2 კვირის წინ მთელი მსოფლიო ააღელვა პოლიტიკურ და საერო სამყაროში ერთ–ერთი ცნობილი პიროვნების, დიდი ბრიტანეთის დედოფალ ელისაბედ II-ის გარდაცვალების ამბავმა. მან მთელი 70 წელი იმეფა. იცით თუ არა, რომ დედოფლის სახელობის ყვავილები არსებობს? მას მცენარეები უყვარდა, Chelsea Flower Show–ს სპეციალურ გამოფენებს ხშირად ესწრებოდა და ბრიტანული მებაღეობის განვითარებას ხელს უწყობდა. Vivien გიამბობთ იმ მცენარეების მახასიათებლებზე, რომელთაც სახელი ელისაბედი II-ის საპატივცემულოდ შეარქვეს.
დედოფლის სახელობის ყვავილები: 9 ჯიში
- ვარდი Platinum Jubilee – პლატინის სამეფო იუბილე წელს 2-დან 5 ივნისამდე გაიმართა. ამ საზეიმო ღონისძიებისთვის სანერგემ Harkness Roses მოამზადა ვარდი Platinum Jubilee. ყვავილის ფურცლები გაჯერებული ვარდისფერია, ფოთლები – მუქი მწვანე. დიდ ყვავილებს უნაკლო ფორმა აქვს. არომატი ტკბილი და ძლიერია. გაშლილი ფურცლები ღიავდება.
- ვარდი Queen Elizabeth – ეს მცენარე 68 წლის წინ წარმოადგინეს, როცა მისი გამეფებიდან 2 წელი იყო გასული. ფლორიბუნდა ვარდის ბუჩქი სელექციონერმა ლამერტსმა გამოიყვანა. ყვავილები გამჭვირვალე ვარდის ფურცლებით და სასიამოვნო მსუბუქი არომატით დიდ ბუჩქზე იზრდება.
- ვარდი The Queen’s Jubilee (Beajubilee) – 10 წლის წინ გამოიყვანეს, როცა ელისაბედი ბრილიანტის იუბილეს აღნიშნავდა. ყვავილი, რომელიც ხელმეორედ ყვავილობს, ბრიტანელმა სპეციალისტმა პიტერ ბილზმა 2012 წელს გამოიყვანა. დიდ ატმისფერ ვარდებს სასიამოვნო სურნელი აქვს.
- ვარდი Elizabeth დევიდ ოსტინისგან – დევიდ ოსტინის ვარდნარი მთელ ინგლისში ცნობილია. წელს გამოიყვანა ვარდი, რომელსაც გვირგვინოსნის სახელი უწოდა. სპეციალისტის თქმით, მსხვილი ნაზი ვარდისფერი ვარდი განსაკუთრებული და გრაციოზული. ვაშლის ყვავილებს ჰგავს. თეთრი ვარიანტიც არსებობს მსუბუქი სიწითლით. ძლიერი, ტკბილი, ამავდროულად გრილი სურნელი ლიმონის შერბეთს ან ძველი ვარდის სურნელს მოგაგონებთ.
- ორქიდეა Platinum jubilee – როგორც ამავე სახელწოდების ვარდი, ორქიდეა ამ წლის მაისში პლატინის იუბილისთვის გამოიყვანეს. ლამაზ ლაქებიანი იასამნისფერი ყვავილი ჩელსის ყვავილების გამოფენაზე აჩვენეს.
- როდოდენდრონი Queen Elizabeth II – მონარქის სახელობის მარადმწვანე მცენარე დიდ ბრიტანეთში გამოიყვანეს. გაზაფხულზე ბუჩქზე ღია ყვითელი ძაბრის ფორმის ყვავილები იზრდება.
- ნარგიზი Diamond Jubilee – მცენარის სახელი ამბობს, რომ ის ელისაბედის მეფობის 60 წლიანი ბრილიანტის იუბილეს მიუძღვნეს. ეს 10 წლის წინ მოხდა. მსხვილი სამეფო ყვავილები ქათქათა ფურცლებით და ცეცხლოვანი ნარინჯისფერი თასის ფორმის შუაგულით გვიზიდავს.
- მთის კლემატისი Elizabeth – პატარა დაწნული ნაზი ყვავილები ერთ–ერთი პირველი მცენარე იყო, რომელსაც ბრიტანელი მმართველის სახელი ეწოდა. ის მებაღე ჯეკმანსმა გასული საუკუნის შუა წლებში გამოიყვანა. ღია ვარდისფერი ყვავილები სასიამოვნო სურნელით RHS Award–ით დაჯილდოვდა.
- იაპონური კამელია „მისი უდიდებულესობა დედოფალი ელისაბედ II” – ბრწყინვალე ოვალური მუქი მწვანე ფოთლების მქონე მარადმწვანე ბუჩქზე დიდი იორდასალამის ფორმის ყვავილები იზრდება. მისი ფერი ორაგულისფერიდან ღია ვარდისფერამდე მერყეობს. ყოველ გაზაფხულზე მისი ყვავილები სილამაზის მოყვარულებს ახარებს.
დედოფალ ელისაბედს მისი მმართველობის პერიოდში არაერთხელ შეეძლო ენახა, რამდენად დიდებული ყვავილები მიუძღვნეს. ალბათ, ასეთი მრავალფეროვანი სამეფო მცენარეების შემხედვარე გულგრილი ვერავინ დარჩება.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
