ნივთები სსრკ–დან ახალი თაობის წარმომადგენლებს უცნაურად ეჩვენებათ. ზოგჯერ ვერც ხვდებიან, რა არის და რისთვის გამოიყენება. ხალხი, რომელიც საბჭოთა კავშირში ცხოვრობდა, ამ ნივთების წყალობით ძველ დროში ბრუნდება. Vivien გთავაზობთ დროის მანქანა გამოიყენოთ და თან თქვენი ასაკი შეამოწმოთ!
ნივთები სსრკ–დან
პირველი ნივთი თავიდან კითხვებს არ ბადებს. ტყავის ჩანთას ჰგავს. იქნებ, თანამედროვე წელის ჩანთის ძველი ნიმუშია? თითქმის! ნებისმიერი საბჭოთა ადამიანი გეტყვით, რომ ეს ველოსიპედის სათავსოა.
მას საჯდომის უკანა ნაწილზე ამაგრებდნენ და სატრანსპორტო საშუალებისთვის ხელსაწყოებს ინახავდნენ. გზაზე მოულოდნელად დაზიანებისას შეკეთება ყოველთვის შეიძლებოდა. დაგვეთანხმეთ, მოსახერხებელია! ინტერნეტ სივრცეში კომენტარები ამას ადასტურებს: „ეს პორტფელი ყველა ველოსიპედზე ჩამოკიდული იყო. იქ ინახებოდა გასაღები ყველა ზომის ქანჩისთვის, წებო, კამერის ნაჭერი და საფხეკი კამერის მიწებების დროს.“
ეს ერთადერთი უიშვიათესი ნივთი არაა სსრკ–დან. მაგალითად, სპეციალური მოწყობილობა სლაიდების სანახავად. საბჭოთა კავშირის დაშლის შემდეგ დავიბადე, მაგრამ დედაჩემისგან დიასკოპი შემხვდა. მართალია, მისი პრიმიტიული ვერსია. სფეროს ფორმის დიასკოპი, რომლის შემხედვარე გაგიჭირდებათ გამოიცნოთ, რა ნივთია. მისი დახმარებით ფირის ფოტოებს ვათვალიერებდი.
სხვადასხვა საბჭოთა კულინარიული ზიზილ-პიპილები გვაოცებს. მაგალითად, ფიგურული ბოსტნეულის საჭრელი, თევზის ფერფლისგან საწმენდი მოწყობილობა, რძის სეპარატორი რძის გასაწმენდად. გახსოვთ პელმენის საძერწი იარაღი? ვერც წარმოვიდგენდი, რომ ასეთი რამ არსებობს!
მარჯვე დიასახლისები იყენებდნენ იმას, რაც იმ დროს ბაზარსა და მაღაზიაში იშოვებოდა. აი, კიდევ ერთი საინტერესო მოწყობილობა, ხელის სათქვეფი კრემისთვის. მას მოყვებოდა მოკლე ინსტრუქცია, თავად ნივთი საკმაოდ პატარა იყო. ბევრი კრემისთვის დიდი რაოდენობით დროის დახარჯვა იყო საჭირო. ახლა ამის გაკეთება მოსახერხებელი მიქსერით ადვილი და მარტივია.
საბჭოთა უცნაური ნივთები
სილამაზის პროცედურების სამყარომ სსრკ–ს დროიდან უპრეცედენტო გარდაქმნები განიცადა. შეხედეთ ფოტოს და გაიხსენეთ, რა არის. ერთი შეხედვით, ვერ იტყვით, რომ ამის დახმარებით ლამაზი ვარცხნილობის გაკეთება შეიძლებოდა. და მაინც, საბჭოთა ქალებს არა მხოლოდ ეს შეეძლოთ. თქვენს წინაშეა კლასიკური მაშა თმის სახვევად.
წარმოდგენა არ მინდა, რა ზიანს აყენებდა ეს ნივთი თმას, რადგან იმ დროს თერმოდაცვის შესახებ არავის გაგონილი არ ჰქონდა. ვარცხნილობის გასაკეთებლად მაშა უნდა გაგეცხელებინათ, შემდეგ თმა „ბინტით“ დაგეხვიათ და მაშაში მოგექციათ. არც თუ ისე სასიამოვნო პროცედურაა!
ახლა მაღაზიაში საქონლის შესაძენად საბანკო ბარათს ან ტელეფონს ხშირად ვიყენებთ. ადრე ბევრი წვრილმანი ფულის ტარება უწევდათ. ჯიბეში მონეტები რომ დაეხარისხებინათ და საჭირო მონეტა სწრაფად რომ ეპოვათ, მოსახერხებელი მონეტების ყუთი გამოიგონეს. მასში 1, 2, 3, 5, 10, 15 და 20 კაპიკიანისთვის განყოფილებები იყო.
შემდეგი ლოტი წინდების საკემსავი მანქანაა. ეს უცნაური ნივთი თანამედროვე მოზარდს აჩვენეთ და, ალბათ, ვერ გამოიცნობს, რა არის. ერთ დროს ამ მოწყობილობით წინდის ან კოლგოტის ვადის გახანგრძლივება შესაძლებელი იყო. საქონლის მუდმივი დეფიციტის პირობებში მსგავსი რამის გაკეთება ხშირად საჭირო იყო.
