მომავალ ახალგაზრდა დედებს, მამებს, ბებიებს და ბაბუებს ლამაზი ნივთები იზიდავთ. ყველა ცდილობს, რომ მილიონი საშუალება იყიდოს ან აჩუქოს. ლოგიკურად რომ ვიმსჯელოთ, რამდენი მათგანი დაგჭირდებათ რეალურად? რომელი ნივთებია დედისა და ახალშობილისთვის აუცილებელი? რა არის აბსოლუტურად უსარგებლო?რა თქმა უნდა, არანაირი ვიტამინის ან დანამატის შეძენა თვითნებურად. ეს საკითხი ექიმთან აუცილებლად უნდა განიხილოთ. თუ სპეციალისტი ამა თუ იმ მედიკამენტს გირჩევთ, მაშინ საკითხი დახურულია. მიმზიდველ რეკლამებს არ დაუჯეროთ და ურეცეპტოდ არაფერი შეიძინოთ.
აქვე შედის ლიტერატურა ორსულებისთვის და ყოველგვარი წრეები მომავალი მშობლებისთვის. წიგნები ყურადღებით შეისწავლეთ, რომ უსარგებლო რჩევებზე ნერვები და ფული არ დახარჯოთ. წიგნის შეძენამდე მათ, ვინც უკვე დედაა, ან ექიმს რჩევა ჰკითხეთ. ასე სასარგებლო წყაროს პოვნას შეძლებთ.სადავო საკითხებია სტრიების საწინააღმდეგო საშუალება და ბევრი საბავშვო ტანსაცმელი. პატარები ძალიან სწრაფად იზრდებიან, ბევრის ჩაცმას ვერც მოასწრებთ. მით უფრო, პატარა შეიძლება ნამდვილი ცეროდენა ან გიგანტი დაიბადოს. აქ, ვერ გამოიცნობთ. როგორც სტრიების კრემთან. ზოგს დაეხმარა, ზოგს სტრიები თითქმის არ აქვს. ყველაფერი ინდივიდუალურია.
თანამედროვე დედები ხშირად კამათობენ საწოლზე ბალდახინით. ზოგს ასეთი კონსტრუქცია მოსწონს. ასე შეგიძლიათ პატარა მწერებისგან დაიცვათ. ზოგჯერ მათგან თავის დასაცავად მწერების ბადეც ვერ გვშველის. მაქმანიანი ბადე ბავშვის საწოლზე მწერებისთვის დამატებითი დაბრკოლება ნამდვილად გახდება. ბევრი დარწმუნებულია, რომ ეს ბადე ჩვეულებრივი მტვრის შემგროვებელია, რომელიც ალერგიას იწვევს.გაუგებარია, სჭირდება თუ არა მომავალ დედებს სპეციალური ჩანთა ან ზურგჩანთა. ასეთ ჩანთაში ათი ჯიბე მაინც არის თითოეული ნივთისთვის, რომ ყველაფერი სწრაფად და მარტივად იპოვოთ. ნამდვილად ისეთი პრაქტიკულია, როგორც რეკლამები და საბავშვო მაღაზიები გვპირდებიან? საეჭვო მომენტია. აქ, ყველა დედამ თავად უნდა გადაწყვიტოს. მოსახერხებელია ჩვეულებრივი ჩანთა ან ზურგჩანთა, რომელსაც 1–2 განყოფილება აქვს ან აუცილებლობის შემთხვევაში შეგიძლიათ სპეციალური დედის ჩანთა შეიძინოთ.
ახალგაზრდა დედებს ეჭვი ეპარებათ სლინგის და კენგუროს ყიდვის აუცილებლობაში. გაითვალისწინეთ, რომ ეტლს ყველგან ვერ წაიღებთ. აქ, ზემოთ ხსენებული ნივთები გამოგადგებათ, მაგრამ ხარისხზე არ დაზოგოთ, თუ ყიდვა გადაწყვიტეთ. არ დაგავიწყდეთ, რომ იაფი ნივთი წარმოუდგენლად მაგარი და სასარგებლო ვერ იქნება.ახალგაზრდა მშობლებს სურთ, რომ მათ პატარას ყველაფერი საუკეთესო ჰქონდეს. ეს ლოგიკურია, ოღონდ ბევრი ნივთის შეძენაზე ფულის დახარჯვა მოგიწევთ. ორი კურდღლის დაჭერის ნაცვლად თითოეული შენაძენი კარგად აწონდაწონეთ. მაგალითად, ავტოსავარძელი შეიძინეთ, რომელიც სპეციალური ადაპტერით შეგიძლიათ ბორბლებზე დაამაგროთ. სასარგებლოა? მეტნაკლებად.
პატარების სკამებიც მრავალფუნქციური შეიძლება იყოს. ზოგიერთი შეგიძლიათ აკვნად გადააკეთოთ, ზოგიერთი უბრალოდ იკეცება და ჩვეულებრივი სკამის როლს ასრულებს. ყურადღება მიაქციეთ, რომ მაგიდას შეგიძლიათ სპეციალური კედლის ჯიბე დაამაგროთ. ასე ყველა აუცილებელი ელემენტი ხელთ გექნებათ და არა სადმე უჯრაში ან თაროზე.ზოგიერთი ნივთი შეიძლება უსარგებლო აღმოჩნდეს. მაგალითად, ბავშვის სალფეთქის გამათბობელი. ოთახის ტემპერატურის სალფეთქის გამოყენება სამარცხვინო არაა. ეს ფული რაიმე უფრო სასარგებლოში დახარჯეთ. მაგალითად, სათამაშო შეიძინეთ.
მრავალი სასარგებლო სტატია და რეკომენდაცია ვერ მიგანიშნებთ, რა გამოადგება ახალგაზრდა მშობელს ზუსტად და რა არა. ბავშვის დაბადება უჩვეულო სასწაულია, რომელსაც ყოველი დედა და ყოველი ოჯახი თავისებურად გადის. ამ რთული გზის გავლის და ფასდაუდებელი გამოცდილების მიღების შემდეგ ქალებს ამ საინტერესო კითხვაზე პასუხის გაცემა შეუძლიათ. თუ რა იყო მისთვის სასარგებლო და რისი შეძენა არ ღირდა.
