დადგა დრო, როცა მეაგარაკეები ნიგვზის შეგროვებას იწყებენ. ზოგიერთი მათგანი ნიგოზს მაშინვე იყენებს, მაგალითად, ნამცხვრებში. ნიგოზი ხალხურ მედიცინაშიც აქტიურად გამოიყენება. მისგან ხველის საწინააღმდეგო გემრიელი და სასარგებლო საშუალება შეგიძლიათ მოამზადოთ. ნიგოზი თაფლთან ერთად მცენარეულ ჩაიზე მისაყოლებლად იდეალურია. ასე მალე გამოკეთებას შეძლებთ. ნიგვზიდან მაქსიმალური სარგებელი რომ მიიღოთ, წინასწარ აუცილებლად უნდა გამოაშროთ.

ვივიენის–ს რედაქცია გასწავლით, როგორ მოამზადოთ ნიგოზი გამოყენებამდე სწორად. გამომშრალ ნიგოზში ნაკლები მიკროორგანიზმი და სოკო მრავლდება, ამიტომ გაფუჭების რისკი მცირდება.

ნიგვზის სწორად გაშრობა

ღუმელში

კარგად გადარჩეული და ჭუჭყისგან გასუფთავებული მწიფე ნიგოზი საცხობ ფორმაზე დააწყვეთ და ღუმელში მოათავსეთ. 45 გრადუსზე ჩართეთ. ღუმელის კარი ოდნავ ღია დატოვეთ, რომ სუფთა ჰაერი შევიდეს. 20 წუთის შემდეგ ტემპერატურას 70 გრადუსამდე აუწიეთ. 2-3 საათით გამოაშრეთ. ღუმელიდან გამოიღეთ და ოთახის ტემპერატურაზე გააგრილეთ.

მზეზე. ნიგოზი მზეზე ბუნებრივად შეგიძლიათ გააშროთ. გადაარჩიეთ, დატეხეთ, ბირთვებს ტიხრები მოაშორეთ. ბირთვები გისოსზე გადაიტანეთ და მზეზე გააჩერეთ. 3 დღის შემდეგ ნაჭრის ქისაში ან კონტეინერში შეინახეთ.

როგორ გავაშროთ კაკალი ჩალბობის შემდეგ. ნიგოზი გადაარჩიეთ. სუფთა წყალი დაასხით და 12 საათით გააჩერეთ. ვადის გასვლის შემდეგ სითხე გადაასხით. კაკალი გამდინარე წყალში გარეცხეთ. ქაღალდის ტილოზე გადაიტანეთ და გასაშრობად გააჩერეთ. 2 საათი საკმარისია.

გასუფთავებული კაკლის დეზინფექცია არ დაგავიწყდეთ. მოხალვა საუკეთესო მეთოდია. კარგად გარეცხილი კაკალი ქაღალდზე გასაშრობად დააწყვეთ. მშრალი კაკალი ცხელ მშრალ ტაფაზე 5 წუთით მოხალეთ. მზადაა.