დღეს Vivien გიამბობთ, როგორ განკურნოთ თქვენი მიწა ყველა დაავადებისგან, თუ ვერც ერთი საშუალება დაგეხმარათ. დიახ, ასეთი რამ ხდება, როცა ნიადაგი ძლიერ დაინფიცირებულია.ახლა მიწის დასამუშავებლად იმდენი საშუალება მოიპოვება, რომ დათვლა შეუძლებელია. ყველა ისეთი კარგი არაა, როგორც შეფუთვაზე წერია. ზოგიერთ შემთხვევაში ერთი საშუალება შეიძლება დაგეხმაროთ, სხვა შემთხვევაში – არა. სწორედ ამიტომ, დღეს გიამბობთ, როგორ გამოიყენოთ ფორმალინი ამ საქმეში.ეს საშუალება მიწის დეზინფექციაში ყოველთვის დაგეხმარებათ. მან როგორც სოფლის მეურნეობაში, ასევე მეცხოველეობაში პოპულარობა უკვე დიდი ხანია მოიპოვა. რა თქმა უნდა, ფორმალინი მედიცინაში ჭრილობის სადეზინფექციოდ გამოიყენება. სათბურში ძალიან კარგად მოქმედებს. თუ სათბურში მიწის გაწმენდას ვერა და ვერ ახერხებთ, ფორმალინი გამოიყენეთ.ფიტოფთორი, ლპობა და სხვა დაავადებები აუცილებლად გაქრება. როგორ ჩავატაროთ დამუშავება? 40%–იანი ხსნარი გამოიყენეთ. 1 ჭიქა (200 მლ) 1 ვედრო წყალს დაუმატეთ. ეს საკმარისია, რომ სათბურში სარწყავიდან 3 მ² მიწა მორწყათ. მორწყულ მიწას ფირი დააფარეთ. 3 დღის შემდეგ ფირი მოხსენით და მიწა დაბარეთ.
გახსოვდეთ, რომ ასეთი დამუშავების შემდეგ სათბურს კარგად განიავება სჭირდება. სასურველია, რამდენიმე დღით. ახლა შემოდგომაა, სათბურში საქმე არაფერი გვაქვს, ამიტომ გააღეთ და გაანიავეთ. სწორედ ამიტომ, სჯობს მიწა ფორმალინით ახლა დაამუშავოთ.
