ერთხელ, ქალთან პირველ პაემანზე, საუბარი ინტიმურ ურთიერთობას შეეხო. მკითხა, როდის მქონდა ბოლოს ურთიერთობა. ვუპასუხე და მასაც ვთხოვე პასუხის გაცემა. მშვიდად მიპასუხა, რომ ბოლოს ინტიმური ურთიერთობა ჰქონდა ორი დღის წინ, თან კაცთან, რომელსაც ჩემსავით პირველად შეხვდა.
ბევრი კაცი პირველ პაემანზე ამ ინფორმაციის გაგებას მიიღებდა შანსად, რომ ყველაფერზე წამსვლელი ქალიდან სარგებელი მიეღოთ. თავად სხვა რამით დავინტერესდი. პირველ რიგში, მსურდა გამეგო, რა უბიძგებდა ქალს ასეთი ცხოვრებისკენ, მით უფრო, თუ ეს ჩვენს საზოგადოებაში, თუნდაც ფორმალურად, დაგმობილია.
უნდა გვესმოდეს, რომ ნამდვილად თვითკმარი ქალი იყო. ჰქონდა საკუთარი ავტომობილი, მაღალანაზღაურებადი სამსახური, საკუთარ თავზე ზრუნავდა, ნაკითხი, აქტიური იყო. თითქოს ბევრისთვის საოცნებო ქალია, ლამაზი, ჭკვიანი, კაცს კისერზე არ დააჯდება, უკარებას როლს არ მოირგებს. რა არის ამაში სახიფათო?
სწორედ ამ თვისებების კომბინაცია სახიფათოა. უდავოდ, მისგან შეიძლება დაზარალდეს მხოლოდ ის კაცი, რომელიც ამას დაუშვებს. თუ გავითვალისწინებთ იმ ფაქტს, რომ ბევრი კაცი უბრალოდ „დინებას“ მიჰყვება, ასეთ თვითკმარ „გარყვნილთან“ ურთიერთობით საკმაოდ სავალალო სიტუაციაში შეიძლება აღმოჩნდეს.
პირველ რიგში, ეს ქალი არაფრით შეზღუდული არაა. ნებისმიერ მომენტში შეუძლია სხვა იპოვოს და წავიდეს. ახალგაცნობილთან ღამე შეიძლება გაატაროს ან თვეები გააწვალოს კაცი და უკარებას როლი ითამაშოს. რაიმე ჩარჩოთი შემოფარგლული არაა, რადგან მამაკაცზე დამოკიდებული არაა.
ამის გამო იზრდება ალბათობა, რომ ურთიერთობაში მამაკაცი სუსტ და დამოკიდებულ პოზიციას დაიკავებს. ეს ტანჯვისკენ მიმავალი პირდაპირი გზაა, რადგან ქალი ყოველთვის ტოვებს კაცს, თუ გრძნობს მის სისუსტეს, განსაკუთრებით ასეთი ძლიერი და დამოუკიდებელი ქალი.
მეორეც, ასეთი ქალი კაცის ერთგული არ იქნება. რაში სჭირდება, თუ მასზე დამოკიდებული არაა? თუ ასეთი ქალი სხვასთან წასვლას ისურვებს, წავა, რადგან არ აქვს არგუმენტი, რატომ უნდა ეშინოდეს ამის გაკეთება. გამოდის, კაცს არ აქვს არგუმენტი, რომ ეს ქალი შეზღუდოს ან დასაჯოს, თუ ის დაუშვებელს გააკეთებს.
მესამეც, ასეთი ქალი კაცების ყურადღებას ყოველთვის იზიდავს. გუშინ ერთ კაცთან იყო, რომელზეც მიამბო, დღეს ჩემთანაა, ხვალ, ზეგ და ასე შემდეგ ახალ და ახალ საყვარლებთან იქნება. ასეთ ქალს ერთ კაცზე გაჩერების მიზანი არ აქვს, რადგან ამის გაკეთება არ სურს და განსაკუთრებული სტიმული, მაგალითად, მერკანტილური, არ აქვს.
თავისი თვითკმარობის და ხელმისაწვდომობის წყალობით ასეთი ქალი ხელში წივწივას დაჭერას ჰგავს, სინამდვილეში კი მთელი თვისებების ერთობლიობით წეროა ცაში, რომელიც პირველი ან მეორე სიახლოვის შემდეგ კაცს მხოლოდ სასიამოვნო მოგონებებს დაუტოვებს.
ამ ქალთან ურთიერთობის დაწყება და შემდეგ მისგან უარყოფა ყველაზე მცირე ფასია, რომელიც კაცმა მასთან სიახლოვისთვის შეიძლება გადაიხადოს. მასთან სერიოზული ურთიერთობის დაწყებისას ხომ უსიამოვნებას თავს ვერ აარიდებთ.
ასეთი ქალი ყოველთვის სადღაც მიიწევს და რაც უფრო მეტი მამაკაცი ეცდება მის შეკავებას, მით უარესი იქნება მისთვის. ყოველთვის აქვს არგუმენტი – სრულფასოვანი ვარ, უფლება არავის აქვს მითხრას, როგორ ვიცხოვრო. თუ ამ სიტყვების შემდეგ კაცი ნივთებს შეაგროვებს და წავა, ზებუნებრივი არაფერი მოხდება.
მაგრამ კაცს არ სურს ასეთი ქალის დაკარგვა, რადგან მთლიანობაში სხვებზე უკეთესი ჩანს. კაცი მას ეჯაჭვება, რაც აიძულებს ქალს რაღაც მაინც აუკრძალოს, თუ არ აუკრძალავს, მისი მორიგი გამოხტომა აიტანოს.
კაცის გონებაში დიდხანს რჩება სწორედ ასეთი დამოუკიდებელი „გარყვნილი“, რომელთანაც გართობა ძალიან სურს. ასეთი ქალი თითქმის ყოველთვის მიდის, კაცს დიდმნიშვნელოვან მოგონებებს უტოვებს. დიდმნიშვნელოვნობა დაკავშირებულია იმასთან, რომ ეს ქალი ძალიან სასურველი ვარიანტია, მაგრამ როგორც კი თქვენ გვერდით აღმოჩნდება, ყველა შესაძლო პრობლემა მოაქვს.
