ბალი უყვართ მისი საოცარი გემოს და იმ სარგებლის გამო, რომელსაც ორგანიზმს აძლევს. ამ კენკრაში შედის A და C ვიტამინები, უჯრედისი, კალიუმი. მაქსიმალური სარგებლის მისაღებად მწიფე ბალი ჭიების გარეშე უნდა იყიდოთ.
ეს მავნებელი კენკრისთვის ადამიანს ეჯიბრება, მის რბილობს ჭამს, როცა ნაყოფი ჯერ კიდევ ხეზეა. ბალში ჭიების არსებობის განსაზღვრა საკმაოდ რთულია. სწორედ ამიტომ, შეძენისას დაიმახსოვრეთ 4 ნიუანსი, რომელზეც ყურადღების მიქცევა ღირს.
როგორ მიხვდეთ, რომ თქვენს წინაშე ტკბილი ბალია ჭიების გარეშე
გემრიელი კენკრის ძირითადი ნიშნები
ბაზრობაზე ტკბილი ბალი რომ შეიძინოთ და ჭიების გამო მასთან დამშვიდობება არ მოგიწიოთ, კენკრის შერჩევას პასუხისმგებლობით მიუდექით. პირველივე მოწონებულის ყიდვა საუკეთესო ვარიანტი არაა. ბალი კარგად დაათვალიერეთ, დააკვირდით შემდეგ პუნქტებს:
- კანი. ჩაჭყლეტილი და დაკაწრული არ უნდა იყოს. აირჩიეთ ბალი, რომლის კანი უდეფექტოა.
- ბზინვარება. მისი არარსებობა ნიშანია, რომ ბალი დიდი ხნის წინ მოწყვიტეს. შეიძინეთ ბალი, რომელიც მზეზე პრიალებს.
- სიმკვრივე. ნაყოფი რბილი არ უნდა იყოს, რადგან ეს კენკრის ლპობის ნიშანია. ყველაზე გემრიელ ბალს მკვრივი რბილობი აქვს.
- ყუნწი. მხოლოდ ყუნწიანი ბალი იყიდეთ. ის მწვანე და ელასტიური უნდა იყოს და არა გამხმარი. თუ ყუნწი არ აქვს, ბალში სხვადასხვა ბაქტერია ადვილად მოხვდებოდა.
ღირებული რჩევა
როგორ გავარკვიოთ, ხომ არ შეგვხვდა ჭიებიანი ბალი? აიღეთ ღრმა თასი. ცივი ან ოთახის ტემპერატურის წყლით გაავსეთ. ბალი წყალში ჩაყარეთ. რამდენიმე წუთი გააჩერეთ. ჭიებიანი ბალი აუცილებლად ამოტივტივდება. კენკრით, რომელშიც დაუპატიჟებელი სტუმარი იყო, უჩვეულოდ წვნიანი ხაჭოს მობრაწულა (ოღონდ უკვე „ხორცის“ გარეშე) შეგიძლიათ გააკეთოთ. ამ შემთხვევაში ბალი თერმულად დაამუშავეთ და ჩაიზე მისაყოლებლად ზღაპრულად გემრიელ დესერტს მიიღებთ. იდეალურია!
ბალს ყიდვისას კარგად დააკვირდით. ასე შანსი, რომ ჭიების გარეშე შეგხვდეთ, იზრდება. თუ კენკრაში მავნებელი მაინც იპოვეთ, არ გადაყაროთ. გასუფთავებული ბალი კულინარიული შედევრების მოსამზადებლად გამოიყენეთ.
