდგენია ჩვენი ოჯახური ცხოვრება? ვინ იფიქრებდა, რომ საუბარი ასე შორს წავიდოდა. ლადომ ოჯახურ ცხოვრებაზე თავისი ხედვა გამიზიარა. “თავიდან ჩემს მშობლებთან ერთად ვიცხოვრებთ, ფულს დავაგროვებთ. მოგვიანებით, იპოთეკას ავიღებთ. შვილების ყოლას არ ვიჩქარებთ, ჯერ კიდევ ახალგაზრდები ვართ. პირველი შვილი 30 წლისთვის მინდა მყავდეს.“
როგორ გავანაწილებთ ოჯახურ ვალდებულებებს? – ვკითხე მე. რა საჭიროა განაწილება? მე დაგეხმარები. სახლის დალაგება, ნაგვის გადაყრა. პროდუქტებს ერთად ვიყიდით, მიპასუხა ლადომ. პასუხი არ მომეწონა. ვუთხარი, რომ საკუთარ თავზე მცირე პასუხისმგებლობას იღებს. ნუთუ მისი ნივთები უნდა გავრეცხო, საჭმელი მოვამზადო და დავალაგო? ამ საქმეების თანაბრად გაყოფა ურიგო არ იქნება. ჯერ დავქორწინდეთ და შემდეგ ყოველდღიურობას გავუმკლავდებით – ლადოს ჩვენი საუბარი აშკარად აღიზიანებდა. წერტილი რომ დამესვა, პირდაპირ ვუთხარი, რომ მის მშობლებთან ერთად ცხოვრება არ მსურდა. მათზე არ ვქორწინდები, არამედ მათ შვილზე. თან დედამთილთან დიასახლისობის განაწილება არ მსურს.
უმჯობესია, ბინა ვიქირავოთ, რომ ჩვენი კუთხე გვქონდეს. მით უფრო, ძაღლის ყოლაც მსურს – გავაგრძელე მე. აქ უთანხმოება წარმოიშვა. აღმოჩნდა, რომ ლადო სახლში ძაღლს ვერ იტანს. თავად კატა უყვარს, რომელსაც მე ვერ ვიტან. რომელ უბანში გსურს ბინის ქირაობა? – მგონი ლადო ჩემს პირობაზე უკვე თანახმა იყო. ვფიქრობ, ჩემს სამსახურთან ახლოს. შენ მაინც მანქანა გაქვს და სადაც გინდა იქ წახვალ – არგუმენტი მოვუყვანე. ძვირფასო, ავტობუსითაც შეგიძლია იმგზავრო. ბენზინი ძვირია, თან ცუდი გზები გაქვს, თავად იცი. ხშირად შეკეთება მომიწევს – აზრი გამოთქვა ჩემმა საქმრომ.
ბოლოს ქორწილის შესახებ ვკითხე. რამდენის დახარჯავს ვგეგმავდით და სად ვაპირებდით გადახდას. ლადოს დიდი ცერემონია და ჯვრისწერა სურდა, თავად მხოლოდ ხელის მოწერა, რადგან თავს რელიგიურ ადამიანად არ ვთვლი. საქმროსთვის რელიგია და მშობლების ხარჯზე დიდი ქორწილის გადახდა პრინციპულად მნიშვნელოვანი იყო. სამწუხაროდ, ასეთი პირობები ჩემთვის მიუღებელი აღმოჩნდა. ასე ვერ შევთანხმდით და დავიშალეთ. ორ დღეში ლადომ განმიცხადა, რომ დაქორწინება გადაიფიქრა. თითქოს, მომავალზე ზედმეტად განსხვავებული შეხედულებები გვაქვს.
ჩემს ადგილას სხვა გაბრაზდებოდა, მაგრამ მიხარია. კარგია, რომ ყველაფერი წინასწარ გავარკვიეთ და უბედური თანაცხოვრების შემდეგ განქორწინება არ მოგვიწია. იმედი მაქვს, რომ ლადო შესაფერის გოგოს იპოვის. თავად, ჯერ ძაღლის ყოლა მინდა!“
