მომავალმა დედამ თავისი ამბავი ფორუმზე გააზიარა და ბევრი განსხვავებული აზრი მოისმინა. ფსიქოლოგის კომენტარსაც გიზიარებთ.
28 წლის ირინა 25 კვირის ორსულია და პრობლემა აქვს: ქმარი, მიხეილი, დაჟინებით ითხოვს, რომ ქალიშვილს ნინა დაარქვას. თითქოს ამაში ცუდი არაფერია, ლამაზი სახელია, მაგრამ სწორედ ასე ერქვა ქმრის ყოფილ შეყვარებულს. მომავალი მამა არც მალავს, რომ ქალიშვილს სახელი მის საპატივცემულოდ სურს დაარქვას. უფრო ზუსტად, მისი ხსოვნისთვის, გოგონა ცოცხალი აღარაა.
ირინას ქმარი და ნინა 3 წელი ერთმანეთს ხვდებოდნენ, როცა ის მხოლოდ 22 წლის იყო. ირინამ არ იცის, რატომ დაშორდნენ, მაგრამ ქმარი ყოველთვის არწმუნებდა, რომ ნორმალური მეგობრული ურთიერთობა შეინარჩუნეს. დაშორებიდან 3 თვის შემდეგ გოგონა ავტოავარიაში დაიღუპა. ირინამ იცის, რომ მეუღლემ ეს ტრაგედია მძიმედ გადაიტანა. როგორც ჩანს, დღემდე ვერ დაივიწყა. „ორსულობის მე–20 კვირას გავიგე, რომ გოგო გვეყოლება. სახელებს მანამდეც ვარჩევდით, ბიჭისა და გოგოსთვის ვარიანტები შევარჩიეთ. თითქოს ავირჩიეთ ის, რომელიც ორივეს გვაწყობდა. გუშინ გამაოგნა. გადაწყვიტა, რომ ქალიშვილს ნინა დაარქვას. ამბობს, რომ ლამაზად ჟღერს“ – ყვება მომავალი დედა.
ირინას თქმით, ქმრის დახმარებას და მხარდაჭერას ყოველთვის ცდილობდა. ყოფილი შეყვარებულის საფლავზეც ერთად წავიდნენ. „ჩემი დაქალები ამბობენ, რომ ეს უცნაური და არანორმალურია, რომ ყოფილი თითქოს დღემდე ჩვენ გვერდითაა. ვთვლი, რომ ქმარს ნებისმიერ სიტუაციაში მხარი უნდა დავუჭირო. თუ ცხოვრების ამ პერიოდზე საუბარი მისთვის მნიშვნელოვანია, უყურადღებოდ არ დავტოვებ. ახლა ხომ ჩემთანაა, პირველ შვილს ველოდებით“ – თვლის გოგონა. ამასთან არ მალავს, რომ მისი იდეა ქალიშვილის სახელის შესახებ არ მოსწონს. „თუ გინდათ თქვით, რომ ეჭვიანობა, გაუგებრობაა, მაგრამ არ მომწონს. ბოლოს და ბოლოს, როგორ ავუხსნი ქალიშვილს, საიდან გაჩნდა მისი სახელი“ – ფიქრობს ირინა.
ფორუმზე, სადაც მომავალმა დედამ თავისი ისტორია გააზიარა, უმეტესობა მას მხარს უჭერს: ნამდვილად უცნაური იქნება, თუ ყოველდღე ქალიშვილის სახელის დაძახებისას დედას ქმრის ყოფილი შეყვარებული გაახსენდება. ასე ხომ ქმარი ტრაგედიას მალე ვერ დაივიწყებს. დროა, რომ წარსული წარსულში დარჩეს. ირინას მიმართ უბრალოდ უსამართლოა. „დარგე ხე და დაარქვი ყოფილის სახელი. ან ძაღლი, კატა შეიძინეთ, მაგრამ სხვა ქალის შვილს მისი სახელი დაარქვა, ზედმეტია“. „სრული უფლება გაქვს უარი თქვა. ეს იმას არ ნიშნავს, რომ მისი მხარდაჭერა არ გსურს და მისი ყოფილის ხსოვნას შეურაცხყოფ. უბრალოდ ოჯახს იცავ“. „გარდაცვლილი ყოფილი დედის სახელი დამარქვეს და ეს ცუდი იდეაა: მშობლები მთელი ბავშვობა ამის გამო კამათობდნენ, მამა ვერ ეგუებოდა, მისთვის ეს წამება იყო“.
ფსიქოლოგი გიამბობთ, როგორ შეიძლება გააფუჭოს ბავშვის ცხოვრება უჩვეულო სახელმა. პირველ რიგში, უნდა გესმოდეთ, რატომ განვითარდა ეს სიტუაცია და რა სიმბოლოს დებს ამაში მიხეილი. რისი თქმა სურს ქალიშვილზე გარდაცვლილი შეყვარებულის სახელის დარქმევით? რაში სჭირდება? როგორც წესი, ეს ემოციურად არასრულ ურთიერთობაზე საუბრობს, როცა ფსიქიკამ წარსული ვერ გაუშვა. ჩნდება კითხვა: რა გავლენას ახდენს ეს დღევანდელ ურთიერთობაზე? ამ შემთხვევაში გამოდის, რომ დაუსრულებელი ურთიერთობა ქალიშვილზე გადადის. წყვილში მესამე პირი ჩნდება. ქალიშვილის დედამ, რომელიც ქმრის წარსულ ურთიერთობასთან კავშირს გრძნობს, ამ მიზეზით ქალიშვილზე უარყოფითი ემოციები შეიძლება გამოავლინოს, რაც კონფლიქტს გამოიწვევს. დედა მასში კონკურენტს დაინახავს. ასეთი ჩანაცვლება კარგად არ მთავრდება. ეს არა მხოლოდ კონკრეტულ შემთხვევას, არამედ სხვა რიგს ეხება. მაგალითად, როცა ბავშვს უეცრად გარდაცვლილი ნათესავის ან ბავშვის სახელს არქმევენ. ეს კეთდება იმისთვის, რომ ტკივილი შეამცირონ, წუხილი აღარ იგრძნონ და მისი „შემცვლელის“ კონტაქტით გარდაცვლილთან ემოციური კავშირი შეინარჩუნონ.
