ზაფხულის პერიოდის მოლოდინში, უამრავი ქალი ცდილობს რამდენიმე კილოგრამის დაკლებას. ამითვის უამრავი ახალ-ახალი მეთოდებია. მაგალითად, მეთოდი „30-30-30“. ბოლო წლებში ის ძალიან პოპულარული გახდა შოუ ბიზნესის ვარსკვლავებს, ბლოგერებსა და სხვა ცნობილ პიროვნებებს შორის. ღირს თუ არა მისი გამოყენება? მას აქვს როგორც დადებითი, ასევე უარყოფითი მხარეები.
ამ მეთოდის შესახებ ჩემი მეგობრის წყალობით შევიტყვე. მან, როგორც გამოცდილმა მწვრთნელმა მიამბო მეთოდზე, რომელიც პოპულარობით სარგებლობს მის მომხმარებელთა შორის. ეს მეთოდი პირველად გამოქვეყნდა ტიმ ფერისის წიგნში „სხეული 4 საათში“. ის ხელს უწყობს არა მხოლოდ წონის დაკლებას, არამედ კუნთოვანი მასის ზრდასაც. ჩემმა მეგობარმა თქვა, რომ შედეგები შესამჩნევია უკვე ერთ კვირაში. ეს მომეწონა და გადავწყვიტე, მეცადა. გასაოცარია, მაგრამ ერთი თვის განმავლობაში მთელი 5 კგ-ს დაკლება მოვახერხე.
გასახდომი მეთოდი „30-30-30“
ეს მეთოდი გულისხმობს როგორც კვებას, ასევე სპორტულ დატვირთვებს, მაგრამ არა კლასიკურ ვარიანტში. მისი არსი ძალიან მარტივია: დილით, გაღვიძებიდან 30 წუთის შემდეგ უნდა მიიღოთ 30 გრამი ცილა და შემდეგ შეასრულოთ დაბალი ინტენსივობის 30 წუთიანი ვარჯიში. სხვა არავითარ ცვლილებებს რაციონში ან აქტივობებში ეს მეთოდი არ გულისხმობს. ამასთანავე, მისი მეშვეობით, შესაძლებელია არა მხოლოდ წონის დაკლება, არამედ ფიზიკური ფორმის გაუმჯობესებაც.
მისი ეფექტურობის მიზეზი მდგომარეობს იმაში, რომ როგორც სპეციალისტები ამბობენ, ცილის მაღალი შემცველობის მქონე დიეტები ეხმარება ცხიმებთან ბრძოლას და ასევე ხელს უწყობს კუნთოვანი მასის ზრდას. გარდა ამისა, მეთოდი „30-30-30“ აუმჯობესებს გულის მუშაობას და ხელს უწყობს გლუკოზის დონის კონტროლს სისხლში.
„30-30-30“ მეთოდის კონცეპცია: სარგებელი თუ ზიანი?
მაგრამ ნამდვილად სასარგებლოა თუ არა ეს მეთოდი ჯანმრთელობისთვის? აქ დიეტოლოგების და მწვრთნელების აზრი ორად იყოფა. ამ მეთოდს ორი უპირატესობა აქვს:
- ადამიანისთვის, რომელიც არ იყენებს ცილის საჭირო დღიურ რაოდენობას, ეს მეთოდი ამ მნიშვნელოვანი ნივთიერების შევსების შესაძლებლობად იქცევა.
- იგივე ეხება ადამიანებსაც, რომლებიც არ საუზმობენ, რადგან საუზმე ყველაზე მნიშვნელოვან კვებად ითვლება დღის განმავლობაში. მისმა გამოტოვებამ, შესაძლოა უარყოფითად იმოქმედოს არა მხოლოდ ორგანიზმის ზოგად მდგომარეობაზე, არამედ წონის დაკლების პროცესზეც.
- თუ ჩვეულებრივ დღის განმავლობაში არ ვარჯიშობთ, მეთოდი „30-30-30“ დაგეხმარებათ იმ მინიმუმის უზრუნველყოფაში, რომელიც სასარგებლოა ნებისმიერი ორგანიზმისთვის.
- რეგულარული, თუნდაც მცირე ფიზიკური დატვირთვები უზრუნველყოფს ზედმეტი კილოგრამების სტაბილურ კლებას.
- სწორი საუზმე ხელს უწყობს კვების კონტროლს მთელი დღის განმავლობაში და ასევე დადებითად მოქმედებს წონის დაკლების პროცესზე.
მაგრამ ამ მეთოდს უარყოფითი მხარეც აქვს, რომლის შესახებაც უნდა იცოდეთ, სანამ მის გამოყენებას დაიწყებდეთ.
- მეთოდი კარგია მხოლოდ მათთვის, ვინც არ იცავს სხვა დიეტას ან არ ვარჯიშობს. თუ უკვე იცავთ დიეტას ან ვარჯიშობთ, მაშინ შედეგი შეიძლება ვერ მიიღოთ.
- საუზმე, გაღვიძებიდან 30 წუთის შემდეგ, შესაძლოა ყველას არ მოუხდეს. დიეტოლოგები თვლიან, რომ საკვების პირველი მიღება უნდა მოხდეს გაღვიძებიდან რამდენიმე საათის შემდეგ, რადგან დილიდან ყველას არ უჩნდება შიმშილის გრძნობა.
- ვარჯიშის წინ საკვების მიღებამ შეიძლება გამოიწვიოს სიმძიმის შეგრძნება და გაართულოს ვარჯიში. სწორედ ამიტომ სპეციალისტების უმეტესობა საკვების მიღებას გვირჩევს ვარჯიშის შემდეგ.
გამოიყენოთ თუ არა მეთოდი „30-30-30“ თქვენი გადასაწყვეტია. თუ ამ მეთოდის გამოცდას დააპირებთ, გირჩევთ დაიცვათ ჩვენი რეკომენდაციები:
- 1.დატვირთვის სახით აირჩიეთ კარდიო ვარჯიში. ეს შეიძლება იყოს სირბილი, იოგა, ცურვა, ცეკვა და მსგავსი. თუ სპორტდარბაზში ვარჯიშობთ, აირჩიეთ სავარჯიშო ველოსიპედი ან სარბენი ბილიკი.
- 2. არ დაგავიწყდეთ საუზმეზე ცილების გარდა ცხიმებისა და ნახშირწყლების მიღებაც. თქვენი პირველი კვებისთვის გაითვალისწინეთ კვერცხი, რძის პროდუქტები და ფაფები ცილის მაღალი შემცველობით.
- 3. თუ ვარჯიშამდე სრულფასოვანი საუზმე არ მოგწონთ, შეგიძლიათ დალიოთ ცილოვანი კოქტეილები. მაღალი ცილის შემცველობის წყალობით, ისინი შეძლებენ უზრუნველყონ კუნთებისთვის საჭირო კვება ვარჯიშამდე, კუჭის გადატვირთვის გარეშე.
