მან უკვე შეაგროვა უამრავი დადებითი გამოხმაურება მთელი მსოფლიოს ქალებისგან.
აღიარეთ, რამდენად ხშირად წყვეტთ სპორტდარბაზში სიარულს მენსტრუაციის გამო? მიუხედავად ექიმების მტკიცებისა, რომ ამ პერიოდში ცხოვრების ნორმალური რითმის დარღვევა ტკივილისა და ძალის ნაკლებობის გამო არ არის ნორმა, ბევრ ჩვენგანს მაინც ურჩევნია უპირატესობა მიანიჭოს მყუდრო საწოლს, სარბენი ბილიკის ნაცვლად. და თითოეულმა ჩვენგანმა კარგად იცის, რამდენად რთულია ჩვეულ ტემპში დაბრუნება.
ბევრი ფიტნეს ტრენერი ამბობს, რომ წინა მენსტრუალური სინდრომისა და ოვულაციის დროს, ჰორმონალური რყევები მართლაც საკმაოდ გამოხატულია, მაგრამ ეს სულაც არ არის იმის მიზეზი, რომ მიატოვოთ სპორტული ცხოვრება, თუნდაც მცირე დროით.
არც ისე დიდი ხნის წინ, ინტერნეტში გავრცელდა წონის დაკლებისა და ფორმის შენარჩუნების ახალი კონცეფცია, რომელიც ეფუძნება ციკლის სხვადასხვა პერიოდში ვარჯიშის გეგმას. ვივიენის დღევანდელ სტატიაში გავარკვევთ, რა ნიუანსები უნდა იქნას გათვალისწინებული თვის სავარჯიშო გეგმის შედგენისას.
მენსტრუაცია (1 – 5 დღე)
ამ დროს უმჯობესია თავი აარიდოთ ძალისმიერ ვარჯიშს, რომელსაც აქვს დიდი შანსი, გაზარდოს მუცლის შიდა წნევა, რამაც შეიძლება გამოიწვიოს ძლიერი სისხლდენა. გარდა ამისა, ამ დღეებში ქალებში ესტროგენისა და პროგესტერონის დონე მინიმუმამდე იკლებს, ამიტომ ანთების განვითარების ალბათობა საგრძნობლად იზრდება, ხოლო კუნთების ან სახსრების დაზიანების შემთხვევაში რეაბილიტაციის პროცესს უფრო დიდი დრო დასჭირდება. ამიტომ ამ პერიოდისთვის ყველაზე შესაფერისია მსუბუქი ფიტნესი: იოგა (მათ შორის ჰაერში, მაგრამ კომპლექსიდან შებრუნებული პოზების გამორიცხვით), პილატესი და სტრეტჩინგი.
ფოლიკულური ფაზა (5-13 დღე)
ამ პერიოდის განმავლობაში ესტროგენის დონე თანდათან იწყებს მატებას, რითაც იზრდება ორგანიზმის საერთო გამძლეობა. ამ დღეებში ფიტნეს ექსპერტები გვირჩევენ დაიწყოთ ორგანიზმზე დატვირთვის გაზრდა, უპირატესობა მიანიჭოთ კარდიო ვარჯიშებს: ცურვას, სირბილს და ცეკვას.
ოვულაცია (მეთოთხმეტე დღე)
ოვულაციის დროს ჩვენ არა მხოლოდ უფრო მიმზიდველად მივიჩნევთ საკუთარ თავს, არამედ ვგრძნობთ ძალების წარმოუდგენელ მატებას, რაც აუცილებლად უნდა გამოვიყენოთ. ამ „სუპერძალების“ დღისთვის, ჩაეწერეთ მაღალი ინტენსივობის ინტერვალურ ვარჯიშსა და ძალისმიერ ვარჯიშებზე. გპირდებით, მოგვიანებით ამით ძალიან კმაყოფილი იქნებით.
ლუტეინის ფაზა (15-28 დღე)
პროგესტერონის დონე კვლავ იზრდება, მაგრამ ესტროგენის დონე არასტაბილურია. ციკლის 24-ე დღიდან ქალის ორგანიზმში ჰორმონების დონე იკლებს და მას პრემენსტრუალური სინდრომის საშინელი გამოვლინებები ემუქრება. ჰორმონალური რყევები ნორმად იქცევა, ამიტომ ენერგიის დონე და განწყობა უკიდურესად არასტაბილურია. ამ პერიოდის განმავლობაში, საუკეთესოა ზომიერი ძალისმიერი ვარჯიშები და პილატესის პრაქტიკა.
თუმცა, მნიშვნელოვანია გვახსოვდეს, რომ ყველა ქალს არ აქვს 28 დღიანი მენსტრუალური ციკლი. სწორედ ამიტომ, სანამ დაიწყებთ ამ კონცეფციის დაცვას, მოერგეთ იგი თქვენს ორგანიზმს.
