დაბადების დღეზე მეუღლემ ლამაზი ყავის აპარატი მაჩუქა, მაგრამ სასმელის ძველებურად მომზადება მომწონს. ეს ერთგვარი ბუდისტური მედიტაციაა. წყალს ასხამთ, ყავს ყრით, ცეცხლს რთავთ და ელოდებით, სანამ სამზარეულო საყვარელი არომატით გაივსება. გამამხნევებელი სასმელის მომზადების ტექნოლოგიის გარდა უნდა იცოდეთ, როგორ გაწმინდოთ გეიზერის ყავის მადუღარა.
ყავა გემრიელი რომ იყოს, მადუღარა სუფთად უნდა შეინახოთ. მოკა (ასე უწოდებენ ცნობილ გეიზერის ყავის მადუღარას იტალიელები) რეგულარულად უნდა გარეცხოთ და გაწმინდოთ. მხოლოდ წყლის გავლება საკმარისი არაა. მადუღარა უნდა დაშალოთ, ყავის ნარჩენი და ნადები მოაშოროთ. Vivien გიამბობთ, როგორ გაწმინდოთ გეიზერის ყავის მადუღარა შიგნიდან და გარედან მარტივი საშუალების გამოყენებით.
დაგჭირდებათ:
- საკვები სოდა
- ძმარი
- წვრილი მარილი
მოქმედების წესი:
- ყავის მადუღარა შემადგენელ ნაწილებად დაშალეთ. ქვედა და ზედა ჭურჭელი მოხსენით. ყავის ფინჯანი ამოიღეთ.
- ცოტა სოდა ღრუბელს დააყარეთ და ყავის მადუღარა გარედან კარგად გაწმინდეთ. ძირი არ დაგავიწყდეთ. მასზე ლაქები ხშირად რჩება. ასევე კუთხვილი, სადაც ნადები გროვდება.
- ყავის მადუღარის ზედა ნაწილს სილიკონის საფენი და ბადე მოაშორეთ და ძმრით კარგად გარეცხეთ.
- ფინჯნის ძირი დარჩენილი ნადებისგან რომ გაწმინდოთ, წყალი დაასხით, ცოტა ძმარი და 2 ჩ/კ მარილი დაუმატეთ. ყავის მადუღარა ააწყვეთ და ქურაზე დადგით. წყლის ადუღებას დაელოდეთ, გეიზერის ყავის მადუღარა ცეცხლიდან გადმოდგით.
- მადუღარის ნაწილები გამდინარე წყალში კარგად გარეცხეთ და ისევ ააწყვეთ.
გეიზერის ყავის მადუღარა ახალივით იბრწყინებს. წმენდის სიხშირე დამოკიდებულია იმაზე, რამდენად ხშირად იყენებთ. თუ ყავას ყოველდღე ხარშავთ, მოკა კვირაში ერთხელ მაინც გაწმინდეთ. სასმელის გემო და ხარისხი მაღალ დონეზეა.
