უცნაურია, მაგრამ ზრდასრულ ქალს ახალგაზრდებზე მეტი უპირატესობა აქვს. ამის შესახებ მსახიობი ჯოდი ფოსტერი საუბრობს. ამბობს, რომ კვლავ 20 წლის სულელ გოგოდ ყოფნა არ სურს. ასაკთან ერთად ქალი იგებს სიყვარულის სიბრძნეს და მის მთავარ წესს „პირველ რიგში დააფასე საკუთარი თავი და არა კაცი“.
სიყვარულის სიბრძნე, რომლის შესახებ მხოლოდ ზრდასრულმა ქალებმა იციან
- სხეული ნებისმიერი ფორმით ლამაზია – ბუნებამ ახალგაზრდა გოგოს უპირატესობა მიანიჭა. ესაა მოხდენილი სხეული, ახალგაზრდა და გლუვი კანი. და მაინც, ახალგაზრდა ქალი იდეალური ფორმების მიღწევას ცდილობს: სავარჯიშო დარბაზი, დიეტა, კოსმეტიკა, ტანსაცმელი, რომელიც მის ღირსებებს ხაზს უსვამს. ასაკში ქალი ხვდება, რომ სხეულის მადლობელი უნდა ვიყოთ მისი მუშაობისთვის, მასზე ვიზრუნოთ და გავუფრთხილდეთ. არ დასაჯოთ საკუთარი თავი ზედმეტი ნამცხვრის გამო, რომელსაც კუჭი ითხოვდა, ან ვარჯიშის ნაცვლად მთელი საღამო დივანზე წოლისთვის. არის მუშაობის დრო და დასვენების დრო, რომელიც ასევე მნიშვნელოვანია. ზრდასრული ქალი საკუთარ თავს არასრულფასოვნებას პატიობს. მისი სხეული მას ეკუთვნის და მთავარია, რომ თავად მოსწონდეს. საზოგადოების აზრი მეორეხარისხოვანია. იგივე ეხება კაცს. ნამდვილი სიყვარულისთვის მნიშვნელობა არ აქვს 50 კგ–ს იწონით თუ 80-ს.
- მეგობრები დააფასეთ – დარწმუნებული ვართ, რომ ქალების მეგობრობა ტყუილად არ არსებობს. ეს ორი მონათესავე სულის ყველაზე ძლიერი და საიმედო კავშირია. მეგობრებთან ერთად შეგიძლიათ იტიროთ და იცინოთ. ისინი ნებისმიერ სიტუაციაში მხარს დაგიჭერენ. ქალი მეგობრებთან შეიძლება უფრო ახლოს იყოს, ვიდრე მამაკაცთან. მამაკაცი შეიძლება წავიდეს ან გიღალატოს, მაგრამ ერთგული მეგობარი – არასდროს. მით უფრო, კაცთან ყველაფერს ვერ განიხილავთ. გრძნობა, ემოცია, ფარული განცდა – ამ ყველაფრის გაგება მხოლოდ ქალს შეუძლია. ნაკლებად სავარაუდოა, რომ კაცმა ქალის მიერ განცდილი გრძნობების გრამი მაინც გაიგოს.
- მზრუნველი პარტნიორი სჯობს, ვიდრე ლამაზი საყვარელი – ახალგაზრდობაში გარეგნობას დიდ ყურადღებას ვაქცევთ. ლამაზი თმა, მომხიბვლელი ღიმილი, ჩაღრმავება ლოყაზე და უძირო თვალები გვიზიდავს. მაგრამ რა იმალება ამის მიღმა? თვითკმაყოფილი მექალთანე ან სასტიკი ეჭვიანი? ასაკოვანმა ქალმა იცის, რომ გარეგნობა მთავარი არაა. მნიშვნელოვანია, რომ პარტნიორი მზრუნველი, ბრძენი და ერთგული იყოს. გარეგნობის შეცვლა სტილით და თავის მოვლით შეიძლება.
- კამათი ურთიერთობის დასასრული არაა – კონფლიქტი ნებისმიერი ურთიერთობის ბუნებრივი ნაწილია. ხშირად სასარგებლოც არის. საშუალებას გვაძლევს, ყველაფერი ვთქვათ, რაც დაგროვდა, დასკვნები გავაკეთოთ და ერთად სვლა გავაგრძელოთ. ახალგაზრდობაში უფრო იმპულსურები ვართ. ასაკთან ერთად ქალი იგებს სიყვარულის მთავარ სიბრძნეს: არ ღირს ჩემოდნების ჩალაგება, როგორც კი რაღაც ისე არაა, როგორც სურს. სიყვარულს თავის აღმასვლა და ვარდნა აქვს. არ იდარდოთ, როცა კრიზისული ეტაპი იწყება. ეს თქვენი ურთიერთობის გაუმჯობესების დროა.
- საკუთარ თავთან ურთიერთობა უფრო მნიშვნელოვანია, ვიდრე მამაკაცთან – ცხოვრებაში რამდენიმე მამაკაცი შეიძლება გყავდეთ, მაგრამ თქვენ ერთი ხართ. უფრო მნიშვნელოვანია, რომ საკუთარ თავთან ჰარმონიაში იყოთ. სულის სიმშვიდე, საკუთარი ემოციების და ხასიათის მიღება ასაკთან ერთად მოდის. საკუთარ თავზე მუშაობა არასოდეს მთავრდება.
ასაკი გარანტია არაა, რომ ქალი ბრძენია. თქვენ შეიძლება ცხოვრება 20 წლისას შეისწავლოთ. ზოგი 40 წლისას მიამიტი ქალი რჩება. როგორც წესი, ქალბატონების უმრავლესობა, რომლებიც ფიზიკურად და ემოციურად მოწიფული არიან, ზემოთ აღწერილ წესებს იცავენ.
