Vivien გიზიარებთ მარტივ ხრიკს, როგორ გათბეთ ზამთარში, თუ დენი გაითიშა და ცხელი წყალი არ გაქვთ. როგორც ამბობენ, მას, ვისაც საერთო საცხოვრებელში ნაცხოვრი აქვს, არაფერი აშინებს. პირველ რიგში, გირჩევთ პორტატული დამტენი შეიძინოთ. ასე დენის გამორთვის შემთხვევაში ნოუთბუქის და სმარტფონის დატენვას შეძლებთ. გასათბობად მშრალი სათბურა გააკეთეთ. რბილი სათბურა ცხელი წყლით სავსე ბოთლს დაგავიწყებთ. გამათბობელი ლამაზი ქეისით და მარცვლეულით საკმაოდ ადვილად კეთდება. მომზადებაზე დიდ დროს არ დახარჯავთ. თუ გეზარებათ, ონლაინ გასაყიდი ვარიანტები შეგიძლიათ მოძებნოთ.
ხელნაკეთი მშრალი სათბურა გასათბობად – ძილის წინ საწოლში ცხელი წყლით სავსე ბოთლების ჩადება მარტივი და გამოცდილი ხრიკია, მაგრამ ნაკლებად სანდო. წყალი სწრაფად ცივდება. მარცვლეულის სათბურა უფრო ეფექტური გამათბობელია.
გამოგადგებათ ნებისმიერი მარცვლეული. წიწიბურა, ბრინჯი, პარკოსანი ან სიმინდი. ბამბის პატარა ქისა მარცვლეულით გაავსეთ. შეკარით და მიკროტალღურში ან ღუმელში გააცხელეთ. ზედმეტად არ გააცხელოთ, რადგან ასე მარცვლეული მოიხარშება და ფაფა გახდება. ამის შემდეგ რბილი ნაქსოვი ან პლუშის ქეისი ჩამოაცვით. თუ სურვილი გაქვთ, მარცვლეულის ნაცვლად სუფრის მარილი გამოიყენეთ. სითბოს კარგად აგროვებს, ამიტომ სხეულის გასათბობად ხშირად იყენებენ. თუ მარილის დახარჯვა არ გსურთ, ქვიშით ჩაანაცვლეთ. ისიც სითბოს ინარჩუნებს, თან ფაფად გადაქცევის რისკი არ არსებობს.
ხელნაკეთი მშრალი სათბურა ეფექტური გამათბობელია. მის გაკეთებას გირჩევთ! თბილ და მშვიდობიან ზამთარს გისურვებთ.
