წყვილის ურთიერთობაში ასაკობრივი სხვაობა ის მომენტია, რომელსაც ყურადღების მიქცევა შეუძლია. საზოგადოება მიჩვეულია ადამიანების კავშირს, რომლებიც ასაკით ერთმანეთს მეტ–ნაკლებად შეეფერებიან. პარტნიორიდან ერთ–ერთი შეიძლება ცოტა უფროსი, უმცროსი იყოს ან ქალი და კაცი თანატოლი იყოს. რა თქმა უნდა, წესიდან გამონაკლისიც არსებობს. მაგალითად, ამ წყვილის ასაკობრივი სხვაობა მთელი 37 წელია!
ასაკობრივი სხვაობა ურთიერთობაში – შერილ მაკგრეგორი და კორან მაკკეინი უკვე დაინიშნენ. მათ არ აღელვებთ, რომ ქალი უკვე 61 წლისაა, ხოლო კაცი მხოლოდ 24 წლის. როცა წყვილმა სოციალურ ქსელში ნიშნობა გამოაცხადა, სიძულვილის ტალღა მიიღო. ქსელის მომხმარებლებმა მსგავსი რამ გადანამეტად მიიღო. შეყვარებულებს ინტერნეტში უცნობების ცუდი კომენტარები არ აღელვებთ.
ოდიოზური პიროვნება – შერილმა კორანი მაშინ გაიცნო, როცა ის 15 წლის მოზარდი იყო. ახალგაზრდა რესტორანში მუშაობდა, რომელსაც შერილის ვაჟი მართავდა. უნდა ითქვას, რომ ქალს უკვე 7 შვილი და 17 შვილიშვილი ჰყავს. ის კორანის ღვიძლ ბებიაზე მხოლოდ 6 წლით უფროსია, ხოლო შერილის ყველაზე უმცროსი ქალიშვილი მომავალ მამინაცვალზე უფროსია. წყვილის გაცნობის მომენტიდან დიდი დრო გავიდა. კორანი საოცრად ახალგაზრდა იყო და წყვილს შორის სიმპათია არ ყოფილა. 2022 წელს წყვილი ერთმანეთს ისევ შეხვდა. შერილი მოლარედ, ხოლო კორანი დაცვაში მუშაობდა. მაშინ მიხვდნენ, რომ მათი ურთიერთობა სულ სხვა დონეზე შეიძლება გადავიდეს. თავიდან ორივე განიცდიდა, შეიძლებოდა თუ არა მათი საერთო მომავლის შექმნა. კორანი ხომ შერილის ყველა შვილზე უმცროსი იყო. „პაემანზე დავდიოდით და ვუთხარი, რომ მის მიმართ გრძნობა მქონდა. საბედნიეროდ, საპასუხო გრძნობით მიპასუხა“ – უთხრა ჟურნალისტს კორანმა. დანიშვნამდე 1 წელი ერთმანეთს ხვდებოდნენ.
გულწრფელი გრძნობა – შერილი და კორანი საკუთარ შვილებზე ოცნებობენ. სამწუხაროდ, ქალს ასაკი საკუთარი ჯანმრთელობის გარისკვის უფლებას არ აძლევს. წყვილი სუროგატ დედას აქტიურად ეძებს. კორანი თვლის, რომ მათ სჭირდებათ ლამაზი ქალი, რომელიც შემდეგ პრეტენზიებს არ წამოაყენებს. ახალდაქორწინებულებს გულწრფელად სურთ შვილი და არა ცუდი სახელი დიდი ასაკობრივი თემის ფონზე. წყვილისთვის პრობლემა არაა, რომ ისინი განსხვავდებიან. კორანმა შერილის ახალგაზრდა გული დაინახა. არ აინტერესებს, რას ამბობენ მოძულეები. გარდა ამისა, ახალგაზრდა დარწმუნებულია, რომ შერილზე მემკვიდრეობის, ფულის ან მისი ქონების გამო არ დაქორწინებულა. მისი გრძნობა ნამდვილი და გულწრფელია.
შეყვარებული წყვილის ასაკობრივი სხვაობა – ორივე პარტნიორი რთულ სიტუაციას ადეკვატურად აფასებს. „მესმის, რომ ისე დიდხანს ვერ ვიცხოვრებ, როგორც კორანი. მაგრამ მისი მჯერა. ზრდასრული და პასუხისმგებელი ადამიანია. ვიცი, რომ შესანიშნავი მამა იქნება და ჩვენს შვილს სწორად გაზრდის“ – ამბობს შერილი. წყვილი ინტერნეტში მათი ოცნების და დიდი ასაკობრივი სხვაობის გამო ცნობილი გახდა. კორანი და შერილი TikTok-ისთვის ვიდეოებს იღებენ, სადაც მომავალ ბავშვთან შეხვედრის მოლოდინებს აზიარებენ. შეყვარებულები ყველგან კრიტიკას იღებენ. კორანი ამბობს, რომ შერილს ზოგიერთმა შვილმა ზურგი აქცია. ვერ მიიღეს, რომ დედამ ახალგაზრდა შავკანიან კაცთან შეუღლება გადაწყვიტა.
ასაკობრივი სხვაობა შერილისა და კორანის ურთიერთობაში ნამდვილად დიდია. შეგახსენებთ, რომ ისინი ამისკენ წლები მიდიოდნენ. გარდა ამისა, წყვილს ყოველდღე უზარმაზარ სიძულვილთან გამკლავება უწევს. და მაინც, მიზნისკენ თავდაჯერებულად მიიწევენ. ამ შეუპოვარ და თავდაჯერებულ ხალხს ბედნიერ საერთო მომავალს ვუსურვებთ.
