ყოველ წელს დედა ბუგრებთან ბრძოლას აჩაღებს. მავნებელი არა მხოლოდ ვარდებს, არამედ მოცხარის, ხურტკმელის ბუჩქებს იკავებს. ბუგრებთან ბრძოლა ისეთი რთული არაა, როგორც შედეგის შენარჩუნება. ცოტამ თუ იცის, როგორ ებრძოლოს ბუგრებს ვარდის ბუჩქებზე სწორად: ვიშორებთ ერთხელ და სამუდამოდ.ბუგრებით ხეხილიც ზიანდება. მამა ხეებს საკუთარი ხელით მომზადებული ძლიერი ნარევით ნამავდა. გამოცდილი ხალხი გვირჩევს, რომ ბუჩქებისთვის უფრო ნაზი მეთოდი გამოვიყენოთ. მაგალითად, რძესა და იოდზე დაფუძნებული ხსნარი.
როგორ ვებრძოლოთ ბუგრებს ვარდებზე რძისა და იოდის დახმარებით? – დაგჭირდებათ სპრეის ბოთლი, 1 ლ წყალი, 200 მლ რძე და 25-30 წვეთი იოდი. საშუალო ცხიმიანობის რძე იოდს აურიეთ. ნარევი წყალში გააზავეთ. ხსნარი სპრეი ბოთლში გადაასხით და ბუგრებით დაზიანებული ვარდები და ბუჩქები დანამეთ.რა თქმა უნდა, ამ ხსნარში ყველაზე ძლიერი ინგრედიენტი იოდია. მისი წყალობით ხსნარი არა მხოლოდ ბუგრებს, არამედ სოკოვან დაავადებებს ებრძვის. მაგალითად, ფიტოფთორს და ნაცროვან სოკოს. სწორედ ამიტომ, ხსნარი პომიდვრის დასანამად შეგიძლიათ გამოიყენოთ.
სხვათა შორის, იცით თუ არა, რომ ჭიამაია ბუგრების დაუძინებელი მტერია? კიდევ ერთი მიზეზი, რომ საოცარი მწერი შეიყვაროთ. მან ყველაზე უკეთ იცის, როგორ ებრძოლოს ბუგრებს ვარდებზე. გქონიათ მსგავსი პრობლემა, როგორ უმკლავდებით?
