მეაგარაკემ, რომელიც ნაკვეთზე ჟოლოს ზრდის, იცის, რამდენად მნიშვნელოვანია დროული გამოკვება. მაისში ჩატარებული ამ პროცედურის წყალობით ზაფხულში მსხვილი და წვნიანი კენკრით პირს ჩაიტკბარუნებთ. Vivien გიამბობთ, რით გამოკვებოთ ჟოლო გაზაფხულზე საუკეთესო შედეგის მისაღებად.
უკვე ჩაატარეთ გასხვლა და დაამუშავეთ ნიადაგი? ტკბილი კენკრის მოლოდინში უსაქმოდ ჯდომა არ ღირს. იზრუნეთ ჟოლოს მავნებლებისგან დაცვაზე და გამოკვებაზე, რომელიც კენკრას ძალიან სჭირდება.
რით გამოვკვებოთ ჟოლო უხვი მოსავლის მისაღებად
ეფექტური სასუქი
ჟოლოს ბუჩქმა მთელი ზაფხული მსხვილი და გემრიელი ნაყოფით რომ გაგახაროთ, სპეციალური სასუქი მოამზადეთ. 1 ჭიქა ბარდა ღრმა ჭურჭელში ჩაყარეთ. 2 ლ თბილი წყალი დაასხით. 1 დღე გააჩერეთ. შემდეგ ერთიანი მასის მიღებამდე დააბლენდერეთ. მიღებული ნარევი სუფთა წყალში გააზავეთ. 1 ჭიქაზე 3 ლ სუფთა წყალი დაგჭირდებათ. კარგად აურიეთ და მზა ნარევით ჟოლოს ბუჩქები მორწყეთ.
კარგი მეთოდები
გაზაფხულზე ჟოლო სხვა სასუქითაც შეგიძლიათ გამოკვებოთ. ისინი არანაკლებ ეფექტურ შედეგს მოგიტანთ.
- მინერალური სასუქი. სპეციალური ხსნარი მოამზადეთ. 3 გ ამონიუმის ნიტრატი 15 ლ სუფთა წყალში გახსენით. მიწა გააფხვიერეთ, შემდეგ სასუქით გაანოყიერეთ.
- საფუარი. ეს პროდუქტი როგორც ცომეულში, ასევე მოსავლიანობის გაზრდაში დაგეხმარებათ. 1 პაკეტი მშრალი საფუარი 1 ვედრო წყალში გახსენით. 3 ს/კ შაქარი დაუმატეთ. კარგად აურიეთ. 3–4 საათით გააჩერეთ. 1:5 თანაფარდობით წყალში გააზავეთ. ჟოლოს ბუჩქები მზა საშუალებით უხვად მორწყეთ.
ზაფხულში მიღებული მოსავლის რაოდენობა და ხარისხი პირდაპირ დამოკიდებულია იმაზე, რით გამოკვებეთ გაზაფხულზე. ხელნაკეთი სასუქი აუცილებლად გამოიყენეთ, თუ ცხელ პერიოდში წვნიანი კენკრის ჭამა გსურთ. სიტყვაზე, გაზაფხულის ბოლოს არა მხოლოდ გამოკვება, არამედ მორწყვაც მნიშვნელოვანია. თუ ამინდი წვიმით არ განებივრებთ, მცენარე კვირაში ერთხელ მაინც მორწყეთ. ზუსტი გაანგარიშება დაიცავით, 10 ლ წყალი ერთ ბუჩქზე გამოიყენეთ.
