მეგან მარკლი საზოგადოების ყურადღებას წარმატებით იპყრობს. პაპარაცები ყოფილ ჰერცოგინიას დაუღალავად თან სდევენ, იმის მიუხედავად, რომ მეგანმა და პრინც ჰარიმ ტიტულებსა და სამეფო ვალდებულებებზე უარი თქვეს. მისი ყოველი გამოსვლა აინტერესებთ. ეს უცნაური არაა, რადგან მეგან მარკლი უბრალოდ იდეალურ ფორმაშია. Vivien გთავაზობთ, ერთად გავარკვიოთ, როგორ მოახერხა მშვენიერმა ლედიმ ასეთი მოხდენილი ფორმების შენარჩუნება ორი ბავშვის გაჩენის შემდეგ.
მეგან მარკლი დღეს – მეგანმა მეორე შვილი, ლილიბეტ მაუნთბეთენ–უინძორი, 2021 წლის 4 ივნისს გააჩინა. სასექსის ყოფილი ჰერცოგის წყვილი კონფიდენციალურობას განსაკუთრებით პატივს სცემს და ქალიშვილის საჯაროდ გამოჩენას არ ჩქარობს. ფანებმა გოგონას და მისი უფროსი ძმის არჩის ზოგიერთი ფოტო მაინც მოიპოვეს. მაგალითად, ერთ–ერთ ახალ ფოტოზე მომღიმარ მეგანს პატარა ლილიბეტი ხელში უჭირავს. უნდა ითქვას, რომ ორივე ქალბატონი საოცრად გამოიყურება.
უბრალო ციფრები – 2022 წლის 4 აგვისტოს მეგან მარკლი 41 წლის გახდა. შეგვიძლია ვთქვათ, რომ ასაკის შესაბამისად გამოიყურება? სავარაუდოდ, არა. მეგან მარკლი ჯანმრთელობას და ცხოვრების წესს ყურადღებას აქცევს. სწორედ ამის ხარჯზე მინიმუმ 5 წლით ახალგაზრდულად გამოიყურება. როგორ ახერხებს ასე კარგად გამოიყურებოდეს ინტერნეტ სივრცეში საძულველი კომენტარებით გამოწვეული სტრესის ფონზე? საკმაოდ წონადი კითხვაა, რადგან მსოფლიო პრესა მეგან მარკლს ხშირად არ ინდობდა. ნეგატიური კონტექსის მქონე საეჭვო სტატიები შეუძლებელია მის გარეგნობასა და ფსიქიკურ ჯანმრთელობაზე არ ასახულიყო.
ჰერცოგინიას სილამაზის საიდუმლო – მეგან მარკლი სტრესს, ასევე ზედმეტ კილოგრამებს კომპლექსურად ებრძვის. მეორე შვილის გაჩენის შემდეგ უფრო გამხდარი და ქალური გახდა, ვიდრე იყო. ახლახანს ჟურნალისტების წინაშე მოკლე შორტი–ბერმუდით გამოჩნდა. უნდა ითქვას, რომ მეგანის ფეხები საოცრად გამოიყურება. როგორ ახერხებს? რა თქმა უნდა, მეგანი სპორტის დიდი მოყვარულია. უფრო ზუსტად, იოგა და პილატესი მოსწონს. ბრიტანულ მამულში, ფროგმორში იოგისთვის სპეციალური ოთახიც მოაწყო. რაიმე აქტივობა კარგი ჯანმრთელობის და ტანადი ფორმების გარანტია ნამდვილად გახდება. უკეთესია, თუ ეს აქტივობა ადამიანს მოსწონს.
იდეალური ძილი – მეგან მარკლი ძილსაც სათანადო ყურადღებას უთმობს. ცუდი ძილი წონის მატებას ხელს უწყობს. ჰერცოგინიამ 16:00 საათის შემდეგ კოფეინის შემცველი პროდუქტების მიღებაზე უარი განაცხადა. საღამოს მხოლოდ ნატურალურ წვენს და სასარგებლო დანამატებს იღებს. დაძინებამდე 1 საათს მხოლოდ საკუთარ თავს უთმობს. ცნობილი ადამიანი წიგნს კითხულობს, სერიალს უყურებს, ბავშვებთან ან საყვარელ ცხოველებთან ერთად თამაშობს ან აბაზანაში ნებივრობს. ეს მოდუნებასა და კარგი ძილისთვის განწყობის შექმნაში ეხმარება. ასეთი სასიამოვნო საქმიანობისგან მიღებული პოზიტიური ემოციები სტრესის დონეს ამცირებს.
მეგან მარკლი იდეალურ ფორმაშია – ახლა ყოფილმა ჰერცოგინიამ მოთმინება და ძალა უნდა მოიკრიფოს. ახლახანს ნიუ–იორკში ცნობილ ფემინისტს და აქტივისტს გლორია სტეინს შეხვდა. ეს შეიძლება იმას ნიშნავდეს, რომ მეგან მარკლს აშშ–ში პოლიტიკური ცხოვრების დაწყება და ქალთა უფლებების დაცვაში ჩართვა სურს. რთული, მაგრამ სასარგებლო მისიაა. მეგან მარკლს შეუპოვრობა და ნებისყოფა ნამდვილად დაეხმარება.
