კაკლის ნაჭუჭი ბევრ ბიოაქტიურ ნივთიერებას შეიცავს, ამიტომ ფრთხილად უნდა გამოიყენოთ. გონიერი მებოსტნეები გვიზიარებენ გამოცდილებას, თუ რამდენად სასარგებლო შეიძლება იყოს ნიგვზის ნაჭუჭი, როგორც სასუქი. ცნობილი გახდა, როგორ ეხმარება ოთახის მცენარეს ზრდაში. ეფექტი საოცარია! გამოცდილი მებოსტნეები გვირჩევენ, რომ კაკლის ნაჭუჭი მცირე დოზით გამოვიყენოთ. როცა დადებით შედეგს დაინახავთ, შეგიძლიათ მისი გამოყენების სფერო გააფართოოთ.
ეფექტურია თუ არა ნიგვზის ნაჭუჭი სასუქად
კაკლის ნაჭუჭი ბოსტანში – როცა ნიგოზს ჭამთ, გახსოვდეთ, რომ ეს მთელი სარგებელი არაა, რომელიც მისგან შეგიძლიათ მიიღოთ. ნაჭუჭი არ გადააგდოთ, არამედ გონივრულად გამოიყენეთ. აღსანიშნავია, რომ სასუქად შესანიშნავია. ნიგვზის ნაჭუჭი მიწას აფხვიერებს. ამისთვის მაქსიმალურად დააქუცმაცეთ. 2 ჭიქა ნაჭუჭის ფხვნილი 1 კვადრატულ მეტრ ნაკვეთს დაუმატეთ.
გამოცდილი მებოსტნეების რჩევები – ნიგვზის ნაჭუჭი იმის მიხედვით დააქუცმაცეთ, თუ სად აპირებთ გამოყენებას. მსხვილი ნატეხები პომიდვრის დარგვისას დრენაჟად გამოგადგებათ. ნიგვზის ნაჭუჭი ხეხილის და დეკორატიული კულტურის გასაზრდელად შეგიძლიათ გამოიყენოთ. შედეგი ყველა მოლოდინს გადააჭარბებს.
ნერგების დარგვა – გამოცდილი ფლორისტების თქმით, დაქუცმაცებული ნაჭუჭი უნდა გამოიყენოთ იმისთვის, რომ მიწაზე სარწყავი წყლისგან არ წარმოიქმნას ქერქი, რომელიც ძალიან მყარი შეიძლება იყოს. ამ შემთხვევაში ნატურალური დანამატი ქოთანში მიწას დაუმატეთ. გადარგვისას მისი გამოყენების არ შეგეშინდეთ. ყვავილების ქოთნის ძირში 5 სმ სიმაღლის ფენად ჩააწყვეთ. მნიშვნელოვანია! ორქიდეას შემთხვევაში მაქსიმალურად დაქუცმაცებული ნაჭუჭი გამოიყენეთ ან ამობურცული ნაწილები ზემოთ მოაქციეთ.
როგორც ხედავთ, ბოსტანში გაშენებული კულტურებისა და ოთახის მცენარეებისთვის შეუცვლელია. თუ გარისკვა და ბოსტნეულის სასუქად ახალი ნაჭუჭის გამოყენება არ გსურთ, მაშინ კომპოსტის ორმოს დაუმატეთ. ნებისმიერ შემთხვევაში მცენარეზე დადებითად იმოქმედებს.
