დიდი ხნის წინ ჩემს მაცივარში წესრიგი დავამყარე და მას შემდეგ მაქვს გარკვეული წესები, რომლებსაც მტკიცედ ვიცავ. ყველაზე დიდი პრობლემა, რომელსაც ყველა დიასახლისი აწყდება, არის ის, თუ როგორ მოსპოს სუნი მაცივარში.
ადრე მეც მიწევდა ყოველ კვირას მაცივრის გამორთვა და კარგად გაწმენდა. ყველაზე ცუდი იყო ის, რომ რამდენიმე დღის წინ ნაყიდი ბოსტნეული უკვე გაფუჭებული იყო და გადაყრა მიწევდა. ეს იყო ფულის ფუჭი ფლანგვა და გაფუჭებული განწყობა. მაგრამ, როგორც გაირკვა, ამ უსიამოვნებებისგან თავის დაღწევა ერთი ნივთით შეიძლება.
როგორ მოვსპოთ სუნი მაცივარში
ასეთ ნივთს ნახავთ ყველა სამზარეულოში ნებისმიერ ქვეყანაში. ჩვენ ის დიდი ხანია შეგვიყვარდა მისი მარტივად გამოყენების გამო. ჭურჭლის სარეცხი ღრუბელი არის ნივთი, რომლის გარეშეც თანამედროვე სახლი ძნელად წარმოსადგენია. ამ პარალონის ნაჭრით ვრეცხავთ ჭურჭელს, ვასუფთავებთ ავეჯს და ასე შემდეგ.
ეს ნივთი უნივერსალური გახდა მთელი სახლისთვის. მთავარია, სხვადასხვა ღრუბელი გამოიყენოთ. რა კავშირია ჭურჭლის ღრუბელსა და მაცივარს შორის? არა, საუბარი არ არის იმაზე, რომ ჭურჭლის ღრუბლით მაცივრის გასუფთავება მოსახერხებელია.
საქმე ისაა, რომ პარალონი ძალიან კარგად შთანთქავს ტენიანობას და მასთან ერთად უსიამოვნო სუნს. ამიტომ ვიღებ ახალ ჭურჭლის სარეცხ ღრუბელს და მაცივარში ვათავსებ. ძალიან ხშირად მას ბოსტნეულსა და ხილს შორის ვდებ, რომლებზედაც გაგრილების დროს კონდენსაცია გროვდება. ამის შედეგად პროდუქტები რჩება მშრალად და არ ფუჭდება დიდი ხნის განმავლობაში.
და, როგორც სასიამოვნო ბონუსი, მაცივარში არ არის უსიამოვნო სუნი. ჩემმა მეგობრებმაც, ვინც ჩემს მაცივარში ღრუბელი ნახეს, ამ მეთოდის გამოყენება დაიწყეს. ყველა მათგანს უხარია, რომ ახლა უფრო ნაკლები პროდუქტის გადაყრა უწევს.
ხრიკი დიასახლისებისთვის
ამ მეთოდს მხოლოდ ერთი მნიშვნელოვანი ნაკლი აქვს. მოგეხსენებათ, რომ ტენიანობით გაჯერებულ ღრუბელზე ბაქტერიები ძალიან სწრაფად ჩნდება და აქტიურად მრავლდება. ამის შემდეგ, თავად ღრუბელს უჩნდება უსიამოვნო სუნი და ის უნდა განადგურდეს. პარალონი არ არის კარგი მასალა ჩვენი ბუნებისთვის, მის დაშლას დიდი ხანი სჭირდება. იდეალურ შემთხვევაში, ჭურჭლის სარეცხი ღრუბელი ყოველ სამ დღეში ერთხელ, ან კვირაში ერთხელ მაინც უნდა შეიცვალოს. არ აქვს მნიშვნელობა რა მიზნით იყენებთ მას.
იმისათვის, რომ პარალონს პირვანდელი სახე დაუბრუნდეს, შეგიძლიათ გარეცხოთ, მაგრამ გარეცხვა არ გულისხმობს მხოლოდ საპნით გარეცხვას. არსებობს ძალიან კარგი საშუალება, რომელიც ჭურჭლის სარეცხ ღრუბელს სისუფთავეს უბრუნებს და ბაქტერიებს აქრობს.
ღრუბლები ქვაბში უნდა მოათავსოთ და საკმარისი რაოდენობის წყალი დაასხათ. დაამატეთ მცირე რაოდენობით თხევადი საპონი ან ჭურჭლის სარეცხი სითხე. ასევე შეგიძლიათ გამოიყენოთ სარეცხი გელი ან სხვა გამწმენდი საშუალება. ღრუბლები ამ წყალში უნდა გამოიხარშოს. ამის შემდეგ კარგად გააშრეთ და ახალივით იქნება.
თურმე ასეთი მარტივი მეთოდები ცხოვრებას ბევრად აადვილებს. დიახ, ზოგს შეიძლება უცნაურად მოეჩვენოს – მაცივარში ჭურჭლის სარეცხი ღრუბლები, ვიღაც კი, პირიქით, დიდი ხანია იყენებს ამ მეთოდს და მაცივარში პროდუქტები აღარ უფუჭდება.
