დღემდე ზოგიერთი დიასახლისი ცრუმორწმუნეა იმის მიუხედავად, რომ ტექნოლოგიური განვითარების და დამაჯერებელი მტკიცებულებების ხანაში ვცხოვრობთ. ეს არა მხოლოდ შავ კატას და მარილის დაყრას ეხება. ამბობენ, რომ კვირის გარკვეულ დღეს სახლის დალაგება არ შეიძლება. თუ არასწორ დღეს სახლს დაალაგებთ, უბედურებას მოიზიდავთ. შესაძლოა, ეს ყველაფერი მონაგონია, მაგრამ გარისკვა არ ღირს. უმჯობესია, რომ სწორ დღეს დაალაგოთ და ფანჯრები გაწმინდოთ. Vivien გიამბობთ, კვირის რომელ დღეს არ შეიძლება სახლის დალაგება, რომ ბედნიერი და ჯანმრთელი დარჩეთ.
რომელ დღეს არ შეიძლება სახლის დალაგება, რომ უბედურება არ მოიზიდოთ
- კვირა და ორშაბათი – ამ დღეებში სახლის დალაგება კატეგორიულად აკრძალულია. თუ კეთილდღეობის დაკარგვა არ გინდათ, მტვერსასრუტი და ჩვარი ხელში არ დაიჭიროთ. ბევრი დიასახლისი სახლს დასვენების დღეებში ალაგებს, მაგრამ უმჯობესია ეს საქმე სხვა დროისთვის გადადოთ.
- სამშაბათი და ოთხშაბათი – ეს დღეები სახლის დასალაგებად იდეალურია. ყველაფერი შეგიძლიათ გააკეთოთ: რეცხვა, დაუთოება, მტვერსასრუტით მოწმენდა, იატაკის და ფანჯრების წმენდა, ნივთების დახარისხება. თუ შესაძლებლობა გაქვთ, ბინა კვირის ამ დღეებში დაალაგეთ.
- ხუთშაბათი – ამ დღეს დალაგება შეიძლება, მაგრამ უმჯობესია, რომ მტვერსასრუტის გამოყენებაზე უარი თქვათ. ან სხვა დღისთვის გადადეთ ან ცოცხი გამოიყენეთ. გარდა ამისა, სპეციალისტები გირჩევენ, რომ ხუთშაბათი ფანჯრების და იატაკის წმენდას დაუთმოთ. ამბობენ, რომ ასე სიტუაციიდან გამოსავალს მარტივად იპოვით.
- პარასკევი – პარასკევს უმჯობესია, რომ შენობის განიავებაზე იზრუნოთ. ასე ოჯახში პოზიტიურ ენერგიას მოიზიდავთ. ფანჯრები ფართოდ გააღეთ.
- შაბათი – ზოგი თვლის, რომ შაბათს სახლის დალაგება მკაცრად აკრძალულია, მაგრამ ასე არაა. იდეალური დღეა, რომ მთელმა ოჯახმა სახლის გენერალურ დალაგებაში მონაწილეობა მიიღოს. ასე ერთად დროს სასიამოვნოდ გაატარებთ და უფრო შეიკვრებით.
სახლში დადებითი ენერგია რომ მოიზიდოთ და ნეგატივი მოიშოროთ, ფენშუის მიმართეთ. სპეციალისტები გირჩევენ, რომ სახლის გენერალური დალაგება კლებად მთვარეზე დაიწყოთ. კეთილდღეობის მოსაზიდად დალაგების დროს დინამიური მუსიკა ჩართეთ.
გახსოვდეთ, რომ მტვერი და ჭუჭყი არა მხოლოდ ჯანმრთელობას, არამედ სახლის ენერგეტიკას აზიანებს. ბინა მოცემული რჩევების გათვალისწინებით რეგულარულად გაწმინდეთ, უსარგებლო ნივთები გადაყარეთ და ეს მსუბუქი გულით გააკეთეთ. ფენშუის მიხედვით სახლის დალაგება შესანიშნავი გადაწყვეტილებაა, თუ კეთილდღეობის და წარმატების მოზიდვა გსურთ.
