ბევრი ქალისთვის „საჩუქარი ქმრისგან“ სამწუხარო დაცინვასავით ჟღერს. საჩუქრები შეიძლება გაჩუქოთ თაყვანისმცემელმა, კოლეგამ, მეგობარმა, შვილმა. სამწუხაროდ, ხშირად ქმარი კანონიერ ცოლს საუკეთესო შემთხვევაში აღიქვამს მეომარ მეგობრად, უარეს შემთხვევაში – მოსამსახურედ. მარის შემთხვევა ამას ნათლად აჩვენებს. რა უნდა ვთქვათ, როცა ქმარი ცოლის იუბილესაც მნიშვნელობას არ ანიჭებს?
„ქმრისგან განსაკუთრებული საჩუქარი არასდროს მიმიღია. ყვავილები წელიწადში ორჯერ, სავალდებულო ტორტი დაბადების დღეზე, ამით მორჩა. სამართლიანობისთვის უნდა ითქვას, რომ შეყვარებულობის პერიოდშიც გულუხვობით არ გამოირჩეოდა. ახლა, 15 წლიანი თანაცხოვრების შემდეგ ყველაფერი უარესობისკენ შეიცვალა. ამჯერად ჩემი მეუღლისგან რაღაცას მაინც ველოდი. 45 წლის ვხვდებოდი, მრგვალი, მნიშვნელოვანი თარიღია. იმედი მქონდა, რომ იუბილეს ქმართან ერთად განსაკუთრებულად აღვნიშნავდი. უცხო ხომ არაა.
დაბადების დღე ოთხშაბათს დაემთხვა. ავდექით, ვისაუზმეთ, სამსახურში წავედით. ერთი სიტყვით, სამუშაო დღის სტანდარტული დასაწყისი. დილით გაახსენდა, რომ დაბადების დღე მქონდა. მართალია, მხოლოდ მოლოცვით შემოიფარგლა, შემდეგ ანგარიშის ჩასაბარებლად გაიქცა. იმედს მაინც არ ვკარგავდი, სასწაულის მჯეროდა. საღამოს სმარტფონის ყუთით გამოჩნდა. გავიფიქრე, რომ სერიოზული გულუხვობა გამოიჩინა. ძველი ტელეფონი მაქვს და შესაფერისი საჩუქარი იყო. როცა ქმარს პირდაპირ ვკითხე, ვისთვის იყო სმარტფონი, დაუფიქრებლად მიპასუხა, რომ თავისთვის ახალი შეიძინა.
სკანდალი არ ამიტეხავს. ეს არაფერს მომცემდა. ქმარი ჩიოდა, რომ ახლა წვეულების გადახდის და საჩუქრების დრო არაა, რომ ქამარი უნდა შემოვიჭიროთ. საკმაოდ დამაჯერებლად ჟღერდა, რომ არა უახლესი აიფონი მის ხელში, რომელიც ოდნავ მოძველებული ტელეფონის შესაცვლელად შეიძინა. იმის თქმა, რომ უკმაყოფილო ვიყავი, ნიშნავს, რომ არაფერი მითქვამს. საქმე საჩუქარში ან მის არქონაში არაა, არამედ ყურადღების, პატივისცემის, ახლობლისთვის რაღაცის გაკეთების სურვილის გამოვლენაში. ეს ყველაფერი ჩემს მეუღლეს არ გააჩნია. როგორც ჩანს, თანაცხოვრების წლებში ყველაფერი, რაც ჩვენს შორის იყო, დიდი ხანია სადღაც გაქრა.“
მარის უნდა დავეთანხმოთ. საჩუქარი მჩუქებლის თვალში ურთიერთობის მნიშვნელობის გამოხატვის ერთ–ერთი მეთოდია. მარისა და მისი ქმრის სიტუაციაში განსახილველი არაფერია. ქმრის ქცევა უკიდურეს უპატივცემულობას გამოხატავს. ასეთი კაცი ცოლს აღიქვამს ნივთად, რომელიც რაღაც შუალედური სარეცხ მანქანასა და სამზარეულოს კომბაინს შორის. ნამდვილად მწარე ბედია!
