დიასახლისები სხვადასხვა ხრიკს მიმართავენ, რომ საოჯახო საკითხებს სწრაფად, ეფექტურად და ეკონომიურად გაუმკლავდნენ. ზოგჯერ პოპულარული ხდება ხრიკები, რომელთა ეფექტურობაც საეჭვოა. Vivien გიამბობთ, ღირს თუ არა არყის გამოყენება, თუ გარეცხილ თეთრეულს უსიამოვნო სუნი აქვს. გიზიარებთ რჩევებს, როგორ გააქროთ უსიამოვნო სუნი და გადაარჩინოთ თეთრეული.
ხრიკი არყით: გარეცხილ თეთრეულს უსიამოვნო სუნი აქვს
მეთოდის არსი
ბოლო დროს პოპულარული გახდა ხრიკი, რომელსაც თეთრეულის უსიამოვნო სუნის გაქრობა შეუძლია. ხრიკი მარტივია. 80 მლ არაყი გავლების დროს სარეცხ მანქანას უნდა დაუმატოთ, ციკლი ჩართოთ და დოლურაში წყლის ავსებას დაელოდოთ. რეჟიმი 1 საათი დააპაუზოთ. ამის შემდეგ რეცხვა გააგრძელოთ.
ხრიკის ავტორის თქმით, არაყი კლავს ბაქტერიებს, რომელიც დოლურაშია და უსიამოვნო სუნს იწვევს. გიამბობთ, ნამდვილად ასე მუშაობს თუ არა მეთოდი არყით.
ხრიკი არყით. ეფექტურია თუ არა?
როგორც ექსპერტები ამბობენ, ამ მეთოდით უსიამოვნო სუნს ვერ მოიშორებთ. არაყს უსიამოვნო სუნის გასაქრობად ყველა თვისება აქვს, მაგრამ 80 მლ საკმარისი არაა. სუნს და ბაქტერიებს რომ ებრძოლოთ, უფრო მეტი სპირტი დაგჭირდებათ.
ჩასხმული სითხის კონცენტრაცია ბევრად მეტი უნდა იყოს, რომ სასურველი შედეგი მიიღოთ. ასე სპირტი სადეზინფექციო ეფექტს მოახდენს. 5 ლიტრ წყალზე ჭიქის მესამედი საკმარისი არაა.
ეფექტური მეთოდები უსიამოვნო სუნის გასაქრობად
- სარეცხი მანქანის უჯრა რეგულარულად გაწმინდეთ. რეცხვის ციკლის დასრულების შემდეგ უჯრა გამოიღეთ. ასე წყლისგან დაიცლება და სწრაფად გაშრება.
- გარეცხილ თეთრეულს უსიამოვნო სუნი რომ არ ჰქონდეს, უჯრაში პირველ განყოფილებაში ფხვნილი ჩაყარეთ, მეორეში – 3-4 ს/კ საკვები სოდა. ორჯერ გაავლეთ, რომ სოდა მთლიანად მოშორდეს.
შეჯამებისთვის, არყის გამოყენებას არ გირჩევთ. სარისკო ხრიკია. ამის ნაცვლად სარეცხი მანქანის უჯრა რეგულარულად გაწმინდეთ, დროდადრო საკვები სოდა გამოიყენეთ. ასე კარგ შედეგს ნამდვილად მიიღებთ.
