ბევრ ევროპულ ქვეყანაში სახლში ქუჩის ფეხსაცმლით სიარული მიღებულია. ზოგიერთ ადგილას ცუდ ტონად ითვლება, თუ სტუმარს სახლში შესვლამდე ფეხსაცმლის გახდას სთხოვთ. ზოგი სახლის ჩუსტებს მეშჩანობის მაჩვენებლად მიიჩნევს, ზოგი – აუცილებელ საშუალებად სახლში სისუფთავის შესანარჩუნებლად. Vivien ეცდება გაარკვიოს, ვინ არის მართალი და სად არის ქუჩის ფეხსაცმლის ადგილი. შესაძლოა, ამ სტატიის წაკითხვის შემდეგ აღარ დაგრჩეთ კითხვები, როგორ მოიქცეთ ქუჩის ფეხსაცმელთან.
სახლის ჩუსტები
უცხოურ ფილმებში გმირები სახლში ქუჩის ფეხსაცმლით დადიან. ამის დანახვას მიჩვეული ვართ. ამ ფონზე ბევრი ფიქრობს, რომ ევროპასა თუ ამერიკაში იმდენად სუფთა ასფალტია, რომ მასზე ბაქტერიები არაა.
სინამდვილეში, ასე არაა. ბევრ ქვეყანაში სახლში ან ბინაში შესვლისას ქუჩის ფეხსაცმლის გახდა მიღებულია. საქმე მხოლოდ ჰიგიენური წესების დაცვას არ ეხება. ეს სახლის მფლობელისადმი და მისი შრომისადმი პატივისცემის გამოხატვაცაა. დიახ, საკუთარ ბინაშიც ხალიჩაზე ქუჩის ფეხსაცმლით სიარული დიდად არავის უნდა.
ქვეყნების რაოდენობა, სადაც ქუჩის ფეხსაცმელი შემოსასვლელ კართან რჩება, მცირე არაა. მაგალითად, არაბულ ქვეყნებში, თურქეთში, აზიის ქვეყნებში, საქართველოში. ასევე ევროპულ ქვეყნებში: უკრაინა, პოლონეთი, შვედეთი, გერმანია და ბევრი სხვა.
აი, საფრანგეთში ქუჩის ფეხსაცმლის გახდა მიღებული არაა. თუ სტუმარი ფეხსაცმლის გახდას ითხოვს, მასპინძელი შეიძლება ძალიან განაწყენდეს. არადა პარიზს ევროპის ყველაზე სუფთა დედაქალაქს ვერ ვუწოდებთ. საფრანგეთს უერთდება ისეთი ქვეყნები, როგორიცაა ესპანეთი და იტალია. როგორც ჩანს, ამ ქვეყნების მაცხოვრებლებს ტემპერამენტი ფეხსაცმლის გახდის საშუალებას არ აძლევს.
სახლის ჩუსტები
როგორი სიფრთხილეც არ უნდა გამოიჩინოთ, ქუჩის ფეხსაცმელი იდეალურად სუფთა ვერ დარჩება. ფეხსაცმელზე წარმოუდგენელი რაოდენობის ბაქტერიებია. უმეტესობა მათგანი სახიფათო და სერიოზულია.
რა თქმა უნდა, ფეხსაცმელზე მათი რაოდენობა საკმარისი არაა, რომ ადამიანს დიდი ზიანი მიაყენოს, მაგრამ თუ იატაკს საწმენდი საშუალებებით რეგულარულად არ გაწმენდთ, სერიოზულ შედეგს მიიღებთ. ბაქტერიებმა, რომლებიც სახლში ქუჩის ფეხსაცმლიდან ხვდება, შინაურ ცხოველს ზიანი შეიძლება მიაყენოს.
თუ სახლში ცხოვრობენ პატარა ბავშვები, რომლებიც სიარულს მხოლოდ სწავლობენ ან სამყაროს შეცნობის ეტაპზე არიან, ქუჩის ფეხსაცმელი შემოსასვლელ კართან უნდა დარჩეს. არაფერს ვამბობთ, რომ სახლში სიარული ფეხსაცმლით, რომლითაც ახლახანს ქუჩაში იყავით, მათი ჯანმრთელობისთვის სახიფათოა.
ქუჩის ფეხსაცმელი უნდა ინახებოდეს სპეციალურ თაროზე, სადაც ბავშვები ვერ მიწვდებიან. უმჯობესია, ასეთი ადგილი შემოსასვლელთან მოაწყოთ. რა თქმა უნდა, სახლის მფლობელის გადასაწყვეტია, მაგრამ თუ არ მოგწონთ, რომ სტუმრები ფეხსაცმლით დადიან, თქმა არ მოგერიდოთ. სახლი მისი მაცხოვრებლისთვის უსაფრთხო ადგილი უნდა იყოს.
