მალე ძმისშვილის დაბადების დღეა. ძალიან მინდა მივიდე და მივულოცო, მაგრამ რძალმა პირობა წამოაყენა: ფინანსური დახმარება უნდა გავუწიო, ეს კი 14 ათას ლარზე მეტია. წინააღმდეგ შემთხვევაში, სახლში შესვლის უფლებას არ მომცემს. აგარაკზე დედაჩემთან ტელეფონით დალაპარაკების საშუალებას არ მაძლევს. კიდევ ერთი პირობა: ფულს გადავუხდი, დამალაპარაკებს. ძმის აგარაკი დედაჩემის აგარაკთან ახლოსაა. მის აგარაკზე სახლის რეკონსტრუქცია მიმდინარეობს, ამიტომ ჩემი ძმა, რძალი და ძმისშვილი დედაჩემთან ცხოვრობენ.
ისე მოხდა, რომ ჩემი ძმისშვილი 2019 წლის ზაფხულში დაიბადა და მთელი კოვიდის პერიოდი აგარაკზე გაატარა. რძალი მთელი დეკრეტის პერიოდი დედაჩემთან აგარაკზე იყო და მისი ნდობა მოიპოვა. ჩემს ძმაზე უმცროსია, მხოლოდ 34 წლისაა. ჩემი ძმა 42 წლის. გოგონა მდიდარი ოჯახიდანაა.
ძმისთვის მეორე ქორწინებაა. პირველი ცოლი ერთ–ერთ ბიზნეს პარტნიორთან ერთად გაიქცა. დირექტორთა საბჭოს წევრს თავი შეაყვარა, მისგან შვილი გააჩინა, 2014-2015 წლებში საზღვარგარეთ სამსახური მიიღო და ადვოკატის მეშვეობით იძულებითი განქორწინება მოითხოვა. ძმა მეორედ მხოლოდ 2018 წელს დაქორწინდა. მომავალი ცოლი სამსახურში გაიცნო, მას საკონსულტაციო მომსახურებას უწევდა.
თავიდან, როცა დავინახე, გამიხარდა. ვიფიქრე, რომ შესაფერისი პარტნიორი იქნებოდა. მოლარე რეგიონიდან არ იყო. ძმა ყოველთვის საპატიო საზოგადოებაში ტრიალებდა, სერიოზულ უნივერსიტეტში სწავლობდა, საზღვარგარეთ სტაჟირებას გადიოდა, ამ წრიდან ხალხს ირჩევდა. მოგვიანებით, როცა უკეთ გავიცანი, მივხვდი, სჯობდა მოლარე ყოფილიყო.
მამაჩემი გარდაცვალებამდე თავისი კეთილი ნებით ფინანსურად ეხმარებოდა. კოვიდის დროს ორსულობის პერიოდში ეხმარებოდა. 2021 წლის შემოდგომაზე გულის შეტევით გარდაიცვალა. მაშინ ყველას კოვიდზე მკურნალობდნენ, გულის სამკურნალოდ არავის ეცალა. ნორმალური მკურნალობა არავინ დაუნიშნა, მოგვიანებით ვეღარ გადავარჩინეთ.
მამის გარდაცვალების შემდეგ რძალმა ფინანსური დახმარების გაგრძელება დედაჩემისგან და ჩემგან მოითხოვა. უარი ვუთხარი. ახლა განმიცხადა, რომ თუ ძმის და ძმისშვილის ოჯახს რაღაც ძვირადღირებულს ვაჩუქებ, გარდაცვლილი მამაჩემის ნაცვლად ფულს გადავუხდი (2021 წლის სექტემბრიდან 2023 წლის ივნისამდე თანხა), უფლებას მომცემს დედას დაველაპარაკო და აგარაკზე ჩამოვიდე.
აგარაკი დედაჩემისაა, ძმის ოჯახზე არ გადაუფორმებია. ეს ზუსტად ვიცი. სიტუაცია ძალიან მაღიზიანებს. დედა 71 წლისაა, ენერგიულია, მაგრამ მიმნდობი, მასზე გავლენის მოხდენა ადვილია. ფიქრობს, რომ რძალი გაუგებარი მიზეზით არ მიყვარს. რძალი აკონტროლებს ტელეფონს და პასუხობს, როცა ვრეკავ.
რა გავაკეთო, როგორ მოვაგვარო სიტუაცია ასეთ ქალთან, რომელიც ჩემი წრიდან არაა და მკაფიოდ განსაზღვრული საზღვრები აქვს? ბუღალტერი ვარ, რძალი ბანკში უფროსი. დედას სურს, რომ ყველას ერთმანეთთან ნორმალური ურთიერთობა ჰქონდეს, მაგრამ რძალი დედაჩემს და ძმას მაშორებს. ძმას კამათი არ უყვარს და არ ესმის, რა კატამ გაირბინა ჩემსა და მის ცოლს შორის. მისთვის არაფრის თქმა არ მინდა. ფულს მხოლოდ მაშინ მთხოვს, როცა ძმა ახლოს არაა. თავხედი და ქედმაღალია, ვშიშობ, დედას აგარაკის გაჩუქების ხელშეკრულებაზე ხელს მოაწერინებს. ყველაფერია მოსალოდნელი.
