ამბობენ, რომ ევროპელი ქალები სახლის სისუფთავესა და წესრიგს გულგრილად ეკიდებიან. ეს გაზვიადებაა. სისუფთავის მიმართ სიყვარული ინდივიდუალური გაგებაა, რომელიც ეროვნებასა და საცხოვრებელ ქვეყანაზე დამოკიდებული არაა. სხვა საქმეა, რომ ევროპის მაცხოვრებლები სახლის დალაგებაზე არ გიჟდებიან. ცნებები არ აგერიოთ. სახლის დალაგება და სისუფთავე სხვადასხვა რამაა. სისუფთავე და წესრიგი თითქმის ყველას უყვარს. აი, ხანგრძლივი დალაგების პროცესი, რომელიც იატაკის წმენდას, ნივთების დახარისხებას და მტვრის გადაწმენდას მოიცავს, ყველას არ აღაფრთოვანებს.
ევროპელი ქალები – ევროპაში ქალები ჩვენი თანამემამულეებისგან ცოტათი განსხვავდებიან. ისინი სახლის გენერალურ დალაგებას, რომელიც მთელ დასვენების დღეს გვართმევს, მიჩვეულნი არ არიან. ამის ნაცვლად სახლში წესრიგს სხვა მეთოდებით აღწევენ. მაგალითად, რემონტის დროს სივრცეს ისე აწყობენ, რომ ნაკლებად დაბინძურდეს და სახლის დალაგებამ დიდი დრო არ წაართვას.
პრიალა ერთფერიანი ფილების ნაცვლად შეგიძლიათ გლუვი ვარიანტი ნახატებით შეარჩიოთ. მასზე ყოველი წვეთი და მტვერი ნაკლებად შესამჩნევია. ევროპაში მინიმალისტური სტილის ინტერიერი უფრო მისაღებია. როცა ყველა ზედაპირი უსარგებლო წვრილმანისგან გათავისუფლებულია, სახლიც მარტივად და სწრაფად ლაგდება. მაგალითად, შეგიძლიათ ხალიჩების რაოდენობა მინიმუმამდე შეამციროთ. ასე იატაკის გაწმენდა და მტვრის აღება გამარტივდება.
ცივილიზებულ ქვეყნებში ხარისხიანი სარეცხი მტვერსასრუტის ქონა ნორმად ითვლება. ზოგჯერ თანამედროვე რობოტ–მტვერსასრუტს ყიდულობენ, რომელიც სახლს ავტომატურად ალაგებს. გარდა ამისა, ბევრი ადამიანი ჭურჭლის სარეცხ მანქანას და კომფორტულ სარეცხ მანქანას საშრობით ყიდულობს. ხარისხიანი ხელსაწყოები და საშუალებები სახლის დალაგებაზე დახარჯული საათების რაოდენობას მნიშვნელოვნად ამცირებს.
სივრცის სწორად მოწყობა სისუფთავის შენარჩუნების ერთადერთი მეთოდი არაა. რამდენიმე სასარგებლო ჩვევაც შეგიძლიათ გამოიმუშავოთ. მაგალითად, მცირე უწესრიგობა მაშინვე დაალაგეთ. რამდენიმე ჭიქა და თეფში მაშინვე გარეცხეთ და არ დაელოდოთ, სანამ ნიჟარა მთელი მთა ჭურჭლით გაივსება. შეგიძლიათ მტვერი მაშინვე გადაწმინდოთ და სახლი არეულ სივრცედ არ აქციოთ. ჭუჭყიანი და მიმოფანტული ნივთები არ დააგროვოთ. რაიმე ნივთის ადგილზე დადებას დიდი დრო არ სჭირდება. დაგროვებული ნივთებისგან განსხვავებით, რომელიც სივრცეს ტვირთავს და სამოძრაოდ ადგილს არ ტოვებს.
ცხოვრებისეული სიბრძნე და რედაქციის რჩევა – დიახ, ევროპელი ქალები სახლის დალაგებაზე ჩაციკლულნი არ არიან, თუმცა ყველაფრის ხარისხიანად ორგანიზება შეუძლიათ, ამიტომ სახლის მოსაწესრიგებლად ხანგრძლივი დალაგება არ სჭირდებათ. სამსახურისა და სახლის დალაგებისგან თავისუფალ დროს სასიამოვნო დასვენებაზე, თავის მოვლასა და მენტალურ ჯანმრთელობაზე ხარჯავენ. განა ეს მშვენიერი არაა?
დარწმუნებული ვართ, რომ ევროპელი ქალებისგან ბევრმა მაგალითი უნდა აიღოს. სამწუხაროდ, ჩვენს საზოგადოებაში ბევრი უსიამოვნო ტენდენციაა, რომელიც საოჯახო საქმეებს უკავშირდება. აქ ქალები საკუთარ თავზე წარმოუდგენელ ტვირთს იღებენ. ისინი ზრუნავენ შვილებზე, ქმარზე, სახლზე. დროთა განმავლობაში იღლებიან და დაღლილობისგან იფიტებიან. ამ ყველაფერს ქალის ჯანმრთელობა, გარეგნობა და მენტალური მდგომარეობა ეწირება. საუბედუროდ, საკუთარი თავის დაუფასებლობა და საქმეების გადანაწილების უუნარობა გადაწვას და ოჯახში პრობლემებს იწვევს.
