ზურგის, წელის და კისრის ტკივილი 21-ე საუკუნის ახალი ჭირი გახდა. როგორც წესი, ის ცუდი დგომის და ხანგრძლივად ერთსა და იმავე პოზაში ყოფნით (მაგალითად, კომპიუტერთან) არის გამოწვეული. დროთა განმავლობაში უსიამოვნო შეგრძნება შეიძლება ქრონიკული გახდეს და ცხოვრება სერიოზულად გაართულოს.

აუტანელი ტკივილის მოშორებას, ამასთან ნივთიერებათა ცვლის გაუმჯობესებას და სხეულის მოქნილობის გაზრდას ბოლო პერიოდში პოპულარული ფიტნესის სახეობით – სტრეტჩინგით შეძლებთ. ტერმინი ინგლისური სიტყვიდან stretch მოდის, რაც ითარგმნება, რომ „გაწელვა“, „გაჭიმვა“.

გულზე დატვირთვის არ არსებობის გამო სტრეტჩინგი ნებისმიერი ასაკისთვის უნივერსალურია. ის ორგანიზმში სისხლის და ლიმფის მიმოქცევას აუმჯობესებს, შედეგად კი ჭარბ წონასთან ბრძოლაში გეხმარებათ. სახსრების, იოგების და მყესების გაძლიერება, მათ ახალგაზრდობას ახანგრძლივებს და თავიდან აგაცილებთ ისეთ ასაკობრივ დაავადებებს, როგორიცაა ოსტეოქონდროზი და რადიკულიტი.

გასაწელი ვარჯიშები დამწყებთათვის

„ვივიენი“ გთავაზობთ მარტივი და ეფექტური გასაწელი ვარჯიშების კომპლექსს, რომელიც მასაჟისტთან ვიზიტს ჩაანაცვლებს, დაძაბულ კუნთებს მოადუნებს და სახლში, სპორტულ დარბაზში თუ ოფისში დაგეხმარებათ.

გაწელვა კისრისთვის

ვარჯიში „ბუ“

კისრის არეში სტერნოკლეიდომასტოიდური კუნთები გაჭიმეთ.

როგორ შევასრულოთ: ზურგი გამართეთ, თავი მარჯვნივ გადაწიეთ, ეცადეთ მარჯვენა მხარს შეეხოთ. თავი ასეთ მდგომარეობაში 30 წამით გააჩერეთ. შემდეგ ვარჯიში მეორე მხარეს შეასრულეთ. საუკეთესო ეფექტის მისაღებად თავი მარჯვენა ან მარცხენა ხელით მსუბუქად დაიჭირეთ.

გაწელვა კისრის უკანა ნაწილისთვის

ვარჯიში ტრაპეცის და კისრის კუნთების სავარჯიშოდ.

როგორ შევასრულოთ: საწყისი პოზიცია მჯდომარე. ხელები იდაყვებში მოხარეთ და ხელისგულები კეფაზე, კისრის ოდნავ ზემოთ დაიდეთ. ამ მდგომარეობაში ნიკაპი გულმკერდისკენ დახარეთ.

30 წამით გაჩერდით, შემდეგ ნელ-ნელა თავი ასწიეთ და ხელები დაუშვით. შეგიძლიათ მსუბუქი ზეწოლა მოახდინოთ და ხელისგულებით ქვემოთ დაწევა სცადოთ.

გაწელვა მხრების რკალისთვის

არწივის პოზა

ტრაპეცის და დელტასახოვან კუნთებს ჭიმავს.

როგორ შევასრულოთ: ხელები გვერდებზე გაშალეთ და შემდეგ თქვენს წინ ისე გადააჯვარედინეთ, რომ მარცხენა ხელის იდაყვი მარჯვენა ხელის ზემოთ იყოს, ხოლო ხელისგულები ზემოთ მიმართეთ.

