საუკეთესო დიასახლისის სახლშიც შეგიძლიათ იპოვოთ ადგილი, რომელსაც დალაგებისას ხელს ყველაზე ბოლოს ვავლებთ. მატრასი ერთ–ერთი მათგანია. იმის მიუხედავად, რომ ადამიანების უმრავლესობა მასზე დიდ დროს ატარებს, მხოლოდ ერთეულები წმენდენ რეგულარულად. ამავდროულად, თეთრეულზე ნამცეცები, თმა გროვდება და სხვადასხვა ლაქები წარმოიქმნება. ასევე უსიამოვნო სუნი ჩნდება. ამ პრობლემებს ძვირადღირებული ქიმიის გარეშე შეგიძლიათ გაუმკლავდეთ. ამისთვის Vivien ეფექტური საშუალებების ნაკრებს გთავაზობთ. ასე აღარ მოგიწევთ მკითხაობა, როგორ გაწმინდოთ მატრასი ყვითელი ლაქებისგან სწრაფად და ბიუჯეტურად. ამ კითხვაზე პასუხი უკვე გაქვთ. ამ მეთოდებით ჭუჭყიან მატრასს და სუნს დაივიწყებთ. ასე ახალივით იბრწყინებს. მთავარია, რომ ინსტრუქციაში მითითებული პროპორციები დაიცვათ. მატრასი ახალივით იქნება.
როგორ გავწმინდოთ ლეიბი ყვითელი ლაქებისგან
პირველი საშუალება
ინგრედიენტები:
- 4 ს/კ სოდა
- 250 მლ წყალბადის ზეჟანგი
- რამდენიმე წვეთი თხევადი საპონი
მომზადების წესი:
- სოდა და 3%–იანი წყალბადის ზეჟანგი ღრმა თასში აურიეთ. თხევადი საპონი დაუმატეთ. ერთგვაროვანი მასის მიღებამდე კარგად აურიეთ.
- მზა ნარევი პულვერიზატორში ჩაასხით. კარგად შეანჯღრიეთ. მატრასზე ჭუჭყიანი ადგილები დაამუშავეთ.
- ნარევის გაშრობას დაელოდეთ. ჯაგრისით გახეხეთ. ესეც ასე, მატრასი კვლავ თეთრია!
მეორე საშუალება
ინგრედიენტები:
- 200 გ სოდა
- 6 წვეთი ეთერზეთი
მომზადების წესი:
- სოდა და ეთერზეთი, რომლის სუნიც ყველაზე მეტად მოგწონთ, აურიეთ.
- მიღებული ნარევი საცერის გამოყენებით მატრასის გაყვითლებულ ნაწილს წაუსვით და 1 საათით გააჩერეთ.
- საწმენდი საშუალების ნარჩენი მტვერსასრუტით მოაშორეთ. ლაქები გაქრება და მატრასი ახალივით იქნება. გარანტირებულია!
მესამე საშუალება
ინგრედიენტები:
- 0,25 ჭიქა თეთრი ძმარი
- 0,5 ჭიქა სოდა
- 3 ს/კ წყალბადის ზეჟანგი
მომზადების წესი:
- მატრასის ჭუჭყიან ადგილებს სოდა მოაყარეთ. თეთრი ძმარი მოასხით.
- საწმენდით დამუშავებული ადგილები ჯაგრისით ან მტვერსასრუტით გაწმინდეთ.
- ღრუბელი წყალბადის ზეჟანგში დაასველეთ და ყველაზე ჭუჭყიანი ადგილები დაამუშავეთ.
- მატრასი გააშრეთ და ქუჩაში გაანიავეთ. ლაქების კვალიც არ დარჩება!
საუკეთესო რჩევები – თუ მატრასზე ლაქა ახალია, დროულად მოიშორეთ, სანამ გახმება.
- ტუჩსაცხის ლაქა. სპირტით მოაშორეთ. ლაქას კარგად წაუსვით, შემდეგ სველი ღრუბლით გახეხეთ.
- წითელი ღვინის ლაქა. ამ რთულ შემთხვევაში მარილი დაგეხმარებათ. ლაქას მოაყარეთ. რამდენიმე წუთით მოიცადეთ, შემდეგ მტვერსასრუტით გაწმინდეთ.
- ყავის ლაქა. სპეციალური ხსნარით მოაშორეთ. 1 ჭიქა სუფთა წყალში 1 ჩ/კ ნიშადურის სპირტი გააზავეთ. სითხე ლაქას წაუსვით და 6-7 წუთში სველი ღრუბლით მოაშორეთ.
ამ ეფექტური მეთოდებით საძინებელს მოაწესრიგებთ. მასზე დაძინება სიამოვნებაა.
