ჩემს მეზობელს, რომელიც თავგადაკლული მეყვავილეა, კალანჰოეს ასაყვავებლად რჩევები ვკითხე. ბევრს აქვს სახლში კალანჰოეს ქოთანი, რომელიც ვარდისფერი, წითელი, ყვითელი და ზოგჯერ თეთრი ყვავილებით ყვავის. კალანჰოემ სხვადასხვა მიზეზით ყვავილობა სამუდამოდ შეიძლება შეწყვიტოს. Vivien გასწავლით, როგორ იზრუნოთ მზიან მცენარეზე, რომ უხვად აყვავილდეს.
კალანჰოე უპრეტენზიო მცენარეა, რომელიც ყვავილების მაღაზიაში მთელი წელი იყიდება. სამხრეთ მხარე უყვარს. მთელი წელი ყვავილობს, თუ სწორად იზრუნებთ. შეიძლება იყოს ფოთლოვანი, ცოცხლადმშობი, სამკურნალო და ყვავილოვანი. ორი სახის ყვავილოვანი კალანჰოე გვხდება: მარტივი და ბუთხუზა ყვავილებით. აყვავებული კალანჰოე ყვავილობის პერიოდში სხვა ქოთანში არ გადარგოთ. ჯერ ყვავილობის დასრულებას დაელოდეთ. ზედმეტად მორწყვას სჯობს წყალი დააკლდეს და გამოშრეს. კვირაში ერთხელ მორწყვა საკმარისია. მიწის მორწყვის ნაცვლად სჯობს წყალი სადგამზე დაასხათ.
კალანჰოეს ჭკნობის ერთ–ერთი მიზეზი არასწორად შერჩეული მიწაა. დრენაჟის ფენა ქოთნის ძირში აუცილებლად სჭირდება. კალანჰოე სუკულენტია, ამიტომ კაქტუსის ან სუკულენტის მიწა გამოგადგებათ. ყვავილი ნებისმიერ ოთახში (საძინებელი, საბავშვო, სამზარეულო) შეგიძლიათ გაიტანოთ, თუ მზის სინათლით კარგად განათებულია.მისი ყვავილობის საიდუმლო სწორი გასხვლაა. ყვავილობის შემდეგ ყვავილები და ფოთლები მოაჭერით. ამ პროცესს ადვილად იტანს და ყვავილობას სტიმულირებს. ზემოთ ზრდის შემთხვევაში შეიძლება ყვავილობა შეაჩეროს.
მცენარეს ყვავილობის შემდეგ დასვენება სჭირდება. ტოტების ზედა ნაწილები მოაჭერით. მხოლოდ პატარა ბუჩქი დატოვეთ. ნაკლებად მორწყეთ და სასუქი აღარ მიაწოდოთ.კაშკაშა მზის შემთხვევაში ფანჯრის რაფიდან აიღეთ და მოშორებით დადეთ. ღამით გრილი ტემპერატურა სჭირდება, მაქსიმუმ 25 გრადუსი. შემდეგ დღის სინათლე მთელი თვით შეამოკლეთ. დღეში დაახლოებით 10 საათი დღის სინათლე სჭირდება. ზაფხულში 16-17 საათი დღის სინათლეა, ამიტომ ეს კალანჰოეზე ცუდად აისახება. მცენარეს მხოლოდ 9-10 საათით სინათლეზე წვდომა უნდა ჰქონდეს.
ამბობენ, რომ კალანჰოე ოთახში ჰაერს წმენდს და პათოგენებს ანადგურებს. მფლობელს ძალას და მხნეობას მატებს, გამოფხიზლებაში ეხმარება. ახლა იცით, როგორ იზრუნოთ კალანჰოეზე, რომ უხვად აყვავილდეს.