თუ ხელისგულების შეერთება გიჭირთ: მარჯვენა ხელი მარცხენა მხარს დაადეთ, მარცხენა – მარჯვენას. იდაყვები იატაკის პარალელურად უნდა იყოს, ნიკაპი რაც შეიძლება მკერდთან ახლოს. ამ პოზაში 30 წამით გაჩერდით. ხელები შეცვალეთ და ვარჯიში კვლავ გაიმეორეთ.

გაწელვა ზურგის ზედა ნაწილისთვის

ზურგის ფართო კუნთის გაჭიმვა.

ჩართულია ზურგის ფართო კუნთი და ტრაპეცის კუნთი.

როგორ შევასრულოთ: მარჯვენა ხელი თავს ზემოთ ასწიეთ. იდაყვში მოხარეთ ისე, რომ მარჯვენა ხელი ზურგის ზედა ნაწილს ეხებოდეს. მარცხენა ხელი მარჯვენა ხელის იდაყვს დაადეთ და ფრთხილად მარჯვენა ხელი მარცხნივ გასწიეთ.

შემდეგ სხეული პირდაპირ ხაზით მარცხნივ მოხარეთ (დააკვირდით, რომ წინ ან უკან არ გადაიხაროთ). ამ პოზაში 20-30 წამით გაჩერდით, შემდეგ ვარჯიში მეორე მხარეს შეასრულეთ.

ვარჯიში „პეპლის ფრთები“

წელავს ზურგის ფართო კუნთებს, ასევე დიდ გულმკერდის კუნთს.

როგორ შევასრულოთ: ხელისგულები მხრებზე დაიდეთ (მარცხენა ხელისგული მარცხენა მხარეს და მარჯვენა ხელისგული მარჯვენა მხარეს). იდაყვები უკან გასწიეთ, თითქოს მათ შეერთებას ცდილობთ, სანამ ზურგის ზედა კუნთების ღრმა დაჭიმულობას არ იგრძნობთ. 5-10 წამით გაჩერდით. შემდეგ იდაყვები წინ გასწიეთ და თქვენ წინ შეაერთეთ. კიდევ 5-10 წამით გაჩერდით.

წელის გაწელვები

ვარჯიში „წვრილი თოკი“

ვარჯიში წელის არეში ტკივილს ამცირებს და კუჭის მუშაობას აუმჯობესებს. ზურგის ფართო კუნთებს და მუცლის ირიბ კუნთებს ჭიმავს.

როგორ შევასრულოთ: სკამზე დაჯექით ისე, რომ ტერფები იატაკზე დადებული გქონდეთ. ზურგი გამართეთ, მხრები ერთ მხარეს გასწიეთ. ყურადღება მიაქციეთ იმას, რომ სხეული მაქსიმალურად უმოძრაოდ იყოს. ამ მდგომარეობაში 30 წამით გაჩერდით და 5 სუნთქვის ციკლი შეასრულეთ.

გამეორება: 3-ჯერ თითოეულ მხარეს.

ვარჯიში „სუპერმენი“

ვარჯიშში ზურგის ფართო კუნთებია ჩართული.

როგორ შევასრულოთ: სავარჯიშო ხალიჩაზე სახით ქვემოთ დაწექით და ხელები თქვენს წინ გამართეთ. შემდეგ ხელები და ფეხები ერთდროულად ასწიეთ. თავი და ხელები გამართული გქონდეთ. 2 წამით გაჩერდით და საწყის მდგომარეობას დაუბრუნდით. 10-ჯერ გაიმეორეთ.

ასევე გორჩევთ გაეცნოთ აუცილებელ ვარჯიშებს, რომელიც ესაჭიროება ყველა 40 წელს გადაცილებულ ადამიანს.

ასევე, მუხლებისა და ფეხის ტკივილისას ძალიან დაგეხმარებათ სპეციალური ვარჯიშები აუცილებლად გაეცანით და ჩაინიშნეთ ისიც.

თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.