ვარდს ზაფხულში გამოკვება აუცილებლად სჭირდება. ამ დროს ყვავილობის ახალ–ახალი ტალღები ერთმანეთს ცვლის. ძალების აღსადგენად დამატებით უნდა გამოკვებოთ. Vivien გთავაზობთ ხალხურ რეცეპტებს, რომლებიც მარტივად მზადდება და იაფია. ასეთი საშუალებები ვარდს შესანიშნავად კვებავს, ამიტომ მზა ნარევის შეძენა აუცილებელი არაა. სახლში მომზადებული სასუქით კოკრები უფრო ნაჯერ ფერს მიიღებს და მცენარე არახელსაყრელ პირობებს უკეთ გაუძლებს.

ხალხური სასუქების გამოყენების წესები – 2 ძირითადი წესი დაიცავით. შეგახსენებთ, როგორც ზედმეტი დოზა, ასევე ნაკლები გამოკვება ვარდის ყვავილობაზე ნეგატიურად აისახება.

1. სასუქი ორ კვირაში ერთხელ გამოიყენეთ. დოზირება დაიცავით.
2. მშრალი ამინდის პირობებში ვარდი შინ მომზადებული ნარევით დანამეთ, რომ ფესვების სისტემამ ფუნქციონირება არ შეამციროს.

ხალხური სასუქები ვარდის გამოსაკვებად ყვავილობის დროს

• ბანანის ქერქი – სასუქის მოსამზადებლად 5 ბანანი და 3 ლ წყალი დაგჭირდებათ. 5 ბანანის ქერქი 3-ლიტრიან ქილაში ჩააწყვეთ. თბილი წყალი დაასხით. 3 დღე გააჩერეთ. მიღებული ნარევით ვარდის ბუჩქები მორწყეთ.
• კვერცხის ნაჭუჭი – სასუქის მოსამზადებლად 6 ქათმის კვერცხი და 5 ლ წყალი დაგჭირდებათ. 6 კვერცხის ნაჭუჭი 5-ლიტრიან ჭურჭელში ჩაყარეთ. წყალი დაასხით. 3 დღე გააჩერეთ. ნარევი პულვერიზატორში ჩაასხით და ვარდის ბუჩქები დანამეთ.
• ჭინჭარი – სასუქის მოსამზადებლად ჭინჭრის ფოთლები და 3 ლ წყალი დაგჭირდებათ. 3-ლიტრიანი ქილის 2/3 მოცულობა ფოთლებით გაავსეთ. წყალი დაასხით. თავსახური დაახურეთ და 10 დღე გააჩერეთ. 1:10 პროპორციით წყალში გააზავეთ და ვარდი მორწყეთ.

ამ მარტივი ხალხური რეცეპტებით ვარდი საოცრად აყვავილდება. მთავარია, რომ სასუქები სწორად და წესების დაცვით გამოიყენოთ.